«شي جينپيڭنىڭ ايەلدەر - بالالار جانە ايەلدەر بىرلەستىگى قىزمەتى جونىندەگى پايىمداۋلارىنان ۇزىندىلەر» باسپادان شىعىپ تاراتىلدى
2023.06.12 16:15 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 11 - كۇنى، بەيجيڭ. ج ك پ ورتالىق كوميتەتىنىڭ پارتيا تاريحى جانە قۇجات زەرتتەۋ ورنى قۇراستىرعان «شي جينپيڭنىڭ ايەلدەر - بالالار جانە ايەلدەر بىرلەستىگى قىزمەتى جونىندەگى پايىمداۋلارىنان ۇزىندىلەر» اتتى كىتاپ جۋىقتا ورتالىق قۇجات باسپاسىنان باسىلىپ شىعىپ، بۇكىل ەلدە تاراتىلدى.
ايەلدەر ءىسى باستان - اياق پارتيا مەن حالىق ىستەرىنىڭ ماڭىزدى قۇرامداس بولەگى بولىپ كەلەدى. پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى پارتيا مەن مەملەكەت ىستەرىنىڭ دامۋ جالپى جاعدايىن شىعار ءتۇيىن ەتىپ، ايەلدەر قىزمەتىنە ايرىقشا ءمان بەرىپ جانە ونى بەلسەنە ىلگەرىلەتىپ، پارتيانىڭ ايەلدەر قىزمەتىنە باسشىلىعىن كۇشەيتىپ، ايەلدەر ىستەرىن دامىتۋدىڭ جۇڭگوشا سوتسياليستىك جولىندا تاباندى بولىپ، ايەلدەر بىرلەستىگىنە رەفورما جۇرگىزۋ مىندەتىن ورنالاستىرىپ، ايەلدەردىڭ ءار جاقتاعى بەلسەندى رولىن ساۋلەلەندىرىپ، ەلىمىزدىڭ ايەلدەر ىستەرىنىڭ تاريحي جەتىستىكتەرگە جەتۋىن ىلگەرىلەتتى. شي جينپيڭ جولداستىڭ ايەلدەر - بالالار جانە ايەلدەر بىرلەستىگى قىزمەتىن ارقاۋ ەتە وتىرىپ جاريالاعان ءبىرقىدىرۋ ماڭىزدى پايىمداۋلارىنىڭ ويى ورەلى، مازمۇنى باي، يدەياسى تەرەڭ، جاڭا داۋىردەگى جاڭا جورىقتا ايەلدەر ىستەرىن دامىتۋ، ايەلدەر قىزمەتىن ويداعىداي ىستەۋ، ەر - ايەل تەڭدىگى سىندى نەگىزگى مەملەكەت ساياساتىندا تاباندى بولىپ، ايەلدەر مەن بالالاردىڭ زاڭدى ۇقىق - مۇددەسىن قامتاماسىزداندىرىپ، ايەلدەردى سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ءۇشىن جاڭا ۇلەس قوسۋعا جەتەكتەۋدە ەرەكشە ماڭىزدى ماڭىزعا يە.
«پايىمداۋلاردان ۇزىندىلەر» 8 ارناۋلى تاقىرىپقا بولىنگەن، جالپى 174 پارشا پايىمداۋدان قۇرالعان، شي جينپيڭ جولداستىڭ 2012 - جىلى 11 – ايدىڭ 29 – كۇنىنەن 2023 – جىلى 3 - ايدىڭ 6 – كۇنىنە دەيىنگى باياندامالارى، سوزدەرى، تۇسىندىرمەلەرى، قۇتتىقتاۋ حاتتارى، نۇسقاۋلارى، بەكىتۋلەرى سياقتى 50 نەشە ماڭىزدى قۇجاتتان الىنعان. مۇنىڭ ىشىندە ءىشىنارا پايىمداۋ تۇڭعىش رەت اشىق جاريالانىپ وتىر.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
