مەملەكەتتىڭ وقۋعا كومەك قارىز اقشاسىنان جالپى 400 ميلليارد يۋاننان استام تاراتىلدى (جاڭا ساندى مالىمەت، جاڭا ءتۇيىن)
20 ميلليوننان استام وقۋشىعا تيىمدىلىك جەتكىزدى
2023.06.12 16:17 كەلۋ قاينارى : حالىق تورابى
«حالىق گازەتى»، 6 - ايدىڭ 11 - كۇنى، بەيجيڭ (تىلشىلەر جاۋ ىنا، حۋاڭ چاۋ). مەملەكەتتىڭ وقۋعا كومەك قارىز اقشاسى − ەلىمىز جوعارى مەكتەپتەرىنىڭ قارجىلاي كومەك بەرۋ ساياساتى جۇيەسىنىڭ ماڭىزدى مازمۇنى، وقۋ - اعارتۋدىڭ ادىلدىگىن جەبەۋدىڭ ماڭىزدى شاراسى. ءتىلشىنىڭ وقۋ – اعارتۋ مينيسترلىگىنەن ۇعىسۋىنشا، 1999 – جىلى اتقارىلعاننان قازىرگە دەيىن جيىنى 400 ميلليارد يۋاننان استام وقۋعا كومەك قارىزى تاراتىلىپ، وتباسىندا ەكونوميكالىق قيىنشىلىعى بار 20 ميلليوننان استام وقۋشىعا قارجىلاي كومەك بەرىلگەن.
قارىز اقشا مولشەرى ۇزدىكسىز جوعارىلادى. ساياسات اتقارىلعان العاشقى مەزگىلدە تولىق كۇندىك ادەتتەگى تولىق كۋرس وقۋشىلارىنىڭ، اسپيرانتتاردىڭ ەڭ جوعارى قارىز اقشا مولشەرى ءار ادامعا جىلىنا 6 مىڭ يۋاننان بولدى؛ 2014 - جىلى تولىق كۋرس وقۋشىلارىنا بەرىلەتىن ەڭ جوعارى قارىز اقشا مولشەرى جىلىنا ءار ادامعا 8 مىڭ يۋان، اسپيرانتتاردىكى 12 مىڭ يۋان بولدى؛ 2021 - جىلى تولىق كۋرس جانە ارناۋلى كۋرس وقۋشىلارىنىڭ ەڭ جوعارى قارىز اقشاسىنىڭ مولشەرى جىلىنا 12 مىڭ يۋان بولدى، اسپيرانتتاردىكى 16 مىڭ يۋانعا جوعارىلاتىلدى.
قارىز اقشا مەرزىمى ۇزدىكسىز ۇزاردى. ساياسات اتقارىلعان العاشقى مەزگىلدە مەملەكەتتىڭ وقۋعا كومەك قارىز اقشاسىنىڭ مەرزىم شەگى جونىندە وقۋ بىتىرگەننەن كەيىنگى 6 جىلدا قارىز اقشانىڭ نەگىزگى سوماسى مەن ءوسىمىن قايتارۋ كەرەك، ياعني وقۋ مەرزىمىنە 6 جىل قوسىلادى، ەڭ ۇزاق بولعاندا 10 جىلدان اسپايدى دەپ بەلگىلەندى. 2020 – جىلى وقۋعا كومەك قارىز اقشاسىنىڭ مەرزىم شەگى جونىندە وقۋ مەرزىمىن قوسقاندا 15 جىل بولادى، ەڭ ۇزاق بولعاندا 22 جىلدان اسپايدى دەپ بەلگىلەندى.
قارىز اقشا بەرۋ كولەمى ۇزدىكسىز كەڭەيدى. 2017 - جىلى وقۋعا كومەك قارىز اقشاسىندا جوعارى مەكتەپ، عىلمي زەرتتەۋ ورىندارى، پارتيا مەكتەپتەرى، اكىمشىلىك شۋەيۋاندار، بۇعالتىرلىق شۋەيۋاندارى سياقتى تاربيەلەۋ ورىندارىن جاپپاي قامتۋ جۇزەگە اسىرىلدى، تولىق كۇندىك ادەتتەگى تولىق كۋرس، ارناۋلى كۋرس وقۋشىلارىن، اسپيرانتتاردى، دايىندىق كۋرس وقۋشىلارىن جاپپاي قامتۋ جۇزەگە اسىرىلدى.
قارىز اقشانى ءبىتىرۋ اناعۇرلىم قولايلى بولدى. ءار دارەجەلى وقۋ - اعارتۋ تاراۋلارى ورتا مەكتەپ كەزىندە الدىن الا ءوتىنىش ەتۋ، ”ءبىر بەكەتتىك“ ءبىتىرۋ، ينتەرنەت جەلىسىندە ءبىتىرۋ سياقتى تاسىلدەر ارقىلى وتباسىندا ەكونوميكالىق قيىنشىلىعى بار وقۋشىلاردىڭ وقۋعا كومەك قارىز اقشاسى كاسىبىن بىتىرۋىنە ەڭ زور دارەجەدە قولايلىلىق جاراتتى.
”ءبىز مەملەكەتتىڭ وقۋعا كومەك قارىز اقشاسىن بەرۋ ساياساتىن ۇزدىكسىز كەمەلدەندىرىپ، وتباسىندا ەكونوميكالىق قيىنشىلىعى بار وقۋشىلاردىڭ الاڭسىز ءبىلىم الىپ، دارىندى بولىپ جەتىلۋىنە كومەكتەسەمىز“ دەدى وقۋ – اعارتۋ مينيسترلىگىنىڭ قاتىستى جاۋاپتىسى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
