14 - كەزەكتى مەملەكەتتىك حالىق قۇرىلتايىنىڭ تۇراقتى كوميتەتى مىندەت وتەۋ جونىندەگى ارناۋلى تاقىرىپتاعى ۇيرەنۋ لەكسياسىن وتكىزدى
جاۋ لىجي مىنانى دارىپتەدى: ۇيرەنۋدى كۇشەيتىپ، مىندەت وتەۋ قابىلەتىن جوعارىلاتىپ، نەگىزگى زاڭ مەن زاڭدار جۇكتەگەن قىزمەت جاۋاپكەرلىگىن اناعۇرلىم ويداعىداي ارقالاۋ كەرەك
2023.04.28 14:54 كەلۋ قاينارى : حالىق تورابى
«حالىق گازەتى»، 4 - ايدىڭ 27 - كۇنى، بەيجيڭ (ءتىلشى ۋاڭ بيشۋە). 14 - كەزەكتى مەملەكەتتىك حالىق قۇرىلتايىنىڭ تۇراقتى كوميتەتى 4 – ايدىڭ 26 – كۇنى بەيجيڭدەگى حالىق سارايىندا تۇراقتى كوميتەت قۇرامىنداعىلاردىڭ مىندەت وتەۋ جونىندەگى تۇڭعىش رەتكى ارناۋلى تاقىرىپتاعى ۇيرەنۋ لەكسياسىن وتكىزدى. كوميتەت باستىعى جاۋ لىجي تۇستەن بۇرىنعى لەكسيانى باسقاردى ءارى ءسوز سويلەدى. ول بىلاي دەپ دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، جاڭا داۋىرگە، جاڭا مىندەتكە، جاڭا تالاپقا ىرىقتىلىقپەن ۇيلەسىپ، ۇيرەنۋدى اناعۇرلىم سانالىلىقپەن، تاباندىلىقپەن كۇشەيتىپ، مىندەت اتقارۋ قابىلەتىن جوعارىلاتىپ، حالىق قۇرىلتايى قىزمەتىنىڭ مايتالمانى بولۋعا قۇلشىنىپ، نەگىزگى زاڭ مەن زاڭدار جۇكتەگەن قىزمەت جاۋاپكەرلىگىن اناعۇرلىم ويداعىداي ارقالاۋ كەرەك.
جاۋ لىجي مىنالاردى اتاپ كورسەتتى: پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدى زاڭمەن جونگە سالۋ جاعىنان قامتاماسىز ەتۋ تۇراقتى كوميتەت قۇرامىنداعىلاردىڭ ۇيرەنۋ قابىلەتىنە، مىندەت اتقارۋ قابىلەتىنە تىڭ دا اناعۇرلىم جوعارى تالاپتار قويدى. تۇراقتى كوميتەتتىڭ قۇرامىنداعىلار ۇيرەنۋدەگى جاۋاپكەرلىك سەزىمدى، كوكەي تەستىلىك سەزىمدى جانە سانالىلىقتى كۇشەيتىپ، مىندەت وتەۋ قابىلەتى مەن ورەسىن جاپپاي جوعارىلاتۋى كەرەك.
جاۋ لىجي مىنالاردى دارىپتەدى: ۇيرەنۋ ءتۇيىنىن كورنەكتىلەندىرىپ، ۇيرەنۋ سالاسىن كەڭەيتىپ، ۇيرەنۋدىڭ داۋىرلىك، امالياتتىق، جۇيەلىلىك سيپاتىن كۇشەيتۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىن، اسىرەسە، شي جينپيڭ زاڭمەن جونگە سالۋ يدەياسىن، باس شۋجي شي جينپيڭنىڭ حالىق قۇرىلتايى تۇزىمىندە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ۇزدىكسىز ىشكەرىلەي ۇيرەنىپ، دايەكتىلەندىرىپ، پارتيانىڭ جاسامپاز نازارياسىمەن وي - سانانى شىن مانىندە قارۋلاندىرىپ، امالياتقا جەتەكشىلىك ەتىپ، قىزمەتتى ىلگەرىلەتۋ كەرەك. نەگىزگى زاڭ مەن زاڭداردى مۇقيات ۇيرەنىپ، مىندەتىن زاڭ بويىنشا اتقارۋ تانىمىن بەرىك ورناتىپ، ءتۇرلى قىزمەتتى سانالى تۇردە زاڭمەن باسقارۋ ارناسىندا ىلگەرىلەتۋ كەرەك. ءار جاقتاعى بىلىمدەردى كەڭىنەن ۇيرەنىپ، ءبىلىم سالاسىن كەڭەيتىپ، ويلاۋ دەڭگەيى مەن رۋحاني دەڭگەيدى جوعارىلاتۋ كەرەك.
جاۋ لىجي مىنالاردى دارىپتەدى: ماركسيزمدىك ۇيرەنۋ ستيلىن ساۋلەلەندىرىپ، ۇيرەنگەندى قولدانا ءبىلۋدى، قولدانۋ ارقىلى ۇيرەنۋدى جەبەۋدى، ۇيرەنۋ مەن قولدانۋدىڭ ءبىرىن - ءبىرى جەبەۋىن جۇزەگە اسىرۋ كەرەك. ۇيرەنۋدىڭ دۇرىس بەتالىسىندا تاباندى بولىپ، مۇرات - سەنىمدى، اۋەلگى ماقساتتى، بورىشتى بەكەمدەپ، پارتيانىڭ جاپپاي باسشىلىعىندا، اسىرەسە، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا تاباندى بولىپ، حالىق قۇرىلتايى ءتۇزىمى سەنىمىن بەكەمدەپ، جۇڭگوشا سوتسياليستىك ساياسي دامۋ جولىمەن جۇرۋدە تاباندى بولۋ كەرەك. ۇيرەنۋ مەن وي جۇگىرتۋدى، ۇيرەنۋ مەن امالياتتى، ۇيرەنۋ مەن تەكسەرىپ - زەرتتەۋدى ۇشتاستىرۋدا تاباندى بولىپ، نازاردى ءىس جۇزىندىك ماسەلەلەردى زەرتتەۋ مەن شەشۋگە شوعىرلاندىرىپ، پارتيانىڭ بۇقارالىق لۋشيانىن دايەكتىلەندىرىپ، حالىقتىڭ امالياتتىق جاسامپازدىعىنان اقىل - پاراسات جانە كۇش - قۋات الۋ كەرەك.
مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى لي حۇڭجۇڭ تۇستەن كەيىنگى لەكسيانى باسقاردى. مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋەي، ۋ ۋەيحۋا، تيە نيڭ، پىڭ چيڭحۋا، جاڭ چيڭۋەي، لوساڭ جياڭسۇن، شوكىرات زاكىر، باس حاتشى ليۋ چي جانە مەملەكەتتىك حالىق قۇرىلتايى تۇراقتى كوميتەتىنىڭ مۇشەلەرى، مەملەكەتتىك حالىق قۇرىلتايى ارناۋلى كوميتەتتەرىنىڭ قۇرامىنداعىلار ۇيرەنۋگە قاتىناستى.
وسى رەتكى ارناۋلى تاقىرىپتاعى لەكسيا جينالىسى ءتورت لەكسيادان قۇرالدى، مەملەكەتتىك حالىق قۇرىلتايى تۇراقتى كوميتەتى زاڭ قىزمەتى كوميتەتىنىڭ مەڭگەرۋشىسى شىن چۇنياۋ، مەملەكەتتىك حالىق قۇرىلتايى تۇراقتى كوميتەتى باس حاتشىسىنىڭ ورىنباسارى ليۋ جۇنچىن، مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتىنىڭ مەڭگەرۋشى مۇشەسى شين چۇنيىڭ، مەملەكەتتىك حالىق قۇرىلتايى تۇراقتى كوميتەتى كەڭسەسى زەرتتەۋ كەڭسەسىنىڭ مەڭگەرۋشىسى سۇڭ رۇي ىلگەرىندى - كەيىندى «ەلىمىزدىڭ نەگىزگى زاڭ ءتۇزىمى مەن نەگىزگى زاڭ امالياتى»، «مەملەكەتتىك حالىق قۇرىلتايى تۇراقتى كوميتەتىنىڭ ۇيىمدىق ءتۇزىمى جانە كەڭەس ەرەجەسى»، «جۇڭگوشا سوتسياليستىك زاڭ جۇيەسىن ۇزدىكسىز كەمەلدەندىرىپ، تاماشا زاڭ ارقىلى دامۋدى جەبەپ، شەبەرلىكپەن جونگە سالۋدى قامتاماسىز ەتەيىك»، «باس شۋجي شي جينپيڭنىڭ حالىق قۇرىلتايى تۇزىمىندە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرەيىك» دەگەن ساباقتاردى ءوتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
