قايراتتانا العا ۇمتىلىپ، جاستىق كوكتەمنىڭ كۇشىن تاسقىنداتايىق (حالىق تورىنىڭ تالقى مىنبەرى)
جاڭ فان
2023.05.04 17:01 كەلۋ قاينارى : حالىق تورابى
4 - مامىر جاستار مەرەكەسى قارساڭىندا جۇڭگو جاستارىنا ۇسىنىلعان توراپتىق كينو جۇرت نازارىن اۋداردى. تۇرلىشە جىلدارداعى جاستىق شاقتىڭ حيكايالارى ۋاقىت پەن كەڭىستىكتەن اتتاعان جاستاردىڭ كۇش - قۋاتىن جەتكىزدى.
جاستىق شاق − ءومىردىڭ ەڭ تاماشا كەزەڭى. ادامدار قاشان دا ەڭ تاماشا سوزدەردى جاستىق شاققا، ەڭ ىقىلاستى ۇمىتكە ارنايدى. ۇرپاقتان - ۇرپاققا جالعاسقان جاستار وتباسى مەن وتاندى كوكەيىندە ساقتاپ، تايسالماي العا ۇمتىلۋ كۇرەسى بارىسىندا ”جاستار دەگەن كىمدەر“، ”جاستىق كوكتەم دەگەن نە“ دەگەن ءومىر سىناعىنا جاۋاپ بەردى. 100 جىلدان استام ۋاقىتتىڭ الدىندا توپ - توپ جىگەرلى جاستار ولىمنەن تايسالماي، قاراڭعى تۇنەك قاپتاعان جۇڭگونىڭ ”ويانۋ داۋىرىنە“ قادام تاستاۋىن ىلگەرىلەتتى؛ بۇگىنگى تاڭدا جاڭا ءداۋىر جاستارى ”وسى دۇنيەنى تەڭ قارايمىز“ دەگەن سەنىممەن داۋىرمەن بىرگە ەسەيىپ – ەرجەتۋدە... سانسىزداعان جاستار جاستىق كوكتەمنىڭ كۇشى، جاستىق كوكتەمنىڭ جاسامپازدىعى ارقىلى جۇڭحۋا ۇلتىنىڭ قايسارلىقپەن العا باسۋىن ىلگەرىلەتىپ، جاستىق كوكتەمدەگى جۇڭگونىڭ ەڭ كوركەم بەينەسىن سومداۋدا.
تاريح قۇلاشىن كەڭ جايعان جاستاردىڭ ەسىمىن ويىپ جازدى؛ اياسى كەڭ بولاشاق جاستاردىڭ العا باسۋىن كۇتۋدە. باس شۋجي شي جينپيڭ بىلاي دەپ اتاپ كورسەتتى: ”ەرتەڭگى جۇڭگو جاستارعا ءۇمىت ارتادى“. مەملەكەتتى دامىتۋدا كوكىرەك كەرە جاۋاپكەرلىك ارقالاۋعا سۇيەنۋ كەرەك، ۇلتتىڭ گۇلدەنۋى جاستاردى كۇش جالعاپ جۇگىرۋگە ۇندەيدى. قالىڭ جاستار جاستىق كوكتەمىن قاستەرلەپ، بەلسەنە العا ۇمتىلىپ، ەكپىندەي ورگە تالپىنىپ، كەڭ - بايتاق اۋىل - قىستاقتا تەر توگىپ، زاۆودتاردا، سەحتاردا ماڭداي الدى ورىنعا شىعىپ، عىلىم - تەحنيكا شەبىندە اقىل - پاراساتىن ارناپ، قارلى بوراندا، شەكارا وتكەلدەرىندە ايبىندى بەينەمە كۇزەتكە تۇرىپ، ءار سالا، ءار كاسىپتە باسەكەلەسىپ، كەلبەتتەرىن ايگىلەپ، جاستىق كوكتەمنىڭ نۇر - شۇعىلاسىن اناعۇرلىم جارقىراتۋدا، ەرتەڭگى جۇڭگو اناعۇرلىم كوركەم بولادى.
جاستىق كوكتەم قاشان دا ارمانمەن سەرىك بولادى، ال ارمان كۇرەسپەن بىرگە جۇرەدى. سول جىلدارى جاس تىڭ يگەرۋ اترەتى توڭ جۇرگەن يەن دالادا جۇمىس سىستەپ، تابيعاتپەن كۇرەسىپ، ”بەيداحۋاڭدى“ ”بەيداساڭعا“ اينالدىردى؛ جاڭا داۋىردە حىبەي باۋديڭ شۋەيۋانىنىڭ باتىس بولىكتەگى وقۋ - اعارتۋعا كومەككە بارعان وقۋشىلارى ءبىر - ءبىر ءتۇپ جىڭعىل، ءبىر - ءبىر ءتۇپ گىساڭ گۇلى سياقتى باتىس بولىككە تامىر تارتىپ، ءبىلىم تاراتىپ، بايتاق وڭىرگە شەكسىز ومىرشەڭدىك كۇش سيلادى. ۇلتتى گۇلدەندىرۋدىڭ شەشۋشى كەزەڭىندە، ءومىردىڭ ەڭ تاماشا شاعىندا تۇرعان جاڭا داۋىردەگى جاستار كۇرەس ءداستۇرىن ساۋلەلەندىرىپ، كۇرەس جىگەرىن تاسقىنداتۋى ءتىپتى دە قاجەت. كۇرەس تامىرسىز اعاش، قاينارسىز سۋ ەمەس، وتان مەن حالىق ەڭ قاجەت ەتەتىن جەردە تامىر تارتقاندا عانا، جاستىق كوكتەم قۇلپىرا تۇسەدى. كۇرەس تەك اسقاق ۇران عانا ەمەس، قايتا ءاربىر ۇساق - تۇيەك ءىستى جاقسى ىستەۋ، ءاربىر مىندەتتى ورىنداۋ، ءاربىر قىزمەت جاۋاپكەرلىگىن اتقارۋ بارىسىندا رۋحتى ايگىلەپ، جاۋاپكەرلىكتى كورنەكتىلەندىرۋ كەرەك. كۇرەس جولى ءساتتى بولا بەرمەيدى، ءبىراق ءار رەتكى سايىستان قورىقپايتىن ىزدەنىس سىناعى، جاپا - ماشاقاتتان قورىقپايتىن اۋىر مىندەت تۇگەلدەي جاستىق كوكتەمدى ەڭ كەرەمەت شىڭداپ شىعاتىن تابىلادى. تومەنگە قاراي تامىر تارتىپ، ورگە ۇمتىلىپ، مۇرات - سەنىمدى يگىلىك جاراتۋ كۇرەسى بارىسىندا بەكەمدەگەندە، قالىڭ جاستار، ءسوز جوق، ومىرلىك مۇراتتىڭ جەلكەنىن جايىپ، ارماننىڭ قارسى جاعاسىنا جەتەتىن بولادى.
جاستار ۇنەمى جاڭالىققا قۇشتار بولادى، جاڭالىق اشۋ ىنتاسى، جاڭالىق اشۋ قوزعاۋشى كۇشى مىعىم. ون نەشە جىلدى ءبىر كۇندەي وتكىزىپ، قىزمەت ورنىندا تاپجىلماعان جوۋ لەي 16 ساپالى جوعارى ءتۇسىمدى كۇرىشتىڭ جاڭا سورتىن جەتىلدىرىپ، ”جۇڭگو توستاعنىنا“ ”جۇڭگو استىعىن“ تولتىرۋعا ۇلەسىن قوستى؛ قاجىماي - تالماي ىزدەنىس جاساعان پان شىلۇڭ ۇجىمدى باستاپ حالىقارادا تۇڭعىش تۇنىقتىعى ەرەكشە جوعارى ميكرو تولقىندى فوتوندىق كەسكىندەۋ رادارىن زەرتتەپ جاساپ، راداردىڭ بولاشاقتاعى دامۋىنىڭ ۇتىمدى جولىن تاپتى... جۇڭگونىڭ بايتاق دالاسىنا كوز جىبەرسەك، ءبىر توپ جاستار جاڭالىق اشۋ، جاسامپازدىق بارىسىندا ۇلكەن تىرەك بولىپ، اۋىر مىندەت ارقالاپ، جاستاردىڭ باتىلدىقپەن الدا جۇرەتىن، باتىلدىقپەن قامال الاتىن، باتىلدىقپەن جاڭالىق اشاتىن جىگەرىن ايگىلەدى. بۇگىن ءبىز جۇڭگو ۇلگىسىندەگى وسىزامانداندىرۋدى ىلگەرىلەتۋدەمىز، بۇل − ىزدەنىس سيپاتتى ءىس، زور توپتاعى جاڭاشىل دارىندىلاردى ات سالىسۋعا ۇندەپ وتىر. قوعامداعى ەڭ جالىندى، ەڭ اتويشىل توپ رەتىندە، قالىڭ جاستار ەشتەڭەدەن تايسالمايتىن ارىندى ساقتاپ، ”اي - كۇنگە ءامىر شاشا الامىز جاڭارتۋعا كوك ءجۇزىن“ دەيتىن اسقاق سەزىمدى تاسقىنداتىپ، ”تۇساۋ بولىپ وتىرعان“ تەحنيكادان قامال الاتىن اتويشى، جاڭا دامۋ ارناسىن قالىپتاستىراتىن اتويشى بولۋعا شەبەر بولىپ، حالىقتىڭ تاماشا تۇرمىسىنا دەم بەرۋ جاعىندا باتىلدىقپەن ىزدەنىس جاساپ، جاستىق ورالدارىنىڭ جاڭالىق اشۋ، جاسامپازدىق جاراتۋ بارىسىندا شۇعىلا شاشۋىنا مۇمكىندىك جاساۋى كەرەك.
جاستىق كوكتەم ۇمىتكە تولى. باس شۋجي شي جينپيڭ: ” زامانىمىزداعى جۇڭگو جاستارى كوركەيىپ - گۇلدەنگەن زاماندا ومىرگە كەلگەن، ولار كەلەلى مىندەت ارقالاپ وتىر“ دەپ دارىپتەگەن بولاتىن. جاڭا جورىقتا وتباسى، وتان سۇيىسپەنشىلىگىن نىعايتىپ، العا باسۋ قاسيەتىن جەتىلدىرىپ، كۇرەسكەرلىك بەينەمەن جاستىق كوكتەمنىڭ كۇشىن تاسقىنداتقاندا عانا، ءداۋىردىڭ، جاستىق كوكتەمنىڭ ءۇمىتىن اقتاپ، ۇلتتىڭ گۇلدەنۋىنە جول اشىپ، كوپىر سالىپ، مەملەكەتتى قۇدىرەتتەندىرۋ قۇرىلىسىنا كەرپىش بولىپ قالانۋعا بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
