بيىلعى العاش رەتكى ”اسپان ءيتى ايدى جەيتىن“ قۇبىلىس 5 – ايدىڭ 5 – كۇنى تۋىلادى، بۇل جولى شالا كولەڭكەلى تۇتىلۋ قۇبىلىسىن كورۋگە بولادى
2023.05.04 17:03 كەلۋ قاينارى : حالىق تورابى
ايدىڭ تۇتىلۋىنىڭ زاڭدىلىعى.
بيىلعى العاش رەتكى ايدىڭ تۇتىلۋى 5 – ايدىڭ 5 – كۇنى تۋىلادى، بۇل رەت شالا كولەڭكەلى تۇتىلۋ قۇبىلىسى بايقالادى، سول كەزدە ايدىڭ ”ءجۇزى“ جارىقتان كۇڭگىرتتىكە، كۇڭگىرتتىكتەن قايتادان جارىق بولىپ وزگەرەدى، ەلىمىزدە ونىڭ بۇكىل بارىسىن كورۋگە بولادى. استرونوميالىق عىلىمدى جالپىلاستىرۋ ماماندارىنىڭ ايتۋىنشا، بۇل اي شارى جەر شارىنىڭ كولەڭكەسىنە ءبىرشاما ”مول“ قادام تاستايتىن ءبىر رەتكى شالا كولەڭكەلى تۇتىلۋ قۇبىلىسى بولىپ، ايدىڭ شالا تۇتىلۋىنا از عانا جەتپەي قالادى، ىقىلاسى تارتقان جۇرتتىڭ باقىلاپ كورۋىنە بولادى.
جۇڭگو استرونوميا عىلىمي قوعامىنىڭ مۇشەسى، استرونوميالىق عىلىمدى جالپىلاستىرۋ مامانى شيۋ ليپىڭ بىلاي دەپ تانىستىردى: ايدىڭ تۇتىلۋى — كۇن، جەر شارى، اي شارى ۇشەۋى ءدال ءبىر سىزىق بويىنا كەلگەندە نەمەسە وسىعان تاياعاندا تۋىلاتىن ءبىر ءتۇرلى استرونوميالىق قۇبلىس. جەر شارى كۇن مەن ايدىڭ ءدال ورتاسىنا كەلەتىندىكتەن، كۇن نۇرى تۇسكەن ساتتە جەر شارىنىڭ كولەڭكەسى ەكى بولىككە بولىنەدى، ءبىر بولىگى جەر شارى كۇن نۇرىن تۇگەلدەي توسىپ قالاتىن ءوڭىر، ول ”تولىق كولەڭكە“ دەپ اتالادى؛ تاعى ءبىر بولىگى جەر شارى كۇن نۇرىنىڭ ءبىر بولىگىن توسىپ قالاتىن بولىپ ، كۇن نۇرىنىڭ قالعان ءبىر ءبولىمى تۇسەتىن ءوڭىر، ”شالا كولەڭكە“ دەپ اتالادى.
اي شارى تولىق كولەڭكەلى وڭىرگە كىرگەن كەزدە، ايدىڭ شالا تۇتىلۋى نەمەسە ايدىڭ تولىق تۇتىلۋى تۋىلادى؛ ەگەر تەك جەر شارىنىڭ ”شالا كولەڭكەلى“ وڭىرىنە كىرسە، شالا كولەڭكەلى تۇتىلۋ قۇبىلىسى تۋىلادى. الايدا، ايدىڭ شالا تۇتىلۋى مەن تولىق تۇتىلۋى تۋىلعان كەزدە دە اي شارى جەر شارىنىڭ شالا كولەڭكەلى وڭىرىنەن وتەتىندىكتەن، شالا كولەڭكەلى تۇتىلۋ كەزەڭىن وتكەرەدى.
استرونوميالىق بولجامعا قاراعاندا، وسى رەتكى شالا كولەڭكەلى تۇتىلۋ قۇبىلىسى بەيجيڭ ۋاقىتى بويىنشا 5 – ايدىڭ 5 – كۇنى ساعات 23 تەن 12 مينۋت وتكەندە، تولىق كولەڭكەلەنۋى 5 – ايدىڭ 6 – كۇنى ساعات بىردەن 23 مينۋت وتكەندە تۋىلادى، شالا كولەڭكەلى تۇتىلۋ ساعات 3 تەن 34 مينۋت وتكەندە اياقتايدى، تولىق بارىسى ءتورت ساعاتتان استام ۋاقىت جالعاسادى، ەڭ ۇلكەن تۇتىلۋ ماگنيتۋداسى 0.989 بولادى. تۇتىلۋ ماگنيتۋداسى اي شارىنىڭ جەر شارىنىڭ شالا كولەڭكەسىنە كىرۋ دارەجەسىنە ۋاكىلدىك ەتەدى، اتاپ ايتقاندا، جەر شارىنىڭ ديامەترىنىڭ %98.9 ى جەر شارىنىڭ شالا كولەڭكەسىنە كىرەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
