وقۋ – اعارتۋ مينيسترلىگى، جۇڭگو تۇتىنۋشىلار بىرلەستىگى مەكتەپ سىرتىنداعى كۋرستارعا باعىتتالعان ”جايلى تۇتىنۋ“ ارناۋلى ارەكەتىن ورىستەتەدى
2023.05.06 13:25 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى شۇي جۋاڭ 5 – ايدىڭ 5 – كۇنى بەيجيڭنەن حابارلايدى. ءتىلشىنىڭ 5 – ايدىڭ 5 – كۇنى وقۋ – اعارتۋ مينيسترلىگىنەن ۇعىسۋىنشا، مەكتەپ سىرتىنداعى كۋرس قۇرىلىمدارىنا ساياتىن تاماشا تۇتىنۋ ورتاسىن جاراتۋ، وقۋشىلار مەن اتا – انالاردىڭ زاڭدى ۇقىق – مۇددەسىن شىنايى قورعاۋ ءۇشىن، وقۋ – اعارتۋ مينيسترلىگى، جۇڭگو تۇتىنۋشىلار بىرلەستىگى جۋىردا ۇقتىرۋ باسىپ تاراتتى، 2023 – جىلى 5 – ايدان 6 – ايعا دەيىن، ەلىمىز كولەمىندە مەكتەپ سىرتىنداعى كۋرستارعا باعىتتالعان ”جايلى تۇتىنۋ“ ارناۋلى ارەكەتىن ورىستەتەدى.
ۇقتىرۋدا مىنالار ورتاعا قويىلعان: ارناۋلى ارەكەت ورىستەتۋ ارقىلى، مەكتەپ سىرتىنداعى كۋرس قۇرىلىمدارىنىڭ شەكتەن تىس جوعارى اقى الۋ جانە پايدا تابۋعا شەكتەن تىس بەرىلۋ ارەكەتى اناعۇرلىم تەجەلەدى؛ ”قاراجاتتى قايتارىپ الۋ قيىن بولۋ“، ”اقشانى العان سوڭ زىم – زيا جوعالۋ“ قاتارلى ماسەلەلەردى جاپپاي جونگە سالىپ، وقۋشىلار مەن اتا – انالاردىڭ اقشانى قايتارىپ الۋعا ساياتىن ۇيلەسىمدى تالاپتارى ءونىمدى شەشىلەدى؛ تولىمدىلىعى جوق، قابىلەتى جەتپەيتىن، ساپاسىنا كەپىلدىك ەتە المايتىن، حاۋىپسىزدىكتى قامتاماسىزداندىرا المايتىن ءپان تۇرىندەگى جاسىرىن تيپتەگى ءتۇرى وزگەرگەن كۋرستار باتىل جونگە سالىنادى؛ وقۋشىلار مەن اتا – انالاردىڭ تۇتىنۋ جاعىنداعى قورعانۋ تانىمى جالپى بەتتىك جوعارىلاتىلىپ، حالىق بۇقاراسى الاڭسىز، ۋايىمسىز، جايلى سەزىنەتىن تۇتىنۋ ورتاسى شىنايى قورعالادى.
ارناۋلى ارەكەت بارىسىندا نازاردى التى ءتۇرلى ءتۇيىندى مىندەتكە شوعىرلاندىرادى: ءبىرىنشى، كۋرسكە اقى الۋ ارەكەتىن ولشەمگە ءتۇسىرىپ، مەكتەپ سىرتىنداعى كۋرستاردىڭ الەۋمەتتىك يگىلىك سيپاتىنا تاباندى بولۋ. ەكىنشى، مەكتەپ سىرتىنداعى كۋرستاردىڭ الدىن الا اقى العان قاراجاتىن باقىلاۋ – باسقارۋدى كۇشەيتىپ، وقۋشىلار مەن اتا – انالاردىڭ اقى تاپسىرۋ جاعىنداعى حاۋىپسىزدىگىن كۇزەتۋ؛ ءۇشىنشى، مەكتەپ سىرتىنداعى كۋرستارعا قاتىستى تۇتىنۋعا ساياتىن داۋ – شارلاردى جەدەل شەشىم ەتىپ، وقۋشىلار مەن اتا – انالاردىڭ اقىنى قايتارىپ الۋعا قاتىستى ۇيلەسىمدى تالاپتارىن ءونىمدى شەشۋ؛ ءتورتىنشى، مەكتەپ سىرتىنداعى كۋرس قۇرىلىمدارىنىڭ حاۋىپسىزدىگىنە ءبىر – بىرلەپ اداقتاۋ جۇرگىزىپ، اقاۋسىز، حاۋىپسىز تۇتىنۋ ورتاسىن جاراتۋ؛ بەسىنشى، تۇتىنۋشىلارعا ءتالىم – تاربيە بەرۋ مەن جەتەكشىلىك ەتۋدى كۇشەيتىپ، وقۋشىلار مەن اتا – انالاردىڭ تۇتىنۋ جاعىنداعى قورعانۋ تانىمىن جالپى بەتتىك جوعارىلاتۋ؛ التىنشىدان، بەلگىلەمەگە قايشى ءتۇرلى كۋرس اشۋ ارەكەتتەرىن باتىل تەكسەرىپ انىقتاپ، تولىمدىلىعى جوق، قابىلەتى جەتپەيتىن، ساپاسىنا كەپىلدىك ەتە المايتىن، حاۋىپسىزدىگىن قامتاماسىزداندىرا المايتىن ءپان تۇرىندەگى جاسىرىن، ءتۇرى وزگەرگەن كۋرستەردەن ءونىمدى ساقتانۋ جانە ونى جونگە سالۋ.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
