جاراتىلىستىق بايلىق مينيسترلىگى: جەردى جان - جاقتى وڭاۋ دەگەن اتپەن ەكولوگيانى قورعاۋدىڭ قىزىل سىزىعىن رەتتەۋگە قاتاڭ تيىم سالىنادى
2023.04.28 12:17 كەلۋ قاينارى : حالىق تورابى
4 – ايدىڭ 26 – كۇنى، جاراتىلىستىق بايلىق مينيسترلىگى تۇتاس وڭىرلىك جەردى جان - جاقتى وڭاۋدى تۇيىندە سىناق ەتۋدى ارناعا ءتۇسىرۋ جونىندەگى ۇقتىرۋدى باسىپ تاراتىپ، جەردى جان - جاقتى وڭاۋ دەگەن اتپەن ەكولوگيانى قورعاۋدىڭ قىزىل سىزىعىن رەتتەۋگە قاتاڭ تيىم سالۋدى ايقىندادى.
جاراتىلىستىق بايلىق مينيسترلىگى مىنالاردى تالاپ ەتتى: جالپى وڭىرلىك جەردى جان - جاقتى وڭاۋ سىناق ءتۇيىنى ەتىلگەن رايوندار ەگىستىك جەر مەن ماڭگىلىك نەگىزگى ەگىنجايلاردى رەتتەۋدى قاتاڭ تىزگىندەپ، اۋىل شارۋاشىلىق كەڭىستىگىن ورنىقتىرۋ كەرەك؛ قالا - اۋىل قۇرىلىسىندا جەكە وبيەكتىنى يەمدەنۋدى ماقسات ەتىپ، ماڭگىلىك نەگىزگى ەگىنجايلاردى ءوز بەتىمەن رەتتەۋگە قاتاڭ تيىم سالۋ كەرەك.
بۇدان سىرت، جالپى وڭىرلىك جەردى جان - جاقتى وڭاۋدى ءتۇيىندى سىناق ەتكەن رايونداردا جاراتىلىستىق بايلىق مينيسترلىگى جەردى جان - جاقتى وڭاۋ دەگەن اتپەن ەكولوگيانى قورعاۋدىڭ قىزىل سىزىعىن رەتتەۋىنە قاتاڭ تيىم سالادى؛ وڭاۋ دەگەن اتپەن ورماندى كەسىپ، تاۋدى قازىپ، كولدى سارقۋعا، زاڭعا قايشىلىق جاساپ ورماندىق جەردى، سازدىق جەردى، جايىلىمدى، ۇزاق ۋاقىت بولعان ايگىلى اعاشتاردى بۇلدىرۋگە، وڭاۋ دەگەن اتپەن ورماندى ءبۇلدىرىپ تىڭ يگەرۋگە قاتاڭ تيىم سالىنادى.
قاتىستى جوسپار مەن جولعا قويۋ جوباسىن جاساعاندا، سول ورىنداعى بۇقارانىڭ تىلەگىنە تولىق قۇلاق سالۋى جانە قۇرمەت ەتۋى، پرينسيپتىك جاقتان قىستاقتاردى بىرىكتىرمەۋى، سول جەردىڭ ءداستۇرلى تاريحى مادەنيەت مازمۇنىن ءوز ىشىنە العان ەرەكشە قىستاقتاردى باتىل ساقتاپ قالۋى، بۇقارانىڭ تىلەگىنە قايشى فورمامەن قاۋىرت شاعۋدى، قاۋىرت قۇرىلىس جۇرگىزۋدى قاتتى شەكتەۋى كەرەك، ديقانداردى ماجبۇرلەپ ”قاباتقا“ كوشىرۋگە بولمايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
