4 تاراۋ 2023 – جىلعى وزىندىك قۇندى تومەندەتۋدەگى ءتۇيىندى قىزمەتتى ورنالاستىردى
2023.06.14 14:04 كەلۋ قاينارى : حالىق تورابى
شينحۋا اگەنتتىگىنىڭ 6 – ايدىڭ 13 – كۇنى بەيجيڭنەن بەرگەن حابارى. مەملەكەتتىك دامۋ جانە رەفورما كوميتەتى قاتارلى 4 تاراۋ 6 – ايدىڭ 13 – كۇنى «2023 – جىلعى وزىندىك قۇندى تومەندەتۋدەگى ءتۇيىندى قىزمەتتى ويداعىداي ىستەۋ جونىندەگى ۇقتىرۋدى» اشىق جاريالاپ، 8 جاقتاعى 22 ءتۇرلى مىندەتتى ورتاعا قويدى.
ۇقتىرۋدا مىنالار ايقىن بەلگىلەندى: باجى – اقى جاعىنان جەڭىلدىك بەرۋ ساياساتىنىڭ دالدىگىن، باعىتتامالىلىعىن كۇشەيتۋ كەرەك. عىلىم - تەحنيكادا جاڭالىق اشۋ، ءتۇيىندى كاسىپ تىزبەگى سياقتى سالالاردا باجىنى باعىتتامالى كەمەيتۋ، اقىنى تومەندەتۋ ساياساتى شىعارىلادى. باجى - اقى جاعىنان جەڭىلدىك بەرۋ ساياساتى كەمەلدەندىرىلەدى. 2023 - جىلدىڭ سوڭىنان بۇرىن ايلىق ساتۋ سوماسى 100 مىڭ يۋاننان تومەن شاعىن كولەمدە باجى تاپسىرۋشىلاردان ارتقان قۇن باجىسى الىنبايدى، شاعىن كولەمدە باجى تاپسىرۋشىلاردان %3 تىك باجى تاپسىرۋعا ءتيىستى ساتۋ كىرىسىنەن %1 ارتقان قۇن باجىسى الىنادى، ءوندىرىس، ءتۇرمىس سيپاتىنداعى قىزمەت وتەۋ سالاسىنداعى باجى تاپسىرۋشىلاردان جەكە – جەكە %5، %10 تىك ارتقان قۇن باجىسىن قوسۋ - دولايلاستىرۋ اتقارىلادى.
فينانستىڭ تۇلعالىق شارۋاشىلىققا قىزمەت وتەۋىنىڭ ساپا ونىمدىلىگىن جوعارىلاتۋ جاعىندا ۇقتىرۋدا مىنالار ورتاعا قويىلدى: قارىز اقشا ءوسىم مولشەرىنىڭ ورنىقتىلىق بارىسىندا تومەندەۋىن ىلگەرىلەتۋ كەرەك. قارىز اقشا بازارىنىڭ باعا مالىمدەۋ ءوسىم مولشەرى (LPR) رەفورماسىنىڭ ونىمدىلىگى مەن امانات اقشا ءوسىمىن بازارلاندىرۋ، رەتتەۋ مەحانيزمىنىڭ ماڭىزدى رولىن ۇزدىكسىز ساۋلەلەندىرىپ، تيجارات تۇلعالارىنىڭ قارجى قۇراۋ وزىندىك قۇنىنىڭ ورنىقتى تومەندەۋىن ىلگەرىلەتۋ كەرەك. سونىمەن بىرگە، فينانس بايلىعىن دالمە - ءدال تامشىلاتىپ سۋارۋعا جەتەكتەپ، شاعىن، ۇساق كاسىپورىنداردىڭ العاشقى قارىز اقشاسىن، جالعاستى قارىز اقشاسىن، سەنىمدىلىك قارىزىن ۇزدىكسىز ارتتىرۋ كەرەك.
كاسىپورىنداردىڭ ەڭبەككۇش وزىندىك قۇن قىسىمىن جەڭىلدەتۋ جاعىندا ۇقتىرۋدا مىنالار ايقىن بەلگىلەندى: جۇمىسسىزداردى قامسىزداندىرۋ، جۇمىس ۇستىندە جارالانۋ قامسىزداندىرۋ اقى مولشەرىن كەزەڭدىك تومەندەتۋ ساياساتىن ۇزدىكسىز اتقارىپ، اتقارۋ مەرزىم شەگىن 2024 – جىلدىڭ سوڭىنا دەيىن ۇزارتۋ كەرەك. قىزمەتكەر قىسقارتپاعان، از قىسقارتقان كاسىپورىندار جونىنەن جالپىعا ءتيىمدى جۇمىسسىزداردى قامسىزداندىرۋ بويىنشا جۇمىس ورنىن ورنىقتىرۋ، قايتارىپ بەرۋ ساياساتى جالعاستى اتقارىلادى.
كاسىپورىنداردىڭ جەردەن پايدالانۋ وزىندىك قۇنىن تومەندەتۋ جاعىندا، ۇقتىرۋدا مىنالار ورتاعا قويىلدى: ەنەرگيامەن، ماڭىزدى شيكىزاتپەن قامداۋ، باعانى ورنىقتىرۋ قىزمەتىن ويداعىداي ىستەپ، كومىر يمپورتىندا نولدىك كەدەن باجىسى ساياساتىن ۇزدىكسىز اتقارۋ كەرەك. ماڭىزدى ەنەرگيانى، كەن بايلىعىن ەل ىشىندە بارلاۋدى، اشۋدى جانە قوردى ارتتىرىپ، ءونىمدى ارتتىرۋدى كۇشەيتۋ كەرەك. ۇقتىرۋدا تاعى تۇزىمدىك ايىرباستىڭ وزىندىك قۇنىن ۇزدىكسىز تومەندەتىپ، زات اينالىمىنىڭ ساپاسىن جوعارىلاتىپ، ونىمدىلىگىن ارتتىرىپ، وزىندىك قۇنىن تومەندەتىپ، كاسىپورىنداردىڭ قارجى اينالىم ونىمدىلىگىن جوعارىلاتىپ، كاسىپورىنداردى ىشكى كومەسكى كۇشىن اشۋعا شابىتتاندىرۋ ورتاعا قويىلدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
