داشۋەگە جاڭادان قابىلدانعاندار كوڭىل بولىڭىزدەر! قابىلداۋ ۇقتىرۋىن تاپسىرىپ العان سوڭ، مىناداي بىرنەشە ءىستى ۇمىتپاڭىزدار
2023.07.10 14:20 كەلۋ قاينارى : حالىق تورابى
قازىر كوپتەگەن جوعارى مەكتەپتەر وقۋعا قابىلداۋ ۇقتىرۋىن جولداي باستادى، داشۋەگە جاڭادان قابىلدانعان بولاشاق ستۋدەنتتەر الدا وقۋعا قابىلداۋ ۇقتىرۋىن تاپسىرىپ الادى، ءومىردىڭ جاڭا ساپارىنا قادام تاستايتىن ماڭىزدى ساتتە، كوپشىلىككە ەسكەرتەرىمىز، وقۋعا قابىلداۋعا قاتىستى مىناداي ىستەرگە بارىنشا ءمان بەرگەنىڭىز ابزال.
ءبىرىنشى ماڭىزدى ءىس: وقۋعا قابىلداۋ ۇقتىرۋىن مۇقيات تەكسەرىپ، قاتە قابىلداۋدان ساقتانىڭىز
وقۋعا قابىلداۋ ۇقتىرۋىندا ادەتتە ۇقتىرۋ، وقۋعا قابىلدانعاندار بىلۋگە ءتيىستى ىستەر، مەكتەپتىڭ قىسقاشا تانىستىرۋى جانە قارجىلاي كومەك بەرۋ ساياساتى مەن ءادىسى قاتارلىلار قامتىلادى. ەمتيحان بەرگەن وقۋشىلار وقۋعا قابىلداۋ ۇقتىرۋىن تاپسىرىپ العان سوڭ، وقۋعا قابىلداۋ ۇقتىرۋىنىڭ ەلەكتروندى حات ساندىققا جولدانعان نۇسقاسىن مۇقيات وقىپ، ەلەكتروندى حاتتاعى تىزىمدىككە نەگىزدەلە وتىرىپ، سوندا جازىلعان زاتتاردىڭ تىزىمدىگىن مۇقيات وقىپ، قاتە قابىلداۋدان ساقتانىڭىز؛ سونىمەن بىرگە، وقۋعا قابىلداۋ ۇقتىرۋىنداعى بىلۋگە ءتيىستى ىستەرگە ساي قاجەتتى زاتتار مەن وقۋ قاراجاتى قاتارلى داشۋەگە تىزىمدەلگەن كەزدە قاجەتتى بۇيىمداردى دايىنداۋىڭىز كەرەك.
ەكىنشى ماڭىزدى ءىس: وقۋعا قابىلداۋ ۇقتىرۋىنىڭ شىن - جالعانىن تۇراقتاندىرىڭىز
ەمتيحان بەرگەن وقۋشىلار وقۋعا قابىلداۋ ۇقتىرۋىن تاپسىرىپ العان سوڭ، ولكەلىك وقۋ - اعارتۋ جانە ەمتيحان مەكەمەسىنىڭ تورابى نەمەسە وقۋشى قابىلداعان جوعارى مەكتەپتىڭ رەسمي تورابىنا شىعىپ، قاتىستى جوعارى مەكتەپتىڭ ينفورماتسيالارىن دەر كەزىندە ۇعىسقانى، وقۋعا قابىلداۋ ۇقتىرۋىنداعى جوعارى مەكتەپتىڭ ينفورماتسياسىمەن سالىستىرىپ، وقۋعا قابىلداۋ ۇقتىرۋىنىڭ شىن - جالعانىن پارىقتاعانى وڭ.
ءۇشىنشى ماڭىزدى ءىس: دوستار شەڭبەرىنە جولداعاندا ءوزىڭىزدىڭ جەكەلىك ينفورماتسياڭىزدىڭ اشكەرە بولۋىنان ساقتانىڭىز
ەمتيحان بەرگەن وقۋشىلار وقۋعا قابىلداۋ ۇقتىرۋىن تاپسىرىپ العان سوڭ، ادەتتە دوستار شەڭبەرى قاتارلى تەكشەلەرگە جاريالاعاندى ۇناتادى. ەگەر دوستار شەڭبەرىنە جاريالايتىن بولساڭىز، اتى - ءجونىڭىز، ەمتيحانعا قاتىناسۋ ءنومىرىڭىز، ازاماتتىق ءنومىرىڭىز قاتارلى ماڭىزدى ينفورماتسيالاردى ءوشىرىپ، بۇل ينفورماتسيالاردىڭ اشكەرە بولۋىنان ساقتانعانىڭىز ءجون.
ءتورتىنشى ماڭىزدى ءىس: جەكەلىك ارحيۆىڭىزدى ساقتاۋعا اباي بولىڭىز، ارحيۆتى ءوز بىلگەنىڭىزشە اشۋىڭىزعا بولمايدى
وقۋعا قابىلداۋ ۇقتىرۋىن تاپسىرىپ العان سوڭ، انا مەكتەبىڭىزگە بارىپ ارحيۆتى الۋ — وقۋعا ءتۇسۋ الدىنداعى ماڭىزدى باسقىش. وقۋشىلار ارحيۆىن الۋ سىندى بۇل ءىستى ءوزى بىتىرگەنى ءجون، مەكتەپكە ءوزى بارىپ ارحيۆ قالتاسىن ءوزى الۋى كەرەك، پوچتامەن جولداۋ بارىسىندا جوعالۋىنان نەمەسە بۇلىنۋىنەن ساقتانۋى قاجەت. مۇنان سىرت، ارحيۆ قالتاسىن اشۋعا بولمايدى، ەگەر اشىلاتىن بولسا، كۇشىن جويادى. سوندىقتان، وقۋشىلار ونى ساقتاۋعا اباي بولعانى، ءوز بىلگەنىنشە اشپاعانى ءجون.
بەسىنشى ماڭىزدى ءىس: اقشا جوتكەۋ، اقشا سالۋ دەگەندى جەلەۋ ەتكەن الدامكوستىكتەردەن ساقتانىڭىز
الدامكوستەر ءىشىنارا وقۋشىلاردىڭ وتباسىندا ەكونوميكالىق جاقتا قيىنشىلىعى بولعاندىقتان، داشۋەگە بارعاندا قارجىلاي كومەككە يە بولۋ ارقىلى وقۋ قاراجاتىن تاپسىراتىن جاعدايىنان پايدالانىپ، ءوزىن جوعارى مەكتەپتەردىڭ نەمەسە وقۋ - اعارتۋ تاراۋلارىنىڭ قىزمەتكەرىمىن دەپ تانىستىرۋ ارقىلى نەمەسە توتەسىنەن ءوزىنىڭ بەلگىلى نىساندى باسقاراتىنىن، داشۋەگە وتكەن وقۋشىلاردىڭ اقشالاي كومەك الۋعا ءوتىنىش بەرۋىنە بولاتىنىن جالعاننان قۇراستىرىپ، اتا - انالاردان تىزىمدەلۋ اقىسىن الدىمەن تاپسىرۋدى تالاپ ەتەدى. وسى تەكتەس تەلەفونداردى، كەلتە حاتتاردى قابىلداساڭىز، ءسوزسىز، بارىنشا ابايلاڭىز، ىرىقتىلىقپەن مەكتەپكە نەمەسە وقۋ - اعارتۋ تاراۋلارىنا حابارلاسىپ، جان - جاقتى تەكسەرىپ كورگەنىڭىز، الدانىپ قالۋدان بارىنشا ساق بولعانىڭىز ءجون.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
