لي چياڭ دۇنيە جۇزىلىك ءبىلىم مەنشىك ۇقىعى ۇيىمىنىڭ باسالقاسى دىڭ حۇڭسىنمەن كەزدەستى
2023.04.28 14:53 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 27 - كۇنى، بەيجيڭ. مەملەكەتتىك كەڭەستىڭ زۇڭليى لي چياڭ 4 - ايدىڭ 27 - كۇنى تۇستەن بۇرىن جۇڭنانحايداعى زىگۋاڭگى سارايىندا دۇنيە جۇزىلىك ءبىلىم مەنشىك ۇقىعى ۇيىمىنىڭ باسالقاسى دىڭ حۇڭسىنمەن كەزدەستى.
لي چياڭ مىنالاردى ءبىلدىردى: بيىل − جۇڭگونىڭ دۇنيە جۇزىلىك ءبىلىم مەنشىك ۇقىعى ۇيىمىمەن سەلبەستىك جاساسقانىنىڭ 50 جىلدىعى. ءتوراعا شي جينپيڭ بىرنەشە كۇننىڭ الدىندا جۇڭگو مەن دۇنيە جۇزىلىك ءبىلىم مەنشىك ۇقىعى ۇيىمى سەلبەستىك جاساسقانىنىڭ 50 جىلدىعىن ەسكە ءتۇسىرۋ جانە ۇگىت اپتالىعى نەگىزگى الاڭ قيمىلىنا قۇتتىقتاۋ حاتىن جولدادى، بۇل ءتوراعانىڭ ءبىلىم مەنشىك ۇقىعى قىزمەتىنە ايرىقشا ءمان بەرەتىنىن تولىق ايگىلەدى. وسىنى وراي ەتىپ، ەكى جاق سەلبەستىگىنىڭ تاعى دا تىڭ ساتىعا كوتەرىلۋىن ىلگەرىلەتۋدى ءۇمىت ەتەمىن.
لي چياڭ مىنالاردى اتاپ كورسەتتى: جۇڭگو ءبىلىم مەنشىك ۇقىعىن قورعاۋعا باستان - اياق ايرىقشا ءمان بەرىپ، مەملەكەتتىڭ ءبىلىم مەنشىك ۇقىعى ستراتەگياسىن جاساپ جانە اتقارىپ، ءبىلىم مەنشىك ۇقىعىندا مىعىم ەل قۇرۋدى جەدەل ىلگەرىلەتتى، اسىرەسە، قاتىستى زاڭ - تۇزىمدەردى ورناتۋ جانە كەمەلدەندىرۋ، ارناۋلى قۇرىلىم جانە قوسىن قۇرىلىسىن كۇشەيتۋ، تۇتاس قوعامنىڭ ءبىلىم مەنشىك ۇقىعىنا قۇرمەت ەتۋ جانە ونى قورعاۋ تانىمىن كۇشەيتۋ، ۇقىققا قول سۇعۋداعى كەلەلى دەلولاردى زاڭ بويىنشا ءبىر جاقتى ەتۋ سياقتى جاقتاردا باياندى ىلگەرىلەۋشىلىككە قول جەتكىزدى. جۇڭگو − ءبىلىم مەنشىك ۇقىعى حالىقارالىق جۇيەسىنىڭ بەلسەندى قۇرۋشىسى، ماڭىزدى ۇلەس قوسۋشىسى جانە باتىل قورعاۋشىسى.
لي چياڭ مىنالاردى دارىپتەدى: ءبىلىم مەنشىك ۇقىعى ءتۇزىمى − جاڭالىق اشۋعا دەم بەرەتىن كاتاليزاتور، ەكونوميكالىق دامۋدىڭ ۇدەتكىشى. جاساندى زەردە، زات تورابى سياقتى جاڭا تەحنيكالار مەن سيفرلى ەكونوميكانىڭ دامۋىنا ىلەسە ءبىلىم مەنشىك ۇقىعى قىزمەتى كوپتەگەن جاڭا تاقىرىپتار مەن سىندارعا ءدوپ كەلدى.ءبىز دۇنيە جۇزىلىك ءبىلىم مەنشىك ۇقىعى ۇيىمىمەن سەلبەستىكتى كۇشەيتىپ، ءبىلىم مەنشىك ۇقىعىن جاراتۋعا، قورعاۋعا، پايدالانۋعا ءتيىمدى تاماشا ەكولوگيا قالىپتاستىرۋعا جۇڭگونىڭ اقىل - پاراساتىن، جۇڭگو جوباسىن بەلسەنە ارناپ، ادامزاتتىڭ ءبىلىمىنىڭ، اقىل - پاراساتىنىڭ بۇكىل ادامزاتقا ءتىپتى دە زور باقىت جاراتۋىنا مۇمكىندىك جاساۋدى قالايمىز. جۇڭگو دۇنيە جۇزىلىك ءبىلىم مەنشىك ۇقىعى ۇيىمىنىڭ كوپ جاقتى جۇيەدە جانە دۇنيە ءجۇزىنىڭ جاڭالىق اشا دامۋىن جەبەۋدە اناعۇرلىم زور رول اتقارۋىن بۇرىنعىداي قولدايدى.
دىڭ حۇڭسىن مىنالاردى ءبىلدىردى: وتكەن 50 جىلدا جۇڭگو ءبىلىم مەنشىك ۇقىعى جاعىندا تاريحي تابىستارعا جانە ىلگەرىلەۋشىلىككە قول جەتكىزىپ، دۇنيە جۇزىلىك جاڭالىق اشۋ كورسەتكىشىندە 11 - ورىنعا كوتەرىلدى. بۇل 5 مىڭ جىلدان استام ۋاقىتتان بەرى جالعاسىپ كەلە جاتقان جۇڭحۋا وركەنيەتىنەن تامىر العان، سونداي - اق جۇڭگو ۇكىمەتىنىڭ ءبىلىم مەنشىك ۇقىعى مەن جاڭالىق جاراتۋعا ايرىقشا ءمان بەرۋىنىڭ ارقاسى سانالادى. جۇڭگو بەلگىلەگەن ءبىلىم مەنشىك ۇقىعى ستراتەگياسىن ۇلگى دەۋگە بولادى. دۇنيە جۇزىلىك ءبىلىم مەنشىك ۇقىعى ۇيىمى مەن جۇڭگونىڭ جاڭالىق اشۋ، تەحنيكا، سيفرلاندىرۋ سياقتى جاقتارداعى سەلبەستىگى توتەنشە كەڭ، تەرەڭ، بولاشاقتا جۇڭگومەن سەلبەستىكتى ونان ارى كۇشەيتىپ، دۇنيە ءجۇزىنىڭ جاڭالىق اشا دامۋى مەن ءار ەلدىڭ بىرگە دامۋىن ىلگەرىلەتەمىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
