ۇقساتىلمالى جاپىراقتاما بالىق ەتى جاسالدى، ءمانى اسا زور!
2023.05.19 20:01 كەلۋ قاينارى : حالىق تورابى
سۋرەتتە: جىجياڭ داشۋەسىنىڭ تاجىريبەحاناسىنان تۇسىرىلگەن ۇقساتىلمالى جاپىراقتاما بالىق ەتى. (شينحۋا اگەنتتىگىنىڭ ءتىلشىسى نيۋ رۇيحاۋ فوتوسى)
جىجياڭ داشۋەسى جەتەكشىلىك ەتكەن، داليان ونەركاسىپ داشۋەسى قاتىناسقان زەرتتەۋ ۇجىمى توركىن كلەتكانى ىدىراتۋ، زاۆودتاندىرىپ جەتىلدىرۋ جانە تىكانداردى قۇراستىرۋ تەحنيكاسى بويىنشا، كلەتكادان پايدالانىپ، سارى بالىقتىڭ ەتىنە ۇقساتىلعان جاپىراقتاما بالىق ەتىن جاساپ شىققان. اتالعان زەرتتەۋ ناتيجەسى « npj— ازىق – تۇلىك عىلىمى» مەرزىمدى جۋرنالىندا جاريالانعان.
زەرتتەۋ ۇجىمىنىڭ تانىستىرۋىنشا، بۇل ۇقساتىلمالى جاپىراقتاما بالىق ەتىن 17 كۇندە جەتىلدىرىپ شىققان، ول اق ءتۇستى، سەرپىمدى. زەرتتەرمەندەردىڭ ىشكەرىلەي ساراپتاۋ ارقىلى بايقاۋىنشا، بۇل ۇقساتىلمالى جاپىراقتاما بالىق ەتىنىڭ كلەتكا سانى، بۇلشىق ەت كلەتكاسى جانە ماي كلەتكاسىنىڭ سالىستىرماسى، قاتتىلىق دارەجەسى، جابىسقاقتىعى، سەرپىمدىلىگى قاتارلى ەرەكشەلىكتەرىنىڭ كورسەتكىشتەرى شىن سارى بالىق ەتىنىڭ بۇلشىق ەت تىكاندارىمەن توتەنشە ۇقساپ كەتەدى. الايدا، كلەتكا ارقىلى جەتىلدىرىلگەن بالىق ەتىن شىنىمەن تاماق ۇستەلىنە شىعارۋ ءۇشىن ونىڭ حاۋىپسىزدىگىنە ءالى دە زور مولشەردە ساراپتاما جۇرگىزۋ قاجەت. كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
