وقۋ – اعارتۋ مينيسترلىگى: شارت – جاعدايى بار جەرلەردە زاڭمەن جونگە سالۋدى امالياتتا ايگىلەۋ تۋرالى ءتالىم - تاربيەنى ورتا، باستاۋىش مەكتەپتەردەگى ساباقتان كەيىنگى قىزمەت وتەۋ كولەمىنە ەنگىزۋ كەرەك
2023.05.22 16:08 كەلۋ قاينارى : حالىق تورابى
ءتىلشىنىڭ 5 – ايدىڭ 19 – كۇنى وقۋ – اعارتۋ مينيسترلىگىنەن ۇعىسۋىنشا، بيىل 5 – ايدان 12 – ايعا دەيىن، وقۋ – اعارتۋ مينيسترلىگى مەملەكەتتىك 8 – رەتكى وقۋشىلاردىڭ ”نەگىزگى زاڭدى ۇيرەنىپ، نەگىزگى زاڭدى ۇگىتتەۋ“ جەلىلەس قيمىلىن وتكىزىپ، جەر – جەردەگى مەكتەپتەردەن نەگىزگى زاڭدى ۇگىتتەۋ ءتالىم – تاربيەسىن جۇرگىزۋدىڭ ۇدايىلاندىرىلعان، ۇزاق مەرزىمدىك ونىمدى مەحانيزمىن ورناتۋدى تالاپ ەتەدى، شارت – جاعدايى بار جەرلەر زاڭمەن جونگە سالۋدى امالياتتا ايگىلەۋ تۋرالى ءتالىم - تاربيەنى ورتا، باستاۋىش مەكتەپتەردىڭ ساباقتان كەيىنگى قىزمەت وتەۋ كولەمىنە ەنگىزۋى، وقۋشىلاردىڭ ءار جىلى زاڭمەن جونگە سالۋدى امالياتتا ايگىلەۋ تاربيەسىنە قاتىناسۋ ۋاقىتى 2 ساعاتتان كەم بولماۋىن ىلگەرىلەتۋى كەرەك.
وقۋ – اعارتۋ مينيسترلىگى مىنانى تالاپ ەتتى: جەر – جەردەگى مەكتەپتەر ءىس جۇزىندىك جاعدايعا نەگىزدەلە وتىرىپ، كۇندەلىكتى ءتالىم - تاربيە مەن شوعىرلى ءتالىم – تاربيەنى ءوزارا ۇشتاستىرۋعا، ينتەرنەت ارقىلى ءتالىم – تاربيە بەرۋ مەن ينتەرنەتتەن تىس ءتالىم – تاربيە بەرۋدى ءوزارا ۇشتاستىرۋعا، مەكتەپتەگى ءتالىم – تاربيە مەن مەكتەپتەن سىرتقى ءتالىم - تاربيەنى ءوزارا ۇشتاستىرۋعا تاباندى بولىپ، نەگىزگى زاڭدى ۇگىتتەۋ، نەگىزگى زاڭ تۋرالى ءتالىم – تاربيە بەرۋ مەحانيزمىن ۇزدىكسىز كەمەلدەندىرۋى كەرەك. نەگىزگى زاڭ جونىندە ءتالىم – تاربيە بەرۋ مەن ينفورماتسيا تەحنيكاسىن ىشكەرىلەي توعىستىرۋدى ىلگەرىلەتۋى، نەگىزگى زاڭ جونىندەگى ءتالىم - تاربيەنى كۇندەلىكتى ءتالىم – تاربيە، ساباقتان سىرتقى قيمىل، ساباقتان كەيىنگى قىزمەت وتەۋ، جاز مەزگىلىندەگى تاپسىرما، ەرىكتى قىزمەت وتەۋ، قوعامدىق اماليات قاتارلىلارمەن ورگانيكالى تۇردە توعىستىرۋى كەرەك.
قيمىل مەزگىلىندە، وقۋ – اعارتۋ مينيسترلىگى مەملەكەتتىك جاستار مەن ورەندەر اراسىندا زاڭدى جالپىلاستىرۋ تورابىندا مەملەكەتتىك 8 – كەزەكتى وقۋشىلاردىڭ ”نەگىزگى زاڭدى ۇيرەنۋ، نەگىزگى زاڭدى ۇگىتتەۋ“ قيمىلىنىڭ ”نەگىزگى زاڭ قورعاۋشىلارى“ ارناۋلى ايدارشاسىن اشادى، ۇيرەنۋ مىندەتىن ورىنداعان ءارى تالاپقا تولعان وقۋشىلارعا ”نەگىزگى زاڭ قورعاۋشىسى“ دەگەن بەلگىنى بەرەدى. ءارقايسى ولكە (اۆتونوميالى رايون، توتە قاراستى قالا) جانە شينجياڭ ءوندىرىس – قۇرىلىس بيڭتۋانىندا وقۋشىلاردىڭ قيمىلعا قاتىناسۋ مولشەرى %35 تەن تومەن بولماۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
