جاڭا تيپتى ايدارشا ۆيرۋسپەن جۇعىمدالعان سوڭ نەلىكتەن جوتەل باسىلماي قويادى؟ تىنىس جولىنىڭ قابىنۋى ءالى دە تولىق جازىلماعاندىقتان وسىلاي بولادى
2023.06.13 16:04 كەلۋ قاينارى : حالىق تورابى
جاڭا تيپتى ايدارشا ۆيرۋسپەن جۇعىمدالىپ جازىلعان سوڭ نەلىكتەن جوتەل باسىلماي قويادى؟
6 – ايدىڭ 12 – كۇنى، جياڭسۋ ولكەلىك حالىق ەمحاناسى جۇقپالى اۋرۋلار ءبولىمىنىڭ مەڭگەرۋشى شيپاگەرى لي جۇن پروفەسسوردىڭ ايتۋىنشا، قازىر وميكرون ۆيرۋس تۇبىرشىگى نەگىزىنەن جوعارعى تىنىس جولىنا شابۋىلدايتىندىقتان، الدا – جالدا جۇعىمدالاتىن بولساڭىز، تىنىس جولىنىڭ قابىنۋىن وڭاي تۋدىرادى. جازىلعاننان كەيىن دەنەدەگى ۆيرۋس جويىلعان كۇننىڭ وزىندە دە، تىنىس جولىنىڭ قابىنۋى تولىق جازىلىپ بولماعاندىقتان، جوتەل باسىلا قويمايدى. سونىمەن بىرگە، ادام دەنەسى ۆيرۋسپەن جۇعىمدالعان باستاپقى مەزگىلدە تىنىس جولىنىڭ كىلەگەيلى قابىعى بۇلدىرىلەتىندىكتەن، ونىڭ قالپىنا كەلۋىنە بەلگىلى ۋاقىت قاجەت.
”5 – ايدىڭ سوڭىندا العاش رەت جۇعىمدالعانمىن، قازىرگە دەيىن ءۇش اپتاعا جۋىق ۋاقىت ءوتتى، تىنىس السام بولدى كەڭىردەگىم جىبىرلاپ، جۇتقىنشاعىم تارايىپ، جوتەلمەي قويمايمىن، ءبىر باستالسا توقتاماي قوياتىن جوتەل دە ەمەس، ءبىراق، اندا – ساندا ءبىر كۇركىلدەپ قويامىن، تاماعىمدا قاقىرىق تۇرعانداي سەزىلەدى ...“ 6 – ايدىڭ 12 – كۇنى، بەيجيڭدە قىزمەت ىستەيتىن جاڭ راننىڭ (ەسىمى وزگەرتىلگەن) حالىق گازەتىنىڭ دەنساۋلىق كليەنتىنىڭ تىلشىسىنە ايتۋىنشا، جاڭا تيپتى ايدارشا ۆيرۋسپەن جۇعىمدالىپ جازىلعان سوڭ، ونىڭ جوتەلى اۋىق – اۋىق قايتالاپ، توقتاماي قويعان.
الەۋمەتتىك جەلىلەردە جاڭ رانمەن ۇقساس جاعدايدى باستان كەشىرگەن توراپتاستاردىڭ سانى از ەمەس، ولاردىڭ اراسىندا تۇڭعىش رەت جۇعىمدالعاندار دا، ەكىنشى رەت جۇعىمدالعاندار دا بار. ءبىر توراپتاس: ”4 – ايدىڭ سوڭىندا جۇعىمدالعان سوڭ جوتەلە باستاعانمىن، ءبىر ايداي جوتەلدىم، قاتتى ەنتىگەمىن“، — دەگەن. تاعى ءبىر توراپتاس ەكىنشى رەت جۇعىمدالعان سوڭ ون كۇن وتسە دە، تاماعىنىڭ ءالى جىبىرلاپ، جوتەلەتىنىن ايتقان.
لي جۇن پروفەسسور حالىق گازەتىنىڭ دەنساۋلىق كليەنتىنىڭ تىلشىسىنە: ”جۋىردان بەرى جاڭا تيپتى ايدارشا ۆيرۋسپەن جۇعىمدالىپ جازىلعانداردىڭ جوتەلى باسىلماي قويسا، وعان بولا شەكتەن تىس ابىرجىپ كەتۋدىڭ قاجەتى جوق، سۋدى كوبىرەك ءىشىپ، كوبىرەك دەمالىپ، قاتتى شارشاۋدان ساقتانعانى ءجون. ەگەر جوتەلى ۇزاق ۋاقىت باسىلماي قويسا، جوتەل توقتاتاتىن ءدارىنى ۇيلەسىمدى مولشەردە ىشسە بولادى نەمەسە شيپاگەردىڭ جەتەكشىلىگىندە بۋلاندىرۋ ارقىلى ەمدەلسە بولادى، بۇل تىنىس جولىنىڭ دىمقىلدىعىن ساقتاۋ مەن ءىشىنارا ورىنداردىڭ قابىنۋىن باسەڭدەتۋگە ءارى قاقىرىقتى تۇسىرۋگە پايدالى“، — دەدى.
”كوڭىل بولۋگە تاتيتىنى، ەگەر ناۋقاستىڭ تىنىس جولىندا تەگىننەن باسقا اۋرۋلار بار بولسا، بۇل دا جوتەلدىڭ ۋاقىتىن ۇزارتادى“، — دەيدى لي جۇن، ەگەر جوعارىداعىداي ەمدەلگەن سوڭ جوتەل ءونىمدى باسەڭدەمەسە، سونىمەن بىرگە، قىزۋى ورلەۋ، تىنىس الۋى قيىنداسۋ، كوكىرەك شانشۋ قاتارلى اۋرۋ بەلگىلەرى بايقالسا، دەر كەزىندە ەمحاناعا بارىپ ەمدەلگەن ءجون.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
