ءبىرىنشى ماۋسىمدا شينجياڭنىڭ ادەتتەگى الەۋمەتتىك مەجە ەسەپ كىرىسى ％4. 21 ارتتى
2023.04.28 15:33 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ران حۋ 4 - ايدىڭ 26 - كۇنى ۇرىمجىدەن حابارلايدى. ءبىرىنشى ماۋسىمدا شينجياڭنىڭ ادەتتەگى الەۋمەتتىك مەجە ەسەپ كىرىسى جيىنى 55 ميلليارد 720 ميلليون يۋان بولىپ، سايكەس مەزگىلدەگىدەن 9 ميلليارد 810 ميلليون يۋان كوبەيىپ، ％4. 21 ارتقان. ادەتتەگى الەۋمەتتىك مەجە ەسەپ شىعىسى جيىنى 134 ميلليارد 470 ميلليون يۋان بولىپ، الدىڭعى جىلعى سول تۇستاعىدان ％5 ارتقان، مۇنىڭ ىشىندە حالىق تۇرمىسى سالاسىنا جۇمسالعان شىعىس 101 ميلليارد 390 ميلليون يۋان بولعان.
4 - ايدىڭ 26 - كۇنى اۆتونوميالى رايوندىق حالىق ۇكىمەتى اقپارات كەڭسەسى اشقان ”شينجياڭنىڭ جوعارى ساپالى دامۋدى ىلگەرىلەتۋى“ جەلىلەس تاقىرىپتىق اقپار جاريالاۋ ماجىلىسىندە اۆتونوميالى رايوندىق قازىنا مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى جۋ جيە ءبىرىنشى ماۋسىمداعى شينجياڭنىڭ ادەتتەگى الەۋمەتتىك مەجە ەسەپ كىرىس - شىعىس جاعدايىن جاريالادى.
جۋ جيە بىلاي دەپ تانىستىردى: بىلتىر سول تۇستاعى ادەتتەگى الەۋمەتتىك مەجە ەسەپ كىرىسىنىڭ تاعاندىق سانى جوعارى، ارتۋى جوعارى بولعان جاعدايدا، بيىل جىل باسىنان بەرى شينجياڭنىڭ ءار دارەجەلى قازىنا تاراۋلارى كىرىستى ارتتىرۋ كومەسكى كۇشىن كوپ ارنامەن اشىپ، ءبىرىنشى ماۋسىمدا شينجياڭنىڭ قازىنا كىرىسىنىڭ 2 ورىندى سانمەن ارتۋىن جۇزەگە اسىردى؛ تۇتاس شينجياڭداعى 14 ايماقتىڭ (وبلىس، قالا) قازىنا كىرىسىندە تۇگەلدەي وڭ ارتۋ بولدى، 10 ايماقتىڭ (وبلىس، قالا) ارتۋ مولشەرى ％10تەن استى.
ءبىرىنشى ماۋسىمدا شينجياڭنىڭ سالىق كىرىسى جيىنى 32 ميلليارد 290 ميلليون يۋان بولدى. مۇنىڭ ىشىندە تۇلعالىق سالىق ءتۇرىنىڭ ارتقان قۇن سالىعى جەدەل تولىقتانىپ، كاسىپورىنداردىڭ ومىرشەڭدىك كۇشى بىرتىندەپ كۇشەيدى، ەكونوميكانىڭ ۇزدىكسىز قالپىنا كەلۋ ارىنى تاماشا بولدى.
”سالىقتان باسقا كىرىستىڭ ارتۋ ارىنىنىڭ تەبىندى بولۋى بيىل ءبىرىنشى ماۋسىمداعى شينجياڭنىڭ ادەتتەگى الەۋمەتتىك مەجە ەسەپ كىرىسىنىڭ جارقىن ءتۇيىنى بولدى“، - دەدى جۋ جيە، - ءار دارەجەلى قازىنا تاراۋلارى تيجارات تۇلعالارىنىڭ اۋىرتپالىعىن ارتتىرماعان شارت استىندا بايلىقتى، كاپيتالدى كوپ ارنادان پايدالانىپ كادەگە جاراتىپ، كىرىستى ارتتىرۋ كومەسكى كۇشىن بەلسەنە اشىپ، سۋ مەن توپىراقتى ساقتاۋ تولەمى كىرىسى، مەملەكەت مەنشىگىندەگى كاسىپورىندار جوعارىعا تاپسىرعان پايدا كىرىسى، سونداي - اق مەملەكەت مەنشىگىندەگى كاسىپورىنداردىڭ جارنا ۇقىعىن وتكەرمەلەۋ كىرىسى سياقتى سالىقتان باسقا كىرىستەردى زور مولشەردە كوبەيتتى.
بيىل شينجياڭ كەن بايلىعىن جاسىل اشۋدى، جوعارى ءونىمدى پايدالانۋدى جەدەل ىلگەرىلەتىپ، ادەتتەگى الەۋمەتتىك مەجە ەسەپ كىرىسىنىڭ 6. 3 پايىز ارتۋىن جەبەدى. ءبىرىنشى ماۋسىمدا شينجياڭنىڭ سالىقتان باسقا كىرىسى جيىنى 23 ميلليارد 430 ميلليون يۋان بولىپ، سايكەس مەزگىلدەگىدەن ％9. 79 ارتتى.
قازىنا كىرىسى ورنىقتى قاداممەن ارتۋمەن قاتار، بيىل شينجياڭنىڭ قازىنا شىعىسى قاجەتتى ۇدەمەلىلىكتى ساقتادى. ءبىرىنشى ماۋسىمدا شينجياڭنىڭ ادەتتەگى الەۋمەتتىك مەجە ەسەپ شىعىسى جيىنى 134 ميلليارد 470 ميلليون يۋان بولىپ، سايكەس مەزگىلدەگىدەن 6 ميلليارد 390 ميلليون يۋان كوبەيىپ، ％5 ارتىپ، قازىنا كىرىس - شىعىسىنىڭ ”بىردەي ارتۋىن“ جۇزەگە اسىردى.
ءبىرىنشى ماۋسىمدا شينجياڭنىڭ حالىق تۇرمىسى سالاسىنا جۇمساعان شىعىسى 101 ميلليارد 390 ميلليون يۋان بولىپ، ادەتتەگى الەۋمەتتىك مەجە ەسەپ شىعىسىنىڭ ％4. 75ىن يەلەدى. اۆتونوميالى رايوندىق قازىنا قارتتاردى كۇتىمدەۋ، وقۋ - اعارتۋ، قاتىناس، ەمدەۋ - دەنساۋلىق ساقتاۋ سياقتى بۇقارانىڭ ءتول مۇددەسىنە ساياتىن حالىق تۇرمىسىنداعى ءتۇيىندى سالالارعا قاتىستى شىعىستى بار كۇشپەن قامتاماسىز ەتىپ، حالىق تۇرمىسىن قامتاماسىز ەتۋدىڭ تومەنگى شەگىن باتىل ساقتادى.
مۇنىڭ ىشىندە قوعامدىق قامتاماسىزداندىرۋ مەن جۇمىستانۋ شىعىسى 27 ميلليارد 890 ميلليون يۋان بولىپ، سايكەس مەزگىلدەگىدەن ％17.8 ارتقان؛ دەنساۋلىق ساقتاۋ، سالاماتتىق شىعىسى 13 ميلليارد 900 ميلليون يۋان بولىپ، سايكەس مەزگىلدەگىدەن ％6. 23 ارتقان؛ قالا، اۋىل الەۋمەتتىك اۋماق شىعىسى 9 ميلليارد 480 ميلليون يۋان بولىپ، سايكەس مەزگىلدەگىدەن ％6. 23 ارتقان؛ تۇرعىن ءۇيدى قامتاماسىزداندىرۋ شىعىسى 2 ميلليارد 910 ميلليون يۋان بولىپ، سايكەس مەزگىلدەگىدەن ％7. 11 ارتقان.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
