”زامانىمىزداعى ادامداردىڭ قامىن جەۋ، ۇرپاقتار ءۇشىن دە جاۋاپتى بولۋ كەرەك“ (باس شۋجيدىڭ حالىققا ىنتا - ىقىلاسى)
«حالىق گازەتىنىڭ» تىلشىلەرى يۇي جيانبين، ليۋ ي، دۇڭ سى – يۇي
2023.05.17 16:38 كەلۋ قاينارى : حالىق تورابى
چاڭجياڭ وزەنى جوڭكىلىپ، حۋاڭحى وزەنى ارىنداپ اعۋدا، جۇڭحۋانىڭ وركەنيەت تاريحى وسى ەكى وزەنمەن تىعىز بايلانىسىپ جاتىر.
”تاريحي توزىمدىلىك پەن ستراتەگيالىق تاباندىلىقتى ساقتاپ، جوبانى سوڭىنا دەيىن جاساپ، بىرىنەن سوڭ ءبىرىن جالعاستىرا ىستەپ، چاڭجياڭ وزەنىنىڭ ءمولدىر سۋىنىڭ ۇرپاقتارعا جالعاسۋىنا، حالىققا يگىلىك جەتكىزۋىنە شىنايى كەپىلدىك ەتۋ كەرەك“، ”ءبىز كوممۋنيستەر ءىستى بۇكىل ادامزات ءۇشىن، ۇرپاقتار ءۇشىن ىستەۋىمىز كەرەك“... كوپ رەت ناق مايداندا تەكسەرۋ جۇرگىزىپ، تالاي رەت اڭگىمە ءماجىلىسىن باسقارىپ اشتى، باس شۋجي شي جينپيڭ چاڭجياڭ وزەنى ەكونوميكالىق بەلدەۋىنىڭ دامۋى، حۋاڭحى وزەنى الابىنىڭ ەكولوگياسىن قورعاۋ جانە ساپالى دامۋى ءۇشىن ۇزاق بولاشاقتى ويلاستىردى.
وزەن - داريا جاعالاۋىندا ادامدى سۇيىندىرەتىن وزگەرىستەر تۋىلدى: بۇرىن اشۋ، قۇرىلىستاندىرۋ ىستەرى وتە قاۋىرت جۇرگىزىلەتىن؛ قازىر ەكولوگيانى الدىمەن ەسكەرۋ، جاسىل دامۋ جۇرت جۇرەگىنە تەرەڭ ۇيالادى.
”ەكولوگيانى قورعاۋ جاعىندا مەنىڭ شابىتتاندىرىپ، ىلگەرىلەتۋىمنىڭ، الدە سىنداپ، توقتاۋ سالۋىمنىڭ بارلىعى ءبىر مەزەت، بىرەر شارۋا ءۇشىن ەمەس، قايتا ۇلكەن ەكولوگيانى، ۇلكەن قورشاعان ورتانى كوزدەۋ، جۇڭگونىڭ باياندى دامۋىن، جۇڭحۋا ۇلتىنىڭ بولاشاعىن كوزدەۋ بولىپ تابىلادى“، ”ەكولوگيالىق وركەنيەت قۇرىلىسى − جۇڭحۋا ۇلتىنىڭ ماڭگى باياندى دامۋىنا ساياتىن مىڭ جىلدىق ۇلى جوسپار، ءسوز جوق، ادام مەن تابيعاتتىڭ جاراسىمدى قاتار ءومىر ءسۇرۋى تۇرعىسىنان ەكونوميكالىق، قوعامدىق دامۋدى جوسپارلاۋ كەرەك“... باس شۋجي شي جينپيڭنىڭ كورەگەندىكپەن وي جۇگىرتۋى جانە تاپسىرماسى بۇكىل پارتيانىڭ، بۇكىل ەلدىڭ جۇڭگو ۇلگىسىندەگى وسىزامانداندىرۋدا قامتىلعان ەرەكشە ەكولوگيالىق كوزقاراستى ءتۇسىنۋىنىڭ جانە امالياتتا ايگىلەۋىنىڭ ماڭىزدى تياناعىنا اينالدى.
ەكولوگيالىق ماسەلە تاريحي كوزقاراستى سىننان وتكىزەدى.
”ءبىز زامانىمىزداعى ادامداردىڭ قامىن ويلاۋمەن بىرگە، ۇرپاقتار ءۇشىن دە جاۋاپتى بولۋىمىز كەرەك“. جاراتىلىستىق ەكولوگيادان ساياسي ەكولوگياعا دەيىن، دامۋ كوزقاراسىنان ساياسي ناتيجە كوزقاراسىنا دەيىن، حالىقتىڭ باقىتى مەن ۇلتتىڭ گۇلدەنۋىنە دەيىن، باس شۋجي شي جينپيڭنىڭ تەرەڭ حالىقتىق ىنتا – ىقىلاسى دايەكتى بولىپ كەلدى.
ءارى ۋاقىتپەن جارىسۋ، ءارى ۇزاق بولاشاقتى جوسپارلاۋ كەرەك، بۇل − ۇلكەن پارتيا، ءىرى ەل كوسەمىنىڭ تاريحي سانالىلىعى.
دامۋ − ەلىمىزدەگى بارلىق ماسەلەنى شەشۋدىڭ نەگىزى جانە تەتىگى. قالاي دامۋ كەرەك، بۇل جونىندە باس شۋجيدىڭ ءسوزى قاتاڭ ەسكەرتۋ بولدى: ”بىتىرۋگە اسىعاتىن، كوز الداعىنى عانا ويلايتىن، GDP مەن عانا ساناساتىن جولمەن ءارقانداي كەزدە جۇرۋىمىزگە بولمايدى. جاڭا دامۋ ۇستانىمىن ورناتۋ كەرەك دەۋىمىزدىڭ سەبەبى مىنە وسى، دۇرىس ناتيجە كوزقاراسىن ورناتۋ دا مىنە وسىندا. ەڭبەك ماعان جازىلماسا دا بولادى، ەڭبەك سىڭىرۋدە مەن بولماسام بولمايدى“.
2021 - جىلى مەملەكەتتىك ەكى ماجىلىستە ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسىپ، ورمان الاڭىنىڭ جۇمىسشىسى جوۋ ي - جىنىڭ اعاش كەسۋدەن ورماندى قورعاۋعا ويىسۋ جونىندەگى اڭگىمەلەرىن تىڭداعان سوڭ، باس شۋجي كۇلىپ تۇرىپ بىلاي دەدى: ” ءسىز ايتىپ وتىرعان وسى ەكولوگيالىق جالپى قۇن جاسىل GDP ۇعىمىمەن بىردەي، وسىنىڭ ءوزى ەكولوگيانىڭ قۇن جاراتا الاتىنىن تۇسىندىرەدى“.
ەكولوگيانىڭ ءوزى − قۇن، بۇل − جاسىل دامۋ جولى جونىندەگى تەرەڭ وي. پارتيا 18 - قۇرىلتايىنان كەيىن تۇڭعىش رەت بەيجيڭنەن اتتانىپ قىزمەت تەكسەرگەن باس شۋجي گۋاڭدۇڭدا بىلاي دەپ اتاپ كورسەتتى: ”ءبىز وسىزاماندانعان مەملەكەت قۇرۋدا امەريكا مەن ەۆروپانىڭ كونە سۇردەگىمەن جۇرە المايمىز، بۇلاي بولعاندا قانشا جەر شارى بولسا دا، جۇڭگولىقتاردىڭ سارىپ ەتۋىنە جەتپەيدى“.
امالياتتىڭ، حالىقتىڭ، تاريحتىڭ سىنىنان وتە الاتىن دامۋعا تالپىنعان باس شۋجي 2017 - جىلعى مەملەكەتتىك ەكى ماجىلىستە لياۋنيڭ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا ”اشىق“ سان – سيفر كورسەتكەن پارتيالى كادرلاردى قولدادى. جيىن زالىندا شاتىرلاعان شاپالاق ءۇنى كوتەرىلدى.
دۇرىس ساياسي ناتيجە كوزقاراسىن ورناتىپ، ”كورنەكتى ناتيجە“ مەن ”كومەسكى ناتيجەنىڭ“ قاتىناسىن ديالەكتيكالىق تۇرعىدان ويداعىداي شەشۋ كەرەك، بۇل − حالىق كوسەمىنىڭ حالىق ءۇشىن ىستەۋدەگى اۋەلگى ماقساتى.
كوزسىزدىكپەن دامۋ اپتىقپالىعىن قاتاڭ تەجەۋ كەرەك. پارتيا 20 - كەزەكتى ورتالىق كوميتەتىنىڭ ەكىنشى جالپى ماجىلىسىندە باس شۋجي: ”جاڭا القا قۇرىلدى، ءسوز جوق، نازار اۋدارايىق، قاۋىرت تىندىرىپ، تەز ورگە ۇمتىلاتىن قىزبالىققا سالىنۋعا بولمايدى، اتاپ ايتقاندا، زاڭدىلىق بويىنشا ىستەمەۋگە، وڭاي ولجا ىزدەۋگە، تەز ناتيجە شىعارۋ ءۇشىن اسىعۋعا بولمايدى. مۇنداي ۇشقالاقتىق، اسىعىستىق كوڭىل كۇيدەن ارىلىپ، وسىزامانداندىرۋ قۇرىلىسىن شىنايى، تىڭعىلىقتى جۇرگىزۋ كەرەك.
”بۇقارانىڭ كوزبەن كورىپ، قولمەن ۇستاپ، ناقتى يگىلىككە كەنەلۋىنە مۇمكىندىك جاسايتىن ناقتى ىستەردى ىستەۋمەن بىرگە، كەيىنگىلەرگە جول سالىپ، نەگىز قالاپ، ۇزاق بولاشاققا پايدا جەتكىزەتىن جاقسى ىستەردى ىستەۋ، كورنەكتى ەڭبەك كورسەتۋمەن بىرگە، كومەسكى ەڭبەك كورسەتىپ، جەكە اتاق - ابىرويمەن ەسەپتەسپەي، حالىق بۇقاراسىنىڭ جاقسى باعاسىنا، تاريحتىڭ شىڭداۋىنان وتەتىن شىنايى باعاعا ۇمتىلۋ كەرەك“. باس شۋجي ”كورنەكتى“ مەن ”كومەسكىنىڭ“ ديالەكتيكالىق قاتىناسىنا ەگجەي - تەگجەيلى تالداۋ جاسادى.
بۇل دا − شي جينپيڭ جولداستىڭ امالياتتان العان شىنايى ءبىلىمى. فۋجيان ولكەسىنىڭ شيامىن قالاسىندا قىزمەت كەزىندە شي جينپيڭ جولداس باسشىلىق ەتىپ جاساعان «1985 - جىلدان 2000 - جىلعا دەيىنگى ەكونوميكالىق، قوعامدىق دامۋ ستراتەگياسى» بۇكىل ەلدەگى ەكونوميكالىق ەرەكشە رايونداردا الدىمەن جاسالعان ەكونوميكالىق، قوعامدىق دامۋ جوباسىنا اينالدى، سونداي - اق جۇڭگونىڭ جەرگىلىكتى ۇكىمەتتەرى الدىمەن جاساعان ەكونوميكالىق، قوعامدىق دامۋدىڭ 15 جىلدىق ستراتەگيالىق جوباسى بولدى.
سول كەزدە دامۋ ستراتەگياسىن زەرتتەۋ اسا زور زەيىن - زەردەنى، كۇش - قۋاتتى قاجەت ەتەتىن، ونىمدىلىك جاراتىلۋى قيىن ءىس ەدى، الايدا شي جينپيڭ جولداس باسشى بولعان ادام بۇقاراعا باقىت جاراتا ءبىلۋى كەرەك دەپ قارادى، ”باسشى بولعان ادام كوز الداعىنى تياناق ەتۋمەن بىرگە، ۇزاق بولاشاقتى كوزدە ۇستاۋى، شارت - جاعداي ازىرلەپ بەرۋ قىزمەتىن ىستەۋگە پەيىل بولۋى، ورىندالماعان ىستەردى ىستەۋگە پەيىل بولۋى كەرەك“ دەگەندى ورتاعا قويدى.
ەڭبەك ماعان جازىلماسا دا بولادى، ەڭبەك كورسەتۋدە مەن بولماسام بولمايدى، مىنە، بۇل − عاسىرلىق ۇلكەن پارتيانىڭ تاريحي جاۋاپكەرلىگى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
