«شي جينپيڭ ەل باسقارۋ جونىندەنىڭ» 4 - تومىنىڭ كوپ تىلدەگى باسىلىمى باسپادان شىعىپ تاراتىلدى
2023.06.12 16:16 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 11 - كۇنى، بەيجيڭ. «شي جينپيڭ ەل باسقارۋ جونىندەنىڭ» 4 - تومىنىڭ فرانسۋزشا، ورىسشا، يسپانشا، پورتۋگالشا، نەمىسشە، جاپونشا نۇسقالارى، سونداي - اق حانزۋشا فانتي نۇسقاسى سىندى 8 ءتىل نۇسقاسىنداعى باسىلىمى تاياۋدا شەتەل ءتىلى باسپاسىنان باسپادان شىعىپ، ەل ءىشى - سىرتىنا تاراتىلدى.
«شي جينپيڭ ەل باسقارۋ جونىندەنىڭ» 4 - تومىن ورتالىق كوميتەت ۇگىت ءبولىمى (مەملەكەتتىك كەڭەس اقپارات كەڭسەسى) ورتالىق كوميتەت پارتيا تاريحى جانە قۇجات زەرتتەۋ ورنىمەن، جۇڭگو شەتەل تىلدەرىندەگى كىتاپتاردى باسپادان شىعارۋ، تاراتۋ مەكەمەسىمەن بىرلەسىپ قۇراستىرعان، وعان باس شۋجي شي جينپيڭنىڭ 2020 - جىلى 2 - ايدىڭ 3 - كۇنىنەن 2022 - جىلى 5 - ايدىڭ 10 - كۇنىنە دەيىنگى مەزگىلدەگى ماڭىزدى سوزدەرى، سۇحباتتارى، لەكسيالارى، ارناۋ سوزدەرى، نۇسقاۋلارى، قۇتتىقتاۋ حاتتارى سياقتى 109 شىعارما ەنگىزىلگەن، تاعى دا باس شۋجي شي جينپيڭنىڭ 2020 - جىلى 1 - ايدان بەرگى 45 سۋرەتى ەنگىزىلگەن. تۇتاس كىتاپ 21 ارناۋلى تاقىرىپقا ءبولىنىپ، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ 100 جىلدىق وزگەرىس پەن عاسىر ىندەت ءوزارا قاباتتاسقان كۇردەلى جاعداي الدىندا، دۇنيە جۇزىندە سيرەك كەزدەسەتىن حاۋىپ - قاتەر، سىن - سايىس الدىندا ەل ءىشى مەن حالىقارا سىندى ەكى جالپى جاعدايدى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى، دامۋ مەن حاۋىپسىزدىكتى ءبىر تۇتاس جوسپارلاپ، بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرا باستاپ جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام ورناتۋ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋ ۇلى امالياتىن جاندى ەستەلىككە الدى، ماركسيزمنىڭ جۇڭگوشالانۋىنىڭ، زامانالانۋىنىڭ ەڭ جاڭا جەتىستىكتەرىن شوعىرلى تۇردە ايگىلەدى، پارتيامىزدىڭ ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ، تاماشا دۇنيە ءجۇزىن بىرگە قۇرۋ ءۇشىن قوسقان ەڭ جاڭا ۇلەسىن تولىق بەينەلەدى، بۇل − شي جينپيڭ جاڭا ءداۋىر جۇڭگوشا سوتسياليزم يدەياسىن جان - جاقتى، جۇيەلى بەينەلەيتىن، جاڭا ءورىس اشاتىن، جاڭا شارىقتاۋدى جۇزەگە اسىراتىن بەدەلدى كىتاپ.
«شي جينپيڭ ەل باسقارۋ جونىندەنىڭ» 4 - تومىنىڭ حانزۋشا، اعىلشىنشا باسىلىمى 2022 - جىلى 7 - ايدا باسپادان شىعىپ تاراتىلعاننان بەرى ەل ءىشى - سىرتىندا قىزۋ اڭىس قوزعادى. «شي جينپيڭ ەل باسقارۋ جونىندەنىڭ» 4 - تومىنىڭ كوپ تىلدەگى باسىلىمىنىڭ باسپادان شىعىپ تاراتىلۋى حالىقارالىق قوعامنىڭ شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ەڭ جاڭا دامۋىن دەر كەزىندە ءتۇسىنپ، جۇڭگو كوممۋنيستىك پارتياسىنىڭ بۇرىن نە ءۇشىن تابىسقا جەتە العانى، بولاشاقتا قايتكەندە ۇزدىكسىز تابىسقا جەتە الاتىنى جونىندەگى تانىمدى كۇشەيتىپ، جۇڭگو جولى، جۇڭگو باسقارۋى، جۇڭگو قاعيداسى جونىندەگى تۇسىنىكتى تەرەڭدەتۋىنە كومەكتەسۋدە ماڭىزدى مانگە يە.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
