بيىل جىل باسىنان بەرى جەدەل جەتكىزۋ كاسىبىندە جالپى تۇلعالىق جاقتان ورنىقتى ارتۋ جاعدايى جارىققا شىقتى (جاڭا ساندى مالىمەت، جاڭا ءتۇيىن)
5 – ايدىڭ 4 – كۇنىنە دەيىن بۇكىل ەل بويىنشا جەدەل جەتكىزۋ كاسىبىنىڭ مولشەرى 40 ميلليارد داناعا جەتتى
2023.05.06 16:39 كەلۋ قاينارى : حالىق تورابى
«حالىق گازەتى»، 5 – ايدىڭ 5 - كۇنى، بەيجيڭ (ءتىلشى حان شين). مەملەكەتتىك پوچتا مەكەمەسىنىڭ باقىلاپ – ولشەۋ ساندى مالىمەتىندە كورسەتىلۋىنشە، 5 – ايدىڭ 4 – كۇنىنە دەيىن بيىل بۇكىل ەل بويىنشا جەدەل جەتكىزۋ كاسىبىنىڭ مولشەرى 40 ميلليارد داناعا جەتىپ، وسى مولشەردىڭ ورىندالۋى 2019 – جىلداعىدان 128 كۇن بۇرىن، 2022 – جىلداعىدان 24 كۇن بۇرىن بولعان. بيىل جىل باسىنان بەرى جەدەل جەتكىزۋ كاسىبىندە جالپى تۇلعالىق جاقتان ورنىقتى ارتۋ جاعدايى جارىققا شىعىپ، كاسىپ مولشەرىنىڭ ارتۋ قارقىنى اي سايىن تەزدەدى، تەك 4 ايدان استام ۋاقىتتا 40 ميلليارد دانا ورىندالىپ، ەلىمىز تۇرعىندارىنىڭ تۇتىنۋ سەنىمى كۇشەيىپ، ەكونوميكانىڭ ۇزدىكسىز جاقسارۋى سىندى بەلسەندى سيگنالددى ايگىلەدى.
بيىل ”1 - مامىر“ دەمالىسىندا بۇكىل ەلدە 4 ميلليون جەدەل جەتكىزۋشى قىزمەتكەر جۇمىس ورنىنان تاپجىلمادى. بۇكىل ەل بويىنشا ءبىر ميلليارد 496 ميلليون جەدەل جەتكىزۋ جولداماسى قابىلدانىپ، كۇنىنە ورتا ەسەپپەن قابىلدانۋ مولشەرى 2019 - جىلعى ”1 - مامىر“ دەمالىسىنداعىدان %119.6 ارتىپ، بىلتىرعى ”1 - مامىر“ دەمالىسىنداعىدان %11.64 ارتتى؛ جونەلتىلگەن جەدەل جولدامالار ءبىر ميلليارد 599 ميلليون بولىپ، 2019 - جىلعى ”1 - مامىر“ دەمالىسى كەزىندەگىدەن كۇنىنە ورتا ەسەپپەن %144.59 ارتىپ، بىلتىرعى ”1 - مامىر“ دەمالىسى كەزىندەگىدەن %8.78 ارتتى.
تانىستىرۋعا قاراعاندا، ءبىرقىدىرۋ تۇتىنۋدى جەبەۋ، اينالىمدى ىركىلىسسىزدەندىرۋ ساياساتىنىڭ اتقارىلۋىنا بايلانىستى، جەدەل جەتكىزۋ كاسىبى مەن جەرگىلىكتى ەرەكشە كاسىپ سالاسى تىعىز توعىسىپ، وندىرىسكە قىزمەت وتەۋ، تۇتىنۋدى جەبەۋ، اينالىمدى ىركىلىسسىزدەندىرۋ سىندى جەتەكشىلىك رولى ىشكەرىلەي ساۋلەلەندىرىلگەن. كوپتەگەن ساپالى اۋىل شارۋاشىلىق ونىمدەرى مەن جەرگىلىكتى ەرەكشە ونىمدەر جەدەل جەتكىزۋ تورابى ارقىلى بۇكىل ەلدىڭ جەر - جەرىنە جەدەل جەتكىزىلگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
