وقۋ – اعارتۋ مينيسترلىگى: مىندەتتى وقۋ – اعارتۋ بارىسىندا ەمتيحان ارقىلى نەمەسە وزگەرگەن فورماداعى ەمتيحان ارقىلى وقۋشىلاردى تاڭداۋعا بولمايدى
2023.05.23 16:46 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى ياڭ جانفەي، شۇي جۋاڭ 5 – ايدىڭ 22 – كۇنى بەيجيڭنەن حابارلايدى. ءتىلشىنىڭ 5 – ايدىڭ 22 – كۇنى وقۋ – اعارتۋ مينيسترلىگىنەن ۇعىسۋىنشا، وقۋ – اعارتۋ مينيسترلىگىنىڭ كەڭسە مەڭگەرمەسى جۋىردا 2023 – جىلعى جاي ورتا، باستاۋىش مەكتەپتەرگە وقۋشى قابىلداۋ قىزمەتىن ويداعىداي ىستەۋ جونىندەگى ۇقتىرۋدى جاريالاپ، مىندەتتى وقۋ – اعارتۋ كەزەڭىندە وقۋعا ەمتيحانسىز قابىلداۋ، ەمتيحانسىز جوعارىلاپ وقۋ جونىندەگى بەلگىلەمەلەردى قاتاڭ تياناقتاندىرۋدى تالاپ ەتتى، ەمتيحان ارقىلى نەمەسە وزگەرگەن فورماداعى ەمتيحان ارقىلى وقۋشىلاردى تاڭداۋعا بولمايدى، ءتۇرلى باسەكەلەر، ەمتيحان كۋالىكتەرى، داڭق كۋالىكتەرى، كۋرسقا قاتىناسۋ ىسپاتى قاتارلىلاردى وقۋشىلاردى وقۋعا قابىلداۋداعى نەگىز ەتۋگە نەمەسە باعالاۋ ماتەريالى ەتۋگە بولمايدى.
ۇقتىرۋدا مىنالار باسا دارىپتەلگەن: جەر – جەر مىندەتتى وقۋ – اعارتۋ كەزەڭىندە وقۋشىلاردى وقۋعا ەمتيحانسىز جاقىن ماڭداعى مەكتەپكە قابىلداۋ جاعىنداعى جەتىستىكتەردى بەكەمدەپ، مەكتەپتەرگە وقۋشى قابىلدايتىن رايونداردى ۇيلەسىمدى ءبولىپ، تىزىمدەۋ ينفورماتسياسىن جيناۋدى جۇيەگە ءتۇسىرىپ، تارتىپپەن قابىلداۋ مەحانيزمىن كەمەلدەندىرۋى كەرەك. جەر – جەردى كوپ بالالى وتباسىلاردىڭ بالالارىنىڭ ءبىر مەكتەپتە وقۋىنا باعىتتالعان ناقتى اتقارىلاتىن ادىستەردى ورتاعا قويۋعا شابىتتاندىرىپ، اتا – انالاردىڭ وقۋدان تاراعان بالانى الىپ قايتۋىنىڭ قولايسىز بولۋى سىندى ماسەلەنى شەشىم ەتۋىنە كومەكتەسۋى كەرەك.
ۇقتىرۋدا مىنالار تالاپ ەتىلگەن: جەر – جەر جاڭا تيپتى قالا – قالاشىقتانىپ دامۋ جانە وقۋ جاسىنداعى بالالاردىڭ سانىنداعى وزگەرىس بەتالىسىنا نەگىزدەلىپ، تۇراقتى جان سانىنداعى وقۋ جاسىنداعى بالالاردىڭ جاعدايىن تەكسەرۋ ءتۇزىمىن كەمەلدەندىرىپ، اكىمشىلىك وڭىردەگى وقۋ جاسىنداعى بالالاردىڭ وقۋعا ءتۇسۋ قاجەتىن جان – جاقتى يگەرىپ، وقۋ ورنىمەن قامداۋعا كەپىلدىك ەتۋ قىزمەتىن شىنايى ويداعىداي ىستەۋى كەرەك.
ۇقتىرۋدا مىنالار اتاپ كورسەتىلگەن: جەر – جەر ساپالى جاي ورتا مەكتەپتەردەگى وقۋ ورنىمەن قامداۋدى كۇش سالا ارتتىرىپ، ۇكىمەت باسقارۋىنداعى جانە حالىق باسقارۋىنداعى جاي ورتا مەكتەپتەردىڭ ءوڭىر اتتاپ وقۋشى قابىلداۋ جوسپارىن اناعۇرلىم ازايتۋى، 2024 – جىلى قاراستى وڭىردەن وقۋشى قابىلداۋ جانە ”ازاماتتاردى ۇقساس قابىلداۋ“ ساياساتىن تولىق ىسكە اسىرۋعا كەپىلدىك ەتۋى كەرەك. ولكە دارەجەلى ءبىر تۇتاس جوسپارلاۋدى كۇشەيتىپ، ورتا مەكتەپكە وقۋشى قابىلداۋدا ءنومىر قوسۋ تۇرلەرىن ونان ارى اداقتاپ، جۇيەگە ءتۇسىرۋ كەرەك.
مۇنان سىرت، ۇقتىرۋدا مىنالار تالاپ ەتىلگەن: جەر – جەردەگى مەكتەپتەر وقۋدان قول ءۇزۋ مولشەرىن تەجەپ، وقۋدى قامتاماسىزداندىرۋ جاعىنداعى ۇزاق مەرزىمدىك ءونىمدى مەحانيزمدى كەمەلدەندىرۋى جانە تياناقتاندىرۋى، وقۋ جاسىنداعى بالالاردىڭ وقۋدان قول ۇزۋىنەن ساقتانۋداعى ەڭ تومەنگى شەكتى بەرىك ساقتاپ، وقۋعا قابىلداۋعا تيىستىلەردى تولىق قابىلداۋعا كەپىلدىك ەتۋ كەرەك. ”ساۋلەلى وقۋشى قابىلداۋدى“ كۇش سالا ىلگەرىلەتىپ، وقۋشى قابىلداۋداعى زاڭ – تۇزىمگە قايشى ارەكەتتەردى قاتاڭ تەكسەرىپ انىقتاۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
