جاۋ لىجي نەپال فەدەراتسيالىق كەڭەسىنىڭ ءتوراعاسى تيميرسينامەن كەڭەس وتكىزدى
2023.06.13 16:32 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 12 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي 6 - ايدىڭ 12 - كۇنى حالىق سارايىندا نەپال فەدەراتسيالىق كەڭەسىنىڭ ءتوراعاسى تيميرسينامەن كەڭەس وتكىزدى.
جاۋ لىجي مىنالاردى ءبىلدىردى: 2019 - جىلى ءتوراعا شي جينپيڭ نەپالدا تاريحي ساپاردا بولدى، ەكى ەل باسشىلارى جۇڭگو - نەپال قارىم - قاتىناسىن دامۋ مەن گۇلدەنۋگە بەت العان دوستىق ستراتەگيالىق سەلبەستىك سەرىكتەستىك قارىم - قاتىناس دەڭگەيىنە كوتەردى. جۇڭگو نەپالمەن بىرگە ەكى ەل باسشىلارى كەلىسكەن ماڭىزدى ورتاق تانىمدى ويداعىداي تياناقتاندىرىپ، ءار سالاداعى اۋىس - كۇيىستى، سەلبەستىكتى تەرەڭدەتىپ، جۇڭگو مەن نەپالدىڭ اناعۇرلىم تىعىز تاعدىرلاس ورتاق تۇلعاسىن قۇرۋدى ىلگەرىلەتۋگە پەيل.
جاۋ لىجي بىلاي دەپ اتاپ كورسەتتى: جۇڭگو مەن نەپالدىڭ تاۋ - سۋى جالعاسقان، تاعدىرى ورتاق. ەكى ەلدىڭ دوستىق سەلبەستىك قارىم - قاتىناسىن ويداعىداي بەكەمدەۋ، ويداعىداي دامىتۋ ەكى ەل حالىقتارىنىڭ ءتۇبىرلى مۇددەسىنە ۇيلەسەدى. جۇڭگو جاق نەپال جاقتىڭ ءبىر جۇڭگو ساياساتىن دايەكتى اتقارىپ، جۇڭگونىڭ وزەكتى مۇددەسىنە ساياتىن جانە ءجىتى قاداعالاپ وتىرعان كەلەلى ماسەلەلەردە جۇڭگو جاققا قاستەرلى قولداۋ كورسەتىپ، ءارقانداي كۇشتىڭ نەپال تەرريتورياسىنان پايدالانىپ جۇڭگوعا قارسى قيمىل جۇرگىزۋىنە جول بەرمەۋ ۋادەسىندە تاباندى بولعانىن القايدى. جۇڭگو جاق نەپال جاقتىڭ تاۋەلسىزدىگىن، يەلىك ۇقىعىن جانە تەرريتوريا تۇتاستىعىن قورعاۋىن باتىل قولدايدى، نەپال ۇكىمەتى مەن حالقىنىڭ ءوز مەملەكەت جاعدايىنا قاراي تاڭداعان دامۋ جولىنا قۇرمەت ەتەدى. ”ءبىر بەلدەۋ، ءبىر جول“ باستاماسى العا قويىلعان 10 جىلدان بەرى جۇڭگو مەن نەپالدىڭ ”ءبىر بەلدەۋ، ءبىر جول“ سەلبەستىگى سۇبەلى تابىستارعا قول جەتكىزدى. ەكى جاق تاس جول، تەمىر جول، اۆياتسيا، شەكارا وتكەلى، ەلەكتر تورابى سياقتى نەگىزدىك قۇرىلعى نىساندارىن ويداعىداي قۇرىپ جانە قورعاپ، گيمالاي اتتاعان سترەولدى بايلانىس تورىن ۇزدىكسىز قۇرىپ، ساۋدا، قارجى قوسۋ، كاسىپ باقشاسى رايونى، جاڭا ەنەرگيا سياقتى سالالارداعى سەلبەستىكتى تەرەڭدەتۋى كەرەك. جۇڭگو جاق نەپال جاقتىڭ دۇنيە جۇزىلىك دامۋ باستاماسىنا بەلسەنە ءۇن قوسقانىنا جانە قولداۋ كورسەتكەنىنە العىس ايتادى، نەپال جاقتىڭ دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن قولداپ جانە وعان ات سالىسىپ، ءوڭىردىڭ، ءتىپتى، دۇنيە ءجۇزىنىڭ بەيبىتشىلىگىن، ورنىقتىلىعىن جانە گۇلدەنۋىن بىرگە جەبەۋىن قارسى الادى.
جاۋ لىجي مىنالاردى ءبىلدىردى: جۇڭگو مەن نەپالدىڭ زاڭ شىعارۋ قۇرىلىمدارى تاماشا بارىس - كەلىستى باستان - اياق جالعاستىرىپ كەلەدى. جۇڭگو مەملەكەتتىك حالىق قۇرىلتايى نەپال فەدەراتسيالىق كەڭەسىمەن ءار دارەجەلى بارىس - كەلىستى ۇزدىكسىز كۇشەيتىپ، جۇڭگو مەن نەپالدىڭ دوستىق سەلبەستىگىنىڭ قوعامدىق جانە حالىق رايى نەگىزىن بەكەمدەۋدى؛ ەكى جاقتى قارىم - قاتىناستىڭ دامۋىنا ءتيىمدى زاڭدىق قۇجاتتاردى دەر كەزىندە شىعارىپ، بەكىتىپ، ءار سالاداعى ناقتى ىستەر سەلبەستىگىن زاڭدىق كەپىلمەن قامداۋدى؛ ءار ەل پارلامەنت وداعى، ازيا پارلامەنت جينالىسى سياقتى كوپ جاقتى قۇرىلىمداردىڭ سايكەسۋىن، سەلبەسۋىن كۇشەيتىپ، وركەندەپ كەلە جاتقان ەلدەردىڭ ورتاق مۇددەسىن قورعاۋدى قالايدى.
جاۋ لىجي جۇڭگونىڭ بەيبىت دامۋ جولىمەن بۇلجىماي ءجۇرىپ، توڭىرەكتىك ديپلوماتيا ۇستانىمىندا تاباندى بولۋىنا قاتىستى جاعدايلاردى تانىستىردى.
تيميرسينا مىنالاردى ءبىلدىردى: نەپال مەن جۇڭگو ەجەلدەن جاعراپيا، مادەنيەت، ءداستۇر جاقتارىندا تىعىز جالعاسىپ كەلەدى. نەپال ءبىر جۇڭگو ساياساتىن باتىل اتقارادى، ءارقانداي كۇشتىڭ نەپال تەرريتورياسىنان پايدالانىپ جۇڭگوعا قارسى ارەكەت جۇرگىزۋىنە جول بەرمەيدى. ”ءبىر بەلدەۋ، ءبىر جولدى“ بىرگە قۇرۋ نەپالعا ناقتى دامۋ جەتىستىگىن اكەلدى. نەپال فەدەراتسيالىق كەڭەسى جۇڭگونىڭ مەملەكەتتىك حالىق قۇرىلتايىمەن دوستىق اۋىس - كۇيىستى كۇشەيتىپ، ەكى ەلدىڭ نەگىزدىك قۇرىلعى، ساۋدا، ساياحات، گۋمانيتارلىق، وقۋ - اعارتۋ سياقتى سالالارداعى سەلبەستىگىن جەبەۋ ءۇشىن زاڭ شىعارۋ قۇرىلىمدارىنىڭ بەلسەندى رولىن ساۋلەلەندىرۋدى قالايدى.
ساي دافىڭ كەڭەسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
