وقۋ – اعارتۋ مينيسترلىگى: جەرگىلىكتى ورىنداردىڭ عىلىم ساباعىن تولىق، جەتكىلىكتى مولشەردە اشۋىنا جەتەكشىلىك ەتەدى
تاجىريبە جاساۋدى ورتالاۋ مەكتەپ ەمتيحانىنا ەنگىزەدى
2023.06.06 15:01 كەلۋ قاينارى : حالىق تورابى
جۇڭگو اقپارات تورابىنىڭ 6 – ايدىڭ 5 – كۇنى بەرگەن حابارى. وقۋ – اعارتۋ مينيسترلىگى تورابىنىڭ حابارلاۋىنشا، وقۋ – اعارتۋ مينيسترلىگىنىڭ كەڭسە مەڭگەرمەسى جۋىردا «نەگىزدىك وقۋ – اعارتۋ كەزەڭىندەگى ساباق وتۋگە ىشكەرىلەي رەفورما جاساۋ جونىندەگى ارەكەت جوباسىن» باسىپ تاراتقان. ءتۇيىندى مىندەتتەر بولىمىندە مىنالار اتاپ كورسەتىلگەن: 2023 – جىلى 5 – ايدان بۇرىن عىلىمي ساپانى جوعارىلاتۋ ارەكەتى جونىندە ورنالاستىرۋ جاساپ، 2027 – جىلعا دەيىن ۇزدىكسىز ىلگەرىلەتۋ كەرەك. مۇندا، عىلىم تۇرىندەگى پاندەردى وقىتۋدى كۇشەيتۋ تالاپ ەتىلگەن. جەرگىلىكتى ورىنداردىڭ عىلىم ساباعىن تولىق، جەتكىلىكتى مولشەردە اشۋىنا جەتەكشىلىك ەتىپ، ءتۇرلى تاسىلدەر ارقىلى عىلىم ساباعىن وتەتىن مۇعالىمدەردى تولىقتاپ ورنالاستىرادى. ءپان اتتاعان جان – جاقتى وقىتۋدى كۇشەيتىپ، ءپان اتتاعان جان – جاقتى، امالياتتىق وقىتۋ جاعىنداعى ۇزدىك مىسالداردان ءبىر توبىن تاڭداپ جالپىلاستىرادى.
تاجىريبە جاساۋ ساباعىن كۇشەيتىپ، وقۋشىلاردى ءوزى ىسكە كىرىسىپ تاجىريبە جاساۋعا جەبەپ، مەكتەپتەردىڭ تاجىريبە جاساۋ ساباعىن ورنالاستىرۋ جاعدايىن وقىتۋدى قاداعالاۋ جانە كۇندەلىكتى باقىلاۋ كولەمىنە ەنگىزىپ، تاجىريبە جاساۋ ساباعىن ورتالاۋ مەكتەپ ەمتيحانىنا ەنگىزەدى.
عىلىم ساباعىن وقىتۋدا امالياتتىق قيمىلدار وتكىزۋدى كۇشەيتىپ، عىلىم – تەحنيكا سارايلارى، مۇراجايلار، زەرتتەۋ – ۇيرەنۋ بازالارى، جوعارى عىلىم – تەحنيكالى كاسىپورىندار قاتارلىلاردان ءبىر توبىن سارالاپ، ورتا، باستاۋىش مەكتەپتەردەگى عىلىم ءپانىن وقىتۋداعى امالياتتان وتكىزۋ بازالارى ەتىپ، عىلىم ءپانىن وقىتۋ ولشەمىمەن ۇشتاستىرا وتىرىپ، سايكەستى عىلىم ءپانىن امالياتتان وتكىزۋ قيمىلدارىن جوبالاپ، وقۋشىلاردى امالياتتان وتكىزۋ، ىزدەنۋ بارىسىندا ۇيرەنۋگە ۇيىمداستىرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
