مەملەكەتتىك ساياسي كەڭەس ”جۇڭحۋا وركەنيەتىنىڭ تاراتۋ قۋاتىن، ىقپال كۇشىن نىعايتۋ“ ارناۋلى كەڭەس ءماجىلىسىن اشتى
ۋاڭ حۋنيڭ قاتىناستى ءارى ءسوز سويلەدى
2023.05.17 16:42 كەلۋ قاينارى : حالىق تورابى
«حالىق گازەتى»، 5 - ايدىڭ 16 – كۇنى، بەيجيڭ (ءتىلشى ياڭ حاۋ). مەملەكەتتىك ساياسي كەڭەس 5 - ايدىڭ 16 – كۇنى بەيجيڭدە ”جۇڭحۋا وركەنيەتىنىڭ تاراتۋ قۋاتىن، ىقپال كۇشىن نىعايتۋ“ ارناۋلى كەڭەس ءماجىلىسىن اشتى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ ماجىلىسكە قاتىناستى ءارى ءسوز سويلەدى. ول مىنالاردى ءبىلدىردى: جۇڭحۋا وركەنيەتىنىڭ تاراتۋ قۋاتىن، ىقپال كۇشىن نىعايتۋ − ج ك پ 20 - قۇرىلتايىندا جاسالعان ماڭىزدى ورنالاستىرۋ، شي جينپيڭ جاڭا ءداۋىر جۇڭگوشا سوتسياليزم يدەياسىن شىن مانىندە جۇڭحۋا وركەنيەتىنىڭ تاراتۋ قۋاتىن، ىقپال كۇشىن نىعايتۋدىڭ ءتۇبىرلى تياناعى ەتىپ، جۇڭحۋا وركەنيەتىنىڭ دۇنيە جۇزىنە اناعۇرلىم ويداعىداي بەت الۋىن ىلگەرىلەتۋ كەرەك.
ۋاڭ حۋنيڭ مىنالاردى ءبىلدىردى: باس شۋجي شي جينپيڭنىڭ جۇڭحۋا وركەنيەتىنىڭ تاراتۋ قۋاتىن، ىقپال كۇشىن نىعايتۋ جونىندەگى ماڭىزدى پايىمداۋلارىن ىشكەرىلەي ۇيرەنىپ، ءتۇسىنىپ، ساياسي كەڭەستىڭ ابزالدىعىن ساۋلەلەندىرىپ، تەكسەرۋ - زەرتتەۋدى تەرەڭدەتىپ، بەلسەنە اقىل - كەڭەس بەرىپ، جۇڭحۋا مادەنيەتىنىڭ دۇنيە جۇزىنە اناعۇرلىم ويداعىداي بەت الۋىن ىلگەرىلەتۋدە ساياسي كەڭەستىڭ جاۋاپكەرلىگى مەن ىسكەرلىگىن ايگىلەۋ كەرەك. شەتەلدەرمەن اۋىس - كۇيىس جاسايتىن ايگىلى ماركا جانە قىزمەت تۇعىرىن قالىپتاستىرىپ، جۇڭگو حيكاياسىنىڭ باۋراۋ قۋاتى مەن تاراتۋ قۋاتىن كۇشەيتىپ، دۇنيە جۇزىنە سەنىمدى، سۇيىكتى، قاستەرلى جۇڭگو وبرازىن ايگىلەپ، وركەنيەت اۋىس - كۇيىسىن، سەلبەستىگىن اناعۇرلىم ويداعىداي جەبەۋ كەرەك.
مەملەكەتتىك ساياسي كەڭەستىڭ 100 دەن استام مۇشەسى ماجىلىسكە قاتىناستى، 20 مۇشە مەن مامان ءسوز سويلەدى. كوپشىلىك مىنالاردى ءبىلدىردى: جۇڭگونىڭ ۇزاق تاريحي مادەنيەتى مەن جاڭا داۋىردەگى دامۋى بارعان سايىن دۇنيە ءجۇزىنىڭ نازارىن اۋدارۋدا، مادەنيەت سەنىمىن بەكەمدەپ، شي جينپيڭ جاڭا ءداۋىر جۇڭگوشا سوتسياليزم يدەياسىن كەڭىنەن ۇگىتتەپ، تانىستىرىپ، حالىقارالىق قوعامدى دۇرىس ج ك پ كوزقاراسىن، جۇڭگو كوزقاراسىن قالىپتاستىرۋعا جەتەكتەۋ كەرەك. جۇڭحۋا وركەنيەتىنىڭ رۋحاني بەلگىسى مەن مادەنيەت جاۋھارىن ايىرىپ، ايگىلەپ، جۇڭگو ءسوزى مەن جۇڭگو حيكاياسى جۇيەسىن جەدەل ورناتىپ، وركەنيەتتەردىڭ اۋىس - كۇيىسىن، ءوزارا ۇلگى الۋىن تەرەڭدەتۋ كەرەك. بەينەلەۋ ءتاسىلى مەن تاراتۋ تاسىلىندە جاڭالىق اشىپ، جۇڭحۋا وركەنيەتىنىڭ جەتىستىكتەرىن جانە زامانىمىزداعى جۇڭگولىقتاردىڭ تاماشا تۇرمىسىن ايگىلەۋ كەرەك.
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇگىت ءبولىمىنىڭ باستىعى لي شۋلەي ماجىلىسكە قاتىناستى ءارى ءسوز سويلەدى. ول مىنالاردى دارىپتەدى: باس شۋجي شي جينپيڭنىڭ جۇڭحۋا وركەنيەتىنىڭ تاراتۋ قۋاتىن، ىقپال كۇشىن نىعايتۋ جونىندەگى ماڭىزدى پايىمداۋلارى ءبىزدىڭ مادەنيەت سەنىمىن بەكەمدەپ، مەملەكەتتىڭ مادەنيەت جۇمساق كۇشى مەن جۇڭحۋا مادەنيەتىنىڭ ىقپالىن جوعارىلاتۋىمىزعا ايقىن باعدار كورسەتتى. جۇڭحۋا مادەنيەتىنىڭ گۇلدەنۋىن، دامۋىن زور كۇشپەن ىلگەرىلەتىپ، جۇڭحۋا مادەنيەتىنىڭ باۋراۋ قۋاتىن ۇزدىكسىز جوعارىلاتىپ، ايقىن جۇڭگوشا ستراتەگيالىق تاراتۋ جۇيەسىن جەدەل ورناتىپ، دۇنيە جۇزىلىك وركەنيەت باستاماسىنىڭ تياناقتانىپ، تامىر تارتۋىن ىلگەرىلەتۋ كەرەك.
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك ساياسي كەڭەس ءتوراعاسىنىڭ ورىنباسارى شى تايفىڭ تۇستەن بۇرىنعى ءماجىلىستى باسقاردى. مەملەكەتتىك ساياسي كەڭەس ءتوراعاسىنىڭ ورىنباسارلارى حۋ چۇنحۋا، جوۋ چياڭ، حى حوۋحۋا، سۋ حۇي، مۋ حۇڭ، شيان حۇي، جياڭ شينجى، جياڭ زوجۇن ماجىلىسكە قاتىناستى. ج ك پ ورتالىق كوميتەتىنىڭ، مەملەكەتتىك كەڭەستىڭ قاتىستى تاراۋلارى مەن ورىندارىنداعى جاۋاپتى جولداستار ماجىلىسكە قاتىناسىپ، پىكىر - ۇسىنىستاردى تىڭداپ، مۇشەلەرمەن كەڭەسىپ، اۋىس - كۇيىس جاسادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
