2023 – جىلى جوعارى مەكتەپتەن وقۋ تاۋىسقاندار، جۇمىستانۋعا ساياتىن مىناداي ساياساتتىق ساۋعالاردى قابىلداڭىزدار
2023.06.13 14:35 كەلۋ قاينارى : حالىق تورابى
جوعارى مەكتەپتەن وقۋ تاۋىسقاندار — پارتيا مەن مەملەكەتتىڭ باعالى دارىندىلار بايلىعى. ولارعا پارتيا ورتالىق كوميتەتى مەن مەملەكەتتىك كەڭەس وسكەلەڭ ءمان بەرىپ، ءبىر قىدىرۋ ساياساتتىق شارالاردى ورتاعا قويىپ، جوعارى مەكتەپتەن وقۋ تاۋىسقاندار قاتارلى جاستاردىڭ جۇمىستانۋىن، شارۋاشىلىق قۇرۋىن ىلگەرىلەتتى. پارتيا ورتالىق كوميتەتىنىڭ، مەملەكەتتىڭ كەڭەستىڭ جوعارى مەكتەپتەن وقۋ تاۋىسقانداردىڭ جۇمىستانۋىنا، شارۋاشىلىق قۇرۋىنا ساياتىن قىزمەتتەر جونىندەگى شەشىمدەرىن، ورنالاستىرۋلارىن دايەكتى تياناقتاندىرۋ ءۇشىن، وقۋ – اعارتۋ مينيسترلىگىنىڭ جوعارى مەكتەپ ستۋدەنتتەرى مەڭگەرمەسى قاتىستى تاراۋلارمەن بىرگە «جوعارى مەكتەپتەن وقۋ تاۋىسقاندار قاتارلى جاستاردىڭ جۇمىستانۋىنا، شارۋاشىلىق قۇرۋىنا قاتىستى ساياساتتار توپتاماسىن» قۇراستىرىپ باسىپ، بارشا جوعارى مەكتەپتەن وقۋ تاۋىسقاندار مەن ادام ىستەتۋشى ورىنداردىڭ ساياساتتى بىلۋىنە، ساياساتتان يگىلىكتەنۋىنە كومەكتەسىپ، جوعارى مەكتەپتەن وقۋ تاۋىسقانداردىڭ جۇمىستانۋىنا، شارۋاشىلىق قۇرۋىنا اناعۇرلىم دەم بەردى.
«توپتامادا» مەملەكەتتىڭ قاتىستى تاراۋلارى ورتاعا قويعان جوعارى مەكتەپتەن وقۋ تاۋىسقانداردىڭ جۇمىستانۋىنا، شارۋاشىلىق قۇرۋىنا ساياتىن قازىر اتقارىلىپ وتىرعان ساياساتتار جۇيەلى رەتتەلگەن، جوعارى مەكتەپتەن وقۋ تاۋىسقانداردىڭ جۇمىس ىزدەۋ، جۇمىستانۋ قاجەتىنە نازاردى شوعىرلاندىرىپ، كاسىپورىنداردا جۇمىستانۋ، نەگىزگى ساتىدا جۇمىستانۋ، دەربەس شارۋاشىلىق قۇرۋ، قابىلەتىن جوعارىلاتۋ، شاقىرۋ بويىنشا اسكەرگە قابىلدانۋ، جۇمىستانۋ الدىندا پراكتيكاعا قاتىناسۋ، جۇمىستانۋعا قىزمەت وتەۋ، جۇمىستانۋ رەسميەتى، ۇقىق – مۇددەنى قورعاۋ قاتارلى توعىز جاقتاعى مازمۇن قامتىلعان. جوعارى مەكتەپتەن وقۋ تاۋىسقاندار مەن كاسىپورىنداردىڭ قاتىستى ساياساتتاردى جەدەل تەكسەرىپ كورۋىنە قولايلىلىق جاراتقان، مۇنان سىرت، «توپتامادا» جۇمىستانۋعا قاتىستى ساياساتتاردىڭ تىزىمدىگى تۇرگە ءبولىنىپ رەتتەلگەن، مۇندا، كاسىپورىندارعا (ءىسورىندارعا) باعىتتالعان جوعارى مەكتەپتەن وقۋ تاۋىسقانداردى جۇمىسقا ورنالاستىرۋعا ساياتىن قوسىمشا قاراجاتتار، باجى جاعىندا تيىمدىلىك جاساۋ قاتارلى 6 جاقتاعى ساياساتتار، سونىمەن بىرگە، جوعارى مەكتەپتەن وقۋ تاۋىسقاندارعا قوسىمشا قاراجات بەرۋ، قارجىلاي كومەكتەسۋ قاتارلى 9 جاقتاعى ساياساتتار قامتىلعان.
جۋىردان بەرى، وقۋ – اعارتۋ مينيسترلىگى جەر – جەردەگى وقۋ – اعارتۋدى اكىمشىلىك جاقتان باسقارۋ تاراۋلارىنىڭ، ءارقايسى جوعارى مەكتەپتەردىڭ، مەملەكەتتىك جوعارى مەكتەپتەن وقۋ تاۋىسقانداردىڭ جۇمىستانۋىنا، شارۋاشىلىق قۇرۋىنا جەتەكشىلىك ەتۋ كوميتەتىنىڭ كاسىپورىندار، باقشا رايوندارى، جوعارى مەكتەپتەر، الەۋمەتتىك اۋماقتار قاتارلىلارعا باعىتتاي وتىرىپ، جۇمىستانۋعا قاتىستى ساياساتتاردى ۇگىتتەۋ قيمىلدارىن شوعىرلى ورىستەتۋى جونىندە ورنالاستىرۋ جاساعان. الداعى قادامدا، وقۋ – اعارتۋ مينيسترلىگىنىڭ رەسمي تورابى، مەملەكەتتىك ستۋدەنتتەردىڭ جۇمىستانۋىنا قىزمەت وتەۋ تەكشەسى، سونداي – اق، قاتىستى قىزمەتكەر قابىلداۋشى قۇرىلىمدار تورابى ارقىلى جەر – جەردىڭ جوعارى مەكتەپتەن وقۋ تاۋىسقانداردىڭ جۇمىستانۋىنا قاتىستى ساياساتتارىنان ۇزىندىلەر توپتاماسىن ۇزدىكسىز شىعارىپ، بارشا وقۋ تاۋىسقاندار مەن ادام ىستەتۋشى ورىنداردىڭ ساياساتتاردى بىلۋىنە، ساياساتتاردى تولىق، ويداعىداي پايدالانۋىنا كومەكتەسەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
