قاتىناس – تاسىمال مينيسترلىگى: 2023 - جىلى 129 مىڭ كيلومەتر اۋىل – قىستاق تاس جولىن جاڭادان سالۋ، وزگەرتىپ سالۋ جوسپارلاندى
2023.04.28 12:27 كەلۋ قاينارى : حالىق تورابى
ءتىلشىنىڭ 4 – ايدىڭ 27 – كۇنى قاتىناس – تاسىمال مينيسترلىگىنىڭ اقپار جاريالاۋ ماجىلىسىنەن ۇعىسۋىنشا، 2023 – جىلى تۇتاس جىلدا اۋىل – قىستاق تاس جولى تۇراقتى مۇلكىنە 280 ميلليارد يۋان قارجى قوسۋ، 129 مىڭ كيلومەتر اۋىل – قىستاق تاس جولىن جاڭادان سالۋ، وزگەرتىپ سالۋ جوسپارلانىپ، ”تورتتە جاقسى اۋىل – قىستاق تاس جولىنىڭ“ جوعارى ساپالى دامۋى ىلگەرىلەتىلەدى ەكەن.
بيىل تۇتاس جىلدا اۋىل - قىستاق تاس جول تۇراقتى مۇلكىنە 280 ميلليارد يۋان قارجى قوسۋ جوسپارلاندى، 129 مىڭ كيلومەتر اۋىل - قىستاق تاس جولى تىڭنان سالىنادى جانە جاڭالانادى، 3 - دارەجەلى جانە ودان جوعارى دارەجەلى تاس جول 377 اۋىل – قالاشىققا تىڭنان سالىنادى، تىڭنان اسفالت جول تۇتاساتىن ءبىرشاما ءىرى تابيعي قىستاق (گرۋپپا) 25 مىڭ 900 بولادى. اۋىل - قىستاق تاس جولىن باسقارۋ، قورعاۋ سالاسىنداعى جۇمىس ورنىن 800 مىڭنان استام ورىنعا جەتەدى.
قاتىناس – تاسىمال مينيسترلىگى تاس جول مەكەمەسىنىڭ ورىنباسار باستىعى گۋ جىفىڭ بىلاي دەدى: اۋىل – قىستاق تاس جولىن سيفرلاندىرۋ جانە ينفورماتسيالاندىرىپ باسقارۋ بىرتىندەپ ىلگەرىلەتىلىپ، اۋىل – قىستاق تاس جولىنىڭ ”ءبىر جول ءبىر ارحيۆ“ ينفورماتسيالاندىرۋ قۇرىلىسى تۇيىندە سىناق ەتىلەدى، تۇتاس جىلدا اۋىل – قىستاق تاس جولىنىڭ جاعدايىن اۆتوماتتى تەكسەرۋ 2 ميلليون كيلومەترگە جەتكىزۋ جوسپارلاندى. تۇتاس جىلدا عۇمىردى حاۋىپسىز قورعاۋ ينجەنەرياسى بويىنشا 50 مىڭ كيلومەتر جانە قاتەرلى كوپىردەن 5000 ىن جاڭالاۋ جوسپارلاندى.
گۋ جىفىڭ مىنانى ءبىلدىردى: قاتىناس ـ تاسىمال مينيسترلىگى قالا ـ اۋىل جولاۋشى تاسىمالىن الەۋمەتتىك قاتىناسقا وزگەرتۋدى نەمەسە الەۋمەتتىك قاتىناس جەلىسىن ۇزارتۋدى تارتىپپەن ىلگەرىلەتىپ، اۋدان، اۋىل، قىستاق ءۇش دارەجەلى اۋىل ـ قىستاق زات اينالىمى جۇيەسى قۇرىلىسىن جەدەل كەمەلدەندىرىپ، اۋىل ـ قىستاق جولاۋشى، زات، پوچتا ىستەرىنىڭ توعىسپالى دامۋىن ىشكەرىلەي ىلگەرىلەتەدى. ”ءبىر ورىن كوپ يقۋاتتى بولاتىن، ءبىر توراپتان كوپ جاقتى پايدالاناتىن، يقۋاتى شوعىرلى، قولايلى، جوعارى ءونىمدى“ اۋىل ـ قىستاق تاسىمالىنا قىزمەت وتەۋ دامۋىنىڭ جاڭا ۇلگىسىن قالىپتاستىرۋ كەرەك. اۋىل - قىستاق تاس جولى مەن جول بويىنداعى سايكەستى قۇرىلعىلاردى، كاسىپ باقشا رايوندارىن، ساياحات كورىنىس رايوندارىن، اۋىل - قىستاق ساياحاتىنداعى ءتۇيىندى قىستاقتاردى ءبىر تۇلعالاندىرۋ قۇرىلىسىن ىلگەرىلەتۋ كەرەك. اۋىل - قىستاق تاس جول بويىنداعى زاريادتاۋ نەگىزدىك قۇرىلعىلار قۇرىلىسىن كۇشەيتىپ، اۋىل - قىستاق تاس جول قۇرىلعىلارىنىڭ قىزمەت وتەۋ فۋنكسياسىن كەڭەيتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
