شي جينپيڭ گوندۋراستىڭ زۇڭتۇڭى كاسترومەن كەڭەس وتكىزدى

2023.06.13 16:27 كەلۋ قاينارى : حالىق تورابى

　　شينحۋا اگەنتتىگى، 6 - ايدىڭ 12 - كۇنى، بەيجيڭ (ءتىلشى جىڭ ميڭدا). 6 - ايدىڭ 12 - كۇنى تۇستەن كەيىن مەملەكەت ءتوراعاسى شي جينپيڭ حالىق سارايىندا جۇڭگوعا مەملەكەتتىك ساپارمەن كەلگەن گوندۋراستىڭ زۇڭتۇڭى كاسترومەن كەڭەس وتكىزدى.

　　شي جينپيڭ بىلاي دەپ اتاپ كورسەتتى: كاسترو زۇڭتۇڭ − جۇڭگودا تۇڭعىش رەت مەملەكەتتىك ساپاردا بولعان گوندۋراس زۇڭتۇڭى، ءسىزدىڭ ساپارىڭىز جۇڭگو - گوندۋراس قارىم - قاتىناسىنىڭ جاڭا تاريحي تاراۋىن اشتى. بيىل 3 – ايدا جۇڭگو گوندۋراسپەن ديپلوماتيالىق قارىم - قاتىناس ورناتقاننان بەرى ەكى ەل قارىم - قاتىناسى جەدەل باستالدى، باستاماسى جاقسى بولىپ، جالىندى ومىرشەڭدىك كۇش جانە كەڭ بولاشاق بايقالدى. جۇڭگو مەن گوندۋراستىڭ ديپلوماتيالىق قارىم - قاتىناس ورناتۋىندا بۇگىنگىلەر ەڭبەك ءسىڭىرىپ، تيىمدىلىگى ۇزاق بولاشاققا جالعاسادى. جۇڭگو جاق جۇڭگو مەن گوندۋراستىڭ دوستىق قارىم - قاتىناسىن بۇلجىماي دامىتادى، گوندۋراستىڭ ەكونوميكالىق، قوعامدىق دامۋىن باتىل قولدايدى، گوندۋراسپەن بىرگە ءوزارا قۇرمەت ەتەتىن، تەڭ تۇرعىدا ءوزارا پايدا جەتكىزەتىن، بىرگە داميتىن جاقسى دوس، جاقسى سەرىك بولۋدى قالايدى. مەن سىزبەن بىرگە ەكى جاقتى قارىم - قاتىناستىڭ ىشكەرىلەي دامۋىنا ستراتەگيالىق جانە ۇزاق بولاشاقتىق تۇرعىدان جەتەكشىلىك ەتىپ جانە ونى ىلگەرىلەتىپ، ەكى ەل سەلبەستىگىنىڭ تاماشا بولاشاعىن ناقتى ناتيجەگە اينالدىرىپ، ەكى ەل حالىقتارىنا ءتىپتى دە كوپ ىرىس - قۇت جاراتۋدى قالايمىن. ەكى جاقتىڭ بىرگە قۇلشىنۋىندا، جۇڭگو - گوندۋراس قارىم - قاتىناسىنىڭ، ءسوز جوق، نىق قاداممەن الىسقا جەتىپ، نۇرلى بولاشاققا بەت الاتىنىنا سەنەمىن.

　　شي جينپيڭ بىلاي دەپ دارىپتەدى: ەكى جاق دۇرىس بەتالىستى مىقتاپ يگەرىپ، ساياسي ءوزارا سەنىمدىلىكتى تەرەڭدەتۋى كەرەك. ءبىر جۇڭگو پرينسيبى − جۇڭگو مەن گوندۋراستىڭ ديپلوماتيالىق قارىم - قاتىناس ورناتۋىنىڭ جانە ەكى جاقتى قارىم - قاتىناستى دامىتۋىنىڭ ماڭداي الدى العى شارتى جانە ساياسي نەگىزى، گوندۋراستىڭ قاز - قالپىندا ناقتاپ تياناقتاندىراتىنىنا سەنەمىن. جۇڭگو جاق گوندۋراس جاقتىڭ مەملەكەتتىڭ يەلىك ۇقىعىن، تاۋەلسىزدىگىن قورعاۋ، دامۋدى جەبەۋ، حالىق تۇرمىسىن جاقسارتۋ جولىنداعى قۇلشىنىستارىن باتىل قولدايدى، گوندۋراس جاقتىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىن دەربەس تاڭداۋىن قولدايدى، ءارقانداي سىرتقى كۇشتىڭ گوندۋراستىڭ ىشكى ىسىنە كيلىگۋىنە قارسى تۇرادى، گوندۋراسپەن ەل باسقارۋ تاجىريبەلەرىن اۋىستىرۋدى كۇشەيتىپ، كەدەيلىكتى جويۋ، قوعامدىق جونگە سالۋ، شىرىكتەسۋدى جازالاۋ سياقتى تاجىريبەلەردەن تەڭ يگىلىكتەنۋدى قالايدى، ۇكىمەتتىڭ، زاڭ شىعارۋ قۇرىلىمدارىنىڭ، ساياسي پارتيالاردىڭ، جەرگىلىكتى ورىنداردىڭ اۋىس - كۇيىستى، سەلبەستىكتى جان - جاقتى ورىستەتۋىنە دەم بەرۋ كەرەك. ەكى جاق ستراتەگيالىق ءتۇيىسۋدى كۇشەيتىپ، ەكى ەلدىڭ سەلبەستىك مەحانيزمىنىڭ تىرەگىن ورناتىپ، ”ءبىر بەلدەۋ، ءبىر جولدى“ بىرگە قۇرۋدى ءبىر تۇتاس باسشىلىققا الىپ، بىرگە دامۋدى جەبەۋى كەرەك. جۇڭگو جاق گوندۋراس جاقتىڭ ەرەكشە ونىمدەرىنىڭ جۇڭگو بازارىنا ەرتەرەك كىرۋىن بەلسەنە ىلگەرىلەتەدى، گوندۋراس جاقپەن ەركىن ساۋدا كەلىسىمىنىڭ اياق الىسىن ەرتەرەك باستاۋدى قالايدى. ەكى جاق گۋمانيتارلىق اۋىس - كۇيىستى جەبەپ، جۇڭگو مەن گوندۋراستىڭ دوسجار حالىق رايى نەگىزىن بەكەمدەۋى كەرەك. جۇڭگو جاق گوندۋراس جاقپەن كوپ جاقتى سەلبەستىكتى كۇشەيتىپ، حالىقارالىق ءتارتىپتى جانە حالىقارالىق قارىم - قاتىناستىڭ نەگىزگى ولشەمىن بىرگە قورعاپ، وركەندەپ كەلە جاتقان ەلدەردىڭ ىنتىماعىن، سەلبەستىگىن كۇشەيتىپ، وركەندەپ كەلە جاتقان ەلدەردىڭ ورتاق مۇددەسىن جانە حالىقارالىق ادىلدىكتى، تۋراشىلدىقتى قورعاۋدى قالايدى. جۇڭگو جاق گوندۋراستى قامتىعان لاتىن امەريكاسى جانە كارايب ەلدەرىمەن بىرگە جۇڭگو - لاتىن امەريكاسى ورتاق تۇلعاسى تالقى مىنبەرى قۇرىلىسىن جانە جۇڭگو - لاتىن امەريكاسى ورتاق تۇلعاسى سەلبەستىگىن ىلگەرىلەتۋدى قالايدى.

　　كاسترو مىنالاردى ءبىلدىردى: جۇڭگومەن ديپلوماتيالىق قارىم - قاتىناس ورناتۋ − گوندۋراس ۇكىمەتى جاساعان تاريحي تالعام، ءسوز جوق، تاريحتان ورىن الادى. گوندۋراس جاق ءبىر جۇڭگو پرينسيبىن باتىل قولدايدى ءارى وعان بويسۇنادى، جۇڭگو ۇكىمەتىنىڭ مەملەكەتتىڭ تۇتاستىعىن جۇزەگە اسىرۋ جولىنداعى قۇلشىنىسىن باتىل قولدايدى. ءتوراعا شي جينپيڭنىڭ بەرىك، پارمەندى باسشىلىعىندا، جۇڭگو ۇلى دامۋ جەتىستىكتەرىنە قول جەتكىزدى، گوندۋراس جاق بۇعان ايرىقشا سۇيىنەدى. ءتوراعا شي جينپيڭ العا قويعان ”ءبىر بەلدەۋ، ءبىر جولدى“ بىرگە قۇرۋ باستاماسى جانە دۇنيە جۇزىلىك دامۋ باستاماسى، دۇنيە جۇزىلىك حاۋىپسىزدىك باستاماسى، دۇنيە جۇزىلىك وركەنيەت باستاماسى دۇنيە ءجۇزى حالقىنىڭ ورتاق تىلەگىنە ۇيلەسەتىن اناعۇرلىم بەيبىت، حاۋىپسىز دۇنيە ءجۇزىن قۇرۋعا ءتيىمدى، گوندۋراس جاق مۇنى جوعارى باعالايدى ءارى وعان بەلسەنە ات سالىسادى. گوندۋراس جاق جۇڭگومەن دوستىق سەلبەستىك قارىم - قاتىناستى دامىتۋ گوندۋراس جاقتىڭ اناعۇرلىم كوپ، اناعۇرلىم جاقسى دامۋ ورايىنا يە بولۋىنا پايدالى ەكەنىنە كامىل سەنەدى. ەكى ەل ديپلوماتيالىق قارىم - قاتىناس ورناتقان ەكى ايدان استام ۋاقىتتان بەرگى سەلبەستىكتىڭ جەدەل ىلگەرىلەۋى گوندۋراس جاقتىڭ بولاشاققا دەگەن سەنىمىن ارتتىردى. گوندۋراس جاق جۇڭگو جاقپەن ساۋدا، قارجى قوسۋ، نەگىزدىك قۇرىلعى، تەلەگراف، ەنەرگيا، عىلىم - تەحنيكا سياقتى سالالارداعى سەلبەستىكتى كۇشەيتىپ، گۋمانيتارلىق اۋىس - كۇيىستى جيىلەتۋدى ءۇمىت ەتەدى. گوندۋراس جاق لاتىن امەريكاسى ورتاق تۇلعاسىنىڭ جۇڭگومەن قارىم - قاتىناسىنىڭ دامۋىن بەلسەنە ىلگەرىلەتۋدى قالايدى. گوندۋراس - جۇڭگو دوستىعىنىڭ ۋاقىتتىڭ سىنىنان ءوتىپ، ۇزدىكسىز تىڭ تابىستارعا قول جەتكىزەتىنىنە سەنەمىن.

　　كەڭەستەن كەيىن ەكى ەل باسشىلارى ”ءبىر بەلدەۋ، ءبىر جولدى“ بىرگە قۇرۋ، ساپا تەكسەرۋ، ەكونوميكا - ساۋدا، اۋىل شارۋاشىلىعى، عىلىم - تەحنيكا، مادەنيەت، وقۋ - اعارتۋ سياقتى سالالارداعى كوپتەگەن ەكى جاقتى سەلبەستىك قۇجاتىنا قول قويۋعا بىرگە كۋا بولدى.

　　ەكى جاق «جۇڭحۋا حالىق رەسپۋبليكاسى مەن گوندۋراس رەسپۋبليكاسىنىڭ بىرلەسكەن مالىمدەمەسىن» جاريالادى.

　　كەڭەستەن بۇرىن شي جينپيڭ حالىق سارايىنىڭ شىعىس قاقپاسىنىڭ سىرتىنداعى الاڭدا كاسترونى قارسى الۋ سالتىن وتكىزدى.

　　كاسترو كەلگەندە قۇرمەت قاراۋىلى ساپ تۇزەپ قۇرمەت ءبىلدىردى. ەكى ەلدىڭ مەملەكەت باسشىلارى قۇرمەت قاراۋىلى مىنبەسىنە شىقتى، اسكەري وركەستر جۇڭگو مەن گوندۋراستىڭ مەملەكەت اندەرىن ورىندادى، تيان - انمىن الاڭىندا 21 رەت قۇرمەت ساليۋتى اتىلدى. كاسترو شي جينپيڭنىڭ سەرىك بولۋىندا جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى ءارى سالتانات قاتارىن كوردى.

　　سول كۇنى كەشتە شي جينپيڭ حالىق سارايىنىڭ التىن ءتۇستى زالىندا كاسترونى قارسى الۋ قوناعاسىن بەردى.

　　ۋاڭ ي، چين گاڭ قاتارلىلار جوعارىداعى قيمىلدارعا قاتىناستى.

　　كەلۋ قاينارى: حالىق تورابى

6 - ايدىڭ 12 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن گوندۋراستىڭ زۇڭتۇڭى كاسترومەن كەڭەس وتكىزدى. سۋرەتتە: كەڭەستەن بۇرىن شي جينپيڭ حالىق سارايىنىڭ شىعىس قاقپاسىنىڭ سىرتىنداعى الاڭدا كاسترونى قارسى الۋ سالتىن وتكىزۋدە. سۋرەتتى شينحۋا اگەنتتىگىنىڭ ءتىلشىسى ليۋ بين تۇسىرگەن

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved