حالىق ىستەرى مينيسترلىگى: جەر – سۋعا ات قويعاننان كەيىن، اتىن وزگەرتكەننەن كەيىن بەلگىلەمە بويىنشا جولداپ ەستەلىككە الدىرۋ كەرەك
2023.06.14 14:07 كەلۋ قاينارى : حالىق تورابى
جەر – سۋ اتتارى قىزمەتىن ءبىرتۇتاس باقىلاپ – باسقارۋدى كۇشەيتىپ، جەر – سۋ اتتارىن ەستەلىككە الۋ، حابارلاندىرۋ قىزمەتىن ارناعا ءتۇسىرۋ ءۇشىن، حالىق ىستەرى مينيسترلىگى بۇگىن «جەر – سۋ اتتارىن ەستەلىككە الۋ حابارلاندىرۋىن باسقارۋ ءادىسىن (سىناق رەتىندە اتقارىلادى)» باسىپ تاراتتى. ادىستە بىلاي دەپ بەلگىلەنگەن: جەر – سۋعا ات قويعاننان كەيىن، اتىن وزگەرتكەننەن كەيىن، بەلگىلەمە بويىنشا جولداپ ەستەلىككە الدىرۋ كەرەك. اۋدان دارەجەلىدەن جوعارى حالىق ۇكىمەتتەرىنىڭ جەر - سۋ اتتارىن اكىمشىلىك باسقارۋشى تاراۋلارى بەلگىلەنگەن ۇقىق شەگى بويىنشا جەر – سۋ اتتارىن ەستەلىككە الۋدى قابىلداپ، ەستەلىككە الۋ، تەكسەرۋ جانە حابارلاندىرۋ، جاريالاۋ قىزمەتىنە جاۋاپتى بولادى.
جەر – سۋعا ات قويعاننان كەيىن، اتىن وزگەرتكەننەن كەيىن بەلگىلەمە بويىنشا حابارلاندىرۋ شىعارۋ كەرەك، حابارلاندىرۋدىڭ مازمۇنىندا جەر - سۋ اتتارىنىڭ ولشەمدى اتى، ريم ارىپىمەن جازىلعان جازۋ، قاراستى اكىمشىلىك رايون، ورنىن بايانداۋ، بەكىتكەن ورگان، بەكىتكەن ۋاقىت سياقتىلار قامتىلۋ كەرەك. جەر – سۋ اتى جونىندەگى حابارلاندىرۋ ۇكىمەت تورابى، ۇكىمەت ىستەرى جاڭا اقپارات قۇرالدارى، اكىمشىلىك قىزمەت وتەۋ تەكشەسى، گازەت - جۋرنال، راديو نەمەسە تەلەۆيزيا سياقتى جولدارمەن جاريالانادى ءارى جۇڭگو . مەملەكەتتىك جەر – سۋ اتتارى ينفورماتسياسى قامباسىندا جاريالانادى.
مەملەكەتتىك كەڭەس بەكىتكەن جەر – سۋ اتتارى، جەر - سۋ اتتارىن تەكسەرىپ بەكىتۋدى ۇستىنە العان تاراۋلار مەملەكەتتىك كەڭەستىڭ جەر - سۋ اتتارى اكىمشىلىك باسقارۋشى تاراۋىمەن ىرىقتى تۇردە بايلانىس جاساپ، مەملەكەتتىك كەڭەستىڭ قاتىستى قاۋلىلارىنا ساي حابارلاندىرۋ شىعارۋ قىزمەتىن ويداعىداي ىستەۋى ءارى جەر – سۋ اتى ينفورماتسياسىن جۇڭگو . مەملەكەتتىك جەر – سۋ اتتارى ينفورماتسياسى قامباسىنا كىرگىزۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved