لي چياڭ نيدەرلاندتىڭ باس ءۋازىرى ريۋتپەن تەلەفوندا سويلەستى
2023.05.17 16:41 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 16 – كۇنى، بەيجي. مەملەكەتتىك كەڭەستىڭ زۇڭليى لي چياڭ 5 - ايدىڭ 16 - كۇنى نيدەرلاندتىڭ باس ءۋازىرى ريۋتپەن تەلەفوندا سويلەستى.
لي چياڭ مىنالاردى ءبىلدىردى: ءتوراعا شي جينپيڭ ۆيليام الەكساندر پاتشامەن بىرگە تۇراقتاندىرعان جۇڭگو مەن نيدەرلاندتىڭ ”اشىق، ناقتى جالپى بەتتىك سەلبەستىك سەرىكتەستىك قاتىناسى“ ورنى ەكى ەلدىڭ مۇددەسى مەن حالىقتاردىڭ قاجەتىنە ۇيلەسەدى. جۇڭگو نيدەرلاندتى ەۆروپا وداعىنداعى الدىمەن ەسكەرىلەتىن سەلبەستىك سەرىگى دەپ قارايدى، نيدەرلاندپەن بىرگە ءار سالاداعى سەلبەستىكتە ۇزدىكسىز تىڭ تابىستارعا قول جەتكىزۋدى قالايدى. جۇڭگو بازارعا كىرۋ رۇقساتىن ۇزدىكسىز كەڭەيتىپ، ءبىلىم مەنشىك ۇقىعىن قورعاۋدى كۇشەيتىپ، نيدەرلاندتىڭ اناعۇرلىم كوپ ساپالى ەرەكشە ونىمدەرىن، اناعۇرلىم كوپ باسەكەلىك قۋاتقا يە كاسىپورىندارىنىڭ جۇڭگو بازارىنا كىرۋىن قارسى الادى. نيدەرلاندتىڭ جۇڭگو كاسىپورىندارىنىڭ نيدەرلاندقا بارىپ قارجى قوسۋىنا اشىق، ءادىل، كەمسىتپەيتىن ساۋدا ورتاسىن ازىرلەۋىن ءۇمىت ەتەمىن. جۇڭگو نيدەرلاندپەن اۋىل شارۋاشىلىعى، سۋ يگىلىگى، جاڭا ەنەرگيا سياقتى سالالارداعى سەلبەستىكتى تەرەڭدەتىپ، گۋمانيتارلىق اۋىس - كۇيىستى جەبەپ، كليمات وزگەرىسىنە توتەپ بەرۋ سياقتى كوپ جاقتى سالاداعى سەلبەستىكتى كۇشەيتۋدى قالايدى.
لي چياڭ بىلاي دەپ اتاپ كورسەتتى: جۇڭگو مەن نيدەرلاند − ەكونوميكانىڭ جاھاندانۋى مەن ەركىن ساۋدانىڭ يگىلىگىن كورۋشىلەر، قولداۋشىلار. نيدەرلاندتىڭ كەلىسىم رۋحىندا تاباندى بولىپ، بازار پرينسيبىندە، ەرەجەدە تاباندى بولىپ، جۇڭگو مەن نيدەرلاند ەكى ەلدىڭ جانە ەكى جاق كاسىپورىندارىنىڭ ورتاق مۇددەسىن قورعاپ، دۇنيە جۇزىلىك كاسىپ تىزبەگى مەن قامداۋ تىزبەگىنىڭ ىركىلىسسىزدىگىن قورعاۋىن ءۇمىت ەتەمىن. جۇڭگو ەۆروپاعا ۇستانعان ساياساتىندا وسكەلەڭ ۇلاسپالىلىقتى، ورنىقتىلىقتى ساقتايدى. جۇڭگو مەن ەۆروپا ناعىز كوپ جاقتىلىقتى امالياتتا ايگىلەپ، توپقا ءبولىنىپ قارسىلاسۋعا جانە ”جاڭا قىرعي قاباقتىق سوعىسىنا“ بىرگە قارسى تۇرۋى كەرەك. نيدەرلاندتىڭ ەۆروپانىڭ ستراتەگيالىق دەربەستىكتە تاباندى بولۋىن ىلگەرىلەتىپ، جۇڭگو - ەۆروپا قاتىناسىنىڭ دامۋىن جەبەۋگە اناعۇرلىم زور ۇلەس قوسۋىن ءۇمىت ەتەمىن.
ريۋت مىنالاردى ءبىلدىردى: جۇڭگو − نيدەرلاندتىڭ ماڭىزدى سەلبەستىك سەرىگى. نيدەرلاند جاق جۇڭگو جاقپەن جوعارى جىكتەگىلەردىڭ ءجيى بارىس - كەلىسىن جالعاستىرىپ، ەكونوميكا - ساۋدا، سۋ يگىلىگى، كليمات وزگەرىسى سياقتى سالالارداعى سەلبەستىكتى تەرەڭدەتىپ، نيدەرلاند پەن جۇڭگونىڭ اشىق، سىندارلى جان - جاقتى سەلبەستىك سەرىكتەستىك قارىم - قاتىناسىنىڭ ىشكەرىلەي دامۋىن ىلگەرىلەتۋدى قالايدى. نيدەرلاند ەۆروپا مەن جۇڭگونىڭ سەلبەستىك بارىس - كەلىسىنىڭ دانەكەرى جانە كوپىرى بولۋدى قالايدى.
ەكى جاق تاعى ورتاق كوڭىل ءبولىپ وتىرعان حالىقارالىق جانە وڭىرلىك ماسەلەلەر جونىندە پىكىر اۋىستىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
