1 - توقساندا كەمەگە تاپسىرىس بەرۋ مولشەرى سايكەس مەزگىلدەگىدەن %53 ارتتى (جاڭا ساندى مالىمەت، جاڭا ءتۇيىن)
2023.04.28 14:56 كەلۋ قاينارى : حالىق تورابى
«حالىق گازەتى»، 4 - ايدىڭ 27 - كۇنى، بەيجيڭ (تىلشىلەر ۋاڭ جىڭ، ليۋ جىچياڭ). ءتىلشىنىڭ تاياۋدا ونەركاسىپ جانە ينفورماتسيالاندىرۋ مينيسترلىگىنەن ۇعىسۋىنشا، 1 - توقساندا ەلىمىزدىڭ كەمە ونەركاسىبى ەكونوميكاسىنىڭ اينالىمى ورنىقتى جوعارىلاعان. ساناق ساندى مالىمەتىندە كورسەتىلۋىنشە، 1 - توقساندا ەلىمىزدىڭ جاڭادان قابىلدانعان كەمە تاپسىرىس مولشەرى 15 ميلليون 180 مىڭ توننا بولىپ، سايكەس مەزگىلدەگىدەن %53 ارتقان. 3 - ايدىڭ سوڭىنا دەيىن تاپسىرىس مولشەرى 114 ميلليون 520 مىڭ توننا بولىپ، سايكەس مەزگىلدەگىدەن %15.6 ارتقان.
ورنىقتىلىق بارىسىندا جاقساردى. 1 - توقساندا ەلىمىزدىڭ كەمە جاساپ ءبىتىرۋ مولشەرى، جاڭادان تاپسىرىس قابىلداۋ مولشەرى جانە قولداعى تاپسىرىس مولشەرى، سونداي – اق كوتەرىمدىلىك مولشەرى دۇنيە ءجۇزى جالپى مولشەرىنىڭ %43.5 ىن، %62.9 ىن جانە %50.8 ىن يەلەپ، وزگەرىس ەنگىزىلگەن توننا سانى جەكە - جەكە %43 ىن، %62.1 ىن جانە %45.3 ىن يەلەپ، دۇنيە ءجۇزى بويىنشا ءبىرىنشى ورىندا تۇردى.
ورنىقتىلىق بارىسىندا ىلگەرىلەدى. ساپالى كەمە تيبىندە جاڭا قامال الىندى، 3 – ايدىڭ سوڭىنا دەيىن دۇنيە ءجۇزى بويىنشا 24000TEU تيبىندەگى (ولشەمدى قوراپ) 6 تيەۋىش قوراپ كەمەسى پايدالانۋعا بەرىلدى، مۇنىڭ بارلىعىن جۇڭگونىڭ كەمە جاساۋ زاۆودى جاسادى؛ ەلىمىزدىڭ كەمە كاسىپورىندارى اۆتوموبيل تاسىمال كەمەسى بازارىنىڭ جاندانۋى سىندى ءتيىمدى ورايدى مىقتى يگەرىپ، بيىل 1 - توقساندا دۇنيە جۇزىندەگى 24 اۆتوموبيل تاسىمال كەمەسىن جاساۋ تاپسىرىسىن قابىلدادى.
ورنىقتىلىق بارىسىندا ساپانى جوعارىلاتتى. كەمەلەردىڭ تاپسىرىس ساپاسى كورنەكتى جوعارىلاپ، جاسىل دامۋ اياق الىسى تەزدەدى. 1 - توقساندا ەلىمىز كەمە تاپسىرىسىن قابىلداۋ قۇرىلىمىن ساپالىلاندىرىپ، جوندەۋ - كوتەرىمدىلىك سالىستىرماسى (جوندەۋ جالپى توننا مولشەرى – كوتەرىمدىلىك توننا مولشەرى) 0.485 كە جەتىپ، تاريحتاعى ەڭ جاقسى ورەدە تۇردى. 2022 – جىلدان بەرى ەلىمىز جاڭادان تاپسىرىس قابىلداعان جاسىل قوزعاۋشى كۇش كەمەلەرىنىڭ (ياعني سۇيىلتىلعان تابيعي گاز، مەتانول سياقتى تازا ەنەرگيا ىستەتىلەتىن كەمەلەر) سالىستىرماسى شامامەن %50 بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
