ساي چي «شي جينپيڭ شىعارمالارىنان تاڭدامالىلاردىڭ» 1 - تومىن، 2 - تومىن باسپادان شىعارۋ اڭگىمە ماجىلىسىندە بىلاي دەپ دارىپتەدى
«شي جينپيڭ شىعارمالارىنان تاڭدامالىلاردى» مۇقيات ۇيرەنىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، ۇگىتتەۋدى، دايەكتىلەندىرۋدى ۇزدىكسىز تەرەڭدەتۋ كەرەك
2023.05.23 16:42 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 22 - كۇنى، بەيجيڭ، «شي جينپيڭ شىعارمالارىنان تاڭدامالىلاردىڭ» 1 - تومىنىڭ، 2 - تومىنىڭ باسپادان شىعۋى جونىندەگى اڭگىمە ءماجىلىسى 5 - ايدىڭ 22 - كۇنى بەيجيڭدە اشىلدى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي ماجىلىسكە قاتىناستى ءارى ءسوز سويلەدى. ول مىنالاردى ءبىلدىردى: «شي جينپيڭ شىعارمالارىنان تاڭدامالىلاردى» رەداكسيالاپ باسپادان شىعارۋ − پارتيا ورتالىق كوميتەتىنىڭ كەلەلى ۇيعارىمى، پارتيا مەن مەملەكەتتىڭ ساياسي ومىرىندەگى ءىرى ءىس، تاڭدامالىلاردى ۇيرەنۋدى شي جينپيڭ جاڭا ءداۋىر جۇڭگوشا سوتسياليزم يدەياسى ارقىلى زەيىن - زەردەنى شوعىرلاندىرىپ، رۋحتى سومداۋداعى كەلەلى ساياسي مىندەت ەتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جانە پارتيا 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى تەرەڭدەتۋدى ىلگەرىلەتىپ، قالىڭ پارتيالى كادرلاردى ”ەكىنى تۇراقتاندىرۋدىڭ“ شەشۋشى ءمانىن اناعۇرلىم تەرەڭ تۇسىنۋگە، ”ءتورت تانىمدى“ كۇشەيتۋگە، ”ءتورت سەنىمدى“ بەكەمدەۋگە، ”ەكىنى قورعاۋدى“ ورىنداۋعا جەتەكتەۋ كەرەك.
ساي چي مىنالاردى ءبىلدىردى: «شي جينپيڭ شىعارمالارىنان تاڭدامالىلار» شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ حالىققا باسشىلىق ەتىپ جۇڭگوشا سوتسياليزمنىڭ جاڭا ءداۋىرىن اشۋىنىڭ جانە ۇزدىكسىز جاڭا جەڭىسكە جەتۋىنىڭ ۇلى تاريحي بارىسىن جاندى ەستەلىككە الدى، جاڭا داۋىردەگى جۇڭگو كوممۋنيستەرىنىڭ ماركسيزمنىڭ جۇڭگوشالانۋىن، زامانالانۋىن ىلگەرىلەتۋدە قول جەتكىزگەن كەلەلى نازاريالىق جاسامپازدىق جەتىستىكتەرىن شوعىرلى بەينەلەدى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ مەملەكەتتى قۇدىرەتتەندىرۋ قۇرىلىسىنا جەتەكشىلىك ەتۋدەگى، ۇلتتىڭ گۇلدەنۋى سىندى اقيقاتتىق كۇش پەن امالياتتىق ۇلى كۇشتى تولىق ايگىلەپ، جۇڭگو كوممۋنيستىك پارتياسىنىڭ كوركەم دۇنيە ءجۇزىن قۇرۋدى ىلگەرىلەتۋگە كۇش سالاتىن جۇڭگو اقىل - پاراساتى مەن جۇڭگو جاۋاپكەرلىگىن جان - جاقتى ايگىلەدى، بۇل − بۇكىل پارتيانىڭ، بۇكىل ەلدەگى ءار ۇلت حالقىنىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋدەگى، دايەكتىلەندىرۋدەگى بەدەلدى وقۋلىعى. تاڭدامالىلاردى ۇيرەنۋ ارقىلى شي جينپيڭ جاڭا ءداۋىر جۇڭگوشا سوتسياليزم يدەياسى جونىندەگى تۇسىنىكتى جاپپاي، جۇيەلى تۇردە تەرەڭدەتىپ، وسى ماڭىزدى يدەيانىڭ نازاريالىق ەرەكشەلىگىن، عىلمي جۇيەسىن، دۇنيەگە كوزقاراسىن، مەتودولوگياسىن جانە ۇلى بورىش سەزىمىن تەرەڭ يگەرۋ كەرەك. ساياسي ادالدىقتى، بورىش ارقالاۋدى، ىسكەرلىك رۋحتى، تەرەڭ سۇيىسپەنشىلىكتى، كۇرەس قابىلەتىن، سەرگەك، تاباندى بولۋدى ۇيرەنىپ، ۇيرەنۋ ناتيجەسىن سۋبيەكتيۆ دۇنيەنى وزگەرتۋدىڭ ىشكى ىرىقتىلىعىنا، جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ ءىس جۇزىندىك ارەكەتىنە شىن مانىندە اينالدىرۋ كەرەك. نەگىزگى تاقىرىپتىق تاربيەنى ىشكەرىلەي ورىستەتىپ، «شي جينپيڭ شىعارمالارىنان تاڭدامالىلاردى» ۇيرەنۋ، قولدانۋ قىزمەتىن ويداعىداي ۇيىمداستىرىپ، ويداعىداي ورنالاستىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ساناعا ءسىڭىرۋدى، كوكەيگە ۇيالاتۋدى ىلگەرىلەتۋ كەرەك.
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇگىت ءبولىمىنىڭ باستىعى لي شۋلەي ءماجىلىستى باسقاردى.
ورتالىق كوميتەت كەڭسەسىندەگى، ورتالىق كوميتەت ۇگىت بولىمىندەگى، ورتالىق پارتيا مەكتەبىندەگى (مەملەكەتتىك اكىمشىلىك شۋەيۋانى)، ورتالىق پارتيا تاريحى جانە قۇجات زەرتتەۋ ورنىنداعى، جۇڭگو قوعامدىق عىلىمدار اكادەمياسىنداعى، بەيجيڭ قالالىق پارتكوم ۇگىت بولىمىندەگى جاۋاپتى جولداستار ءسوز سويلەدى (سوزدەردەن ۇزىندىلەر «حالىق گازەتىنىڭ 6 ـ، 7 – بەتتەرىندە جاريالاندى). ورتالىق كوميتەتتىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىنە باسشىلىق ەتۋ گرۋپپاسىنداعى جانە كەڭسەسىندەگى قاتىستى جاۋاپتى جولداستار، «شي جينپيڭ شىعارمالارىنان تاڭدامالىلاردى» رەداكسيالاۋ، باسپادان شىعارۋ قىزمەتىنە باسشىلىق ەتۋ گرۋپپاسىنىڭ جانە ونىڭ كەڭسەسىنىڭ مۇشەلەرى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، ولكە، اۆتونوميالى رايون، توتە قاراستى قالالار مەن شينجياڭ ءوندىرىس - قۇرىلىس بيڭتۋانى پارتكومدارىنىڭ ۇگىت بولىمدەرىندەگى نەگىزگى جاۋاپتى جولداستار ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
