ازيانىڭ جانە حالىقارانىڭ وليمپيادا سپورتىنىڭ دامۋىنا تىڭ ۇلەس قوسايىق
— حاڭجوۋ ازيا سپورت جارىسىنىڭ باستالۋ سالتى كۇشتى اڭىس قوزعادى
«حالىق گازەتىنىڭ» تىلشىلەرى
2023.09.25 16:29 كەلۋ قاينارى : حالىق تورابى
9 – ايدىڭ 23 – كۇنى كەشتە حاڭجوۋ 19 - كەزەكتى ازيا سپورت جارىسى سالتاناتپەن باستالدى. مەملەكەت ءتوراعاسى شي جينپيڭ باستالۋ سالتىنا قاتىناستى ءارى وسى كەزەكتى ازيا سپورت جارىسىنىڭ باستالعانىن جاريالاپ، قىزۋ اڭىس قوزعادى. كوپشىلىك مىنانى ءبىلدىردى: بار كۇشىمىزدى سالىپ، كەمەلدەندىرە ءتۇسىپ، دۇنيە جۇزىنە ”جۇڭگوشا ەرەكشەلىگى بار، ازيا كەلبەتىن ايگىلەيتىن، قۋانىشتى ءسات توقتاۋسىز جارىققا شىعاتىن“ سپورت سالتاناتىن ايگىلەپ، ازيانىڭ جانە حالىقارانىڭ وليمپيادا سپورتىنىڭ دامۋىنا تىڭ ۇلەس قوسامىز.
دۇنيە جۇزىنە ءبىر كەزەك ”جۇڭگوشا ەرەكشەلىگى بار، ازيا كەلبەتىن ايگىلەيتىن، قۋانىشتى ءسات توقتاۋسىز جارىققا شىعاتىن“ سپورت سالتاناتىن ايگىلەيمىز
شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، حاڭجوۋ ازيا سپورت جارىسىنا ءساتتى ءوتىنىش بەرىلگەننەن بەرى جىجياڭ ”جاسىل، زەردەلى، ۇنەمدى، وركەنيەتتى“ جارىس وتكىزۋ ۇستانىمىن دايەكتىلەندىرۋدە تاباندى بولىپ، ”ىقشام دا حاۋىپسىز، تارتىمدى بولۋ“ جارىس وتكىزۋ تالابىن جاپپاي تياناقتاندىرىپ، بار كۇشىن سالىپ، كەمەلدەندىرە ءتۇسىپ، تۇتاس جەلىدەگى، تۇتاس بۋىنداعى دايىندىق جۇمىستارىن ويداعىداي ىستەدى.
”ءتوراعا شي جينپيڭ حاڭجوۋ ازيا سپورت جارىسىنىڭ باستالۋ سالتىنا قاتىناستى ءارى وسى كەزەكتى ازيا سپورت جارىسىنىڭ باستالعانىن جاريالادى، ءبىز ايرىقشا اسەرلەندىك، ەرەكشە شابىت الدىق“. حاڭجوۋ ازيا سپورت جارىسىن ۇيىمداستىرۋ كوميتەتىنىڭ اتقارۋشى باس حاتشىسى، حاڭجوۋ ازيا سپورت جارىسىنىڭ (ازيا مۇگەدەكتەر سپورت جارىسى) نەگىزگى اقپارات مالىمدەمەشىسى چىن ۋەيچياڭ بىلاي دەدى: ”ءبىز دۇنيە جۇزىنە ’جۇڭگوشا ەرەكشەلىگى بار، ازيا كەلبەتىن ايگىلەيتىن، قۋانىشتى ءسات توقتاۋسىز جارىققا شىعاتىن‘ سپورت سالتاناتىن ايگىلەۋگە سەنىمدىمىز“.
”ءبىز بورىشتى ارقالاپ، ءبىر مايدان تارتىمدى جارىس وتكىزۋگە كۇش قوسىپ، جەر - جەردەن كەلگەن سپورتشىلاردى ءوز ۇيىنە كەلگەندەي سەزىندىرەمىز“. نيڭبو ازيا سپورت جارىسى بولىمشە قىستاعى اينالىم توبىنىڭ اتقارۋشى قولباسشىسى چاڭ شى بەرىك سەنىممەن بىلاي دەدى: بانبيانشان كورىنىس رايونىنا ورنالاسقان ازيا سپورت جارىسى بولىمشە قىستاعى 500 گە جۋىق سپورتشى مەن ۇيىرمە قۇرامىنداعى ۇكىمەت قىزمەتكەرىن ءبىر ۋاقىتتا سيعىزا الادى.
”وسى كەزەكتى ازيا سپورت جارىسىندا قولدانىلاتىن البانو جۇيەسى − جارىس قايىعى، بايداركا سياقتى كاسىپتىك جارىستاردىڭ ءبىر ءتۇرلى سۋ جولى جۇيەسى، ۋاقىت ەسەپتەۋ دالدىگى مىڭنىڭ بىرىندەي دارەجەدە، ازيا سپورت جارىسىنىڭ عىلىم - تەحنيكالىق قامتىمى بارعان سايىن جوعارىلاۋدا“. حاڭجوۋ فۋياڭ سۋ ءۇستى سپورت ورتالىعى اينالىم توبىنىڭ باس حاتشىسى شىن شياۋلياڭ بىلاي دەدى: 1990 - جىلعى بەيجيڭ ازيا سپورت جارىسىنان 2010 - جىلعى گۋاڭجوۋ ازيا سپورت جارىسىنا دەيىن، ونان وسى رەتكى حاڭجوۋ ازيا سپورت جارىسىنا دەيىن، ۋاقىت اينالىمى ەلىمىزدىڭ جالپىلىق مەملەكەت قۋاتىنىڭ ۇزدىكسىز جوعارىلاپ، ەكونوميكالىق، قوعامدىق دامۋىنىڭ ۇشقان قۇستاي دامۋىنا كۋا بولۋدا.
حاڭجوۋداعى گۇڭيە رايونى ۋىنحۇي ءمالى باسقارماسى شياندايچىڭ الەۋمەتتىك اۋماعىندا كوپتەگەن تۇرعىن باستالۋ سالتىنىڭ تەلەۆيزورداعى تىكە تاراتىلۋىن كوردى. ”ءبىز ەرەكشە اسەرلەندىك جانە ماقتانىش سەزىندىك“. الەۋمەتتىك اۋماقتىڭ كادرى شاۋ ليجيڭ بىلاي دەدى: ”ازيا سپورت جارىسىنىڭ سالتاناتتى جينالىسىن اقىرى ىرگەدە قارسى الىپ وتىرمىز، قالا تۇرعىنى رەتىندە وسى ساتكە كۋا بولعانىمىزدى ءارى وعان قاتىناسقانىمىزدى ماقتانىش سەزىنەمىز“. ازيا سپورت جارىسىنىڭ ەرىكتى قىزمەت وتەۋ جۇمىس ورنىنان ازيا سپورت جارىسىنا ارنالعان قابىرعا سۋرەتتەرىنە دەيىن، ودان ەرەكشە جارىس كەڭىستىگىنە دەيىن، كوشەنىڭ بارلىق جەرىنەن ازيا سپورت جارىسىنىڭ لەبى ەسەدى.
حاڭجوۋ ازيا سپورت جارىسىنىڭ دايىندىق بارىسى سوتسياليزمنىڭ كۇشتى شوعىرلاندىرا وتىرىپ ءىرى ىستەر تىندىراتىن تۇزىمدىك ابزالدىعىن تاعى ءبىر رەت ايگىلەدى.
مەملەكەتتىك ەلەكتر تورابى جىجياڭ ولكەسى ەلەكتر قۋاتى شەكتى سەرىكتەستىگىنىڭ باس جوراسى، پارتكوم شۋجيى چىن انۋەي مىنانى ءبىلدىردى: سەرىكتەستىگىمىز بويىنشا 18 مىڭنان استام ادام قىزمەت ورنىنان تاپجىلماي، جۇمىستارىن تىڭعىلىقتى ىستەپ، ازيا سپورت جارىسى كەزىندەگى ەلەكترمەن حاۋىپسىز، سەنىمدى قامداۋدى قۇلشىنا قامتاماسىز ەتىپ، تۇڭعىش كەزەكتى كومىرقىشقىل گازى بەيتاراپتاندىرىلعان ازيا سپورت جارىسىن وتكىزۋگە دەم بەردى.
ازيا سپورت جارىسى ازيا حالقىنىڭ بەيبىتشىلىككە، ىنتىماققا، باۋىرمالدىققا دەگەن تاماشا تالپىنىسىن ارقالاپ وتىر
پارتيانىڭ 20 - قۇرىلتايى جەڭىسپەن اشىلعاننان كەيىن ەلىمىز وتكىزگەن كولەمى ەڭ ۇلكەن، دەڭگەيى ەڭ جوعارى حالىقارالىق جالپىلىق سپورت جارىسى رەتىندە حاڭجوۋ ازيا سپورت جارىسى جۇرت نازارىن اۋداردى.
”حاڭجوۋ ازيا سپورت جارىسىنىڭ باستالۋ سالتىنداعى شىراقتىڭ كوركەمونەرلىك قولدانىلۋى ماعان تەرەڭ اسەر قالدىردى“. ساۋد ارابياسىنان كەلگەن ءتىلشى ابادي ياگۋب مىنانى ءبىلدىردى: حاڭجوۋ ازيا سپورت جارىسىنىڭ باستالۋ سالتى جۇڭگونىڭ ءداستۇرلى مادەنيەتى مەن وسى زامانعى عىلىم - تەحنيكانى ءوزارا ۇشتاستىرىپ، جۇڭگونىڭ وزگەشە ەرەكشەلىككە يە تاريحي قۇرىلىستارى مەن چاڭجياڭ وزەنىنىڭ وڭتۇستىگىندەگى كورىنىستەردى ايگىلەدى، ءوزىم كورىنىس سالتاناتىنان يگىلىكتەنۋمەن بىرگە، جۇڭگونىڭ ءداستۇرلى مادەنيەتى جونىندەگى تۇسىنىگىم ونان ارى تەرەڭدەدى.
ازيا سپورت جارىسى ازيا حالقىنىڭ بەيبىتشىلىك، ىنتىماق، باۋىرمالدىق جونىندەگى تاماشا تالپىنىسىن ارقالاپ وتىر. حاڭجوۋ ازيا سپورت جارىسىنىڭ ”كوڭىلدەردى توعىستىرۋ، بولاشاققا ماحاببات“ دەگەن ۇرانى ”ءتىپتى دە تەز، ءتىپتى دە بيىك، ءتىپتى دە كۇشتى“ دەگەن وليمپيادا اقىلياسىمەن بارىنشا قابىسىپ، تاماشا ارمان ارقالاپ وتىر.
باستالۋ سالتىنىڭ ”ازيادان كوتەرىلگەن تولقىن“ تاقىرىبى ادامدارعا تەرەڭ اسەر قالدىردى. حاڭجوۋ ازيا سپورت جارىسىنىڭ باستالۋ سالتىنداعى ماقالا باس جەتەكشىسى لىڭ سۇڭ بىلاي دەپ تانىستىردى: سۋ − وركەنيەتتىڭ قاينار كوزى، حاڭجوۋ − سۋمەن ومىرگە كەلگەن، سۋمەن وركەندەگەن قالا، باستالۋ سالتى تولقىندى تاقىرىپ ەتىپ، سۋمەن تۇتاسىپ، تولقىنمەن ىلگەرىلەپ، سەنىمدى، سۇيىكتى، قادىرلى جۇڭگو وبرازىن ايگىلەپ، جاڭا داۋىردەگى جۇڭگونىڭ ازيامەن جانە دۇنيە جۇزىمەن توعىسىپ، بىتە قايناسۋىن كورسەتتى.
ورتالىق مۋزىكا شۋەيۋانىنىڭ پروفەسسورى يۋان شا مەن جىجياڭنىڭ بايحۋا يۋەجۇي تەاترحاناسىنان كەلگەن 90 - جىلداردىڭ تۇلەگى، ارتيست ۋاڭ جوۋگى باستالۋ سالتىنداعى «مەملەكەت سالت - ساناسىن جىرلاۋ» ادەبيەت - كوركەمونەر كونسەرتىنە قاتىناستى. يۋان شا مىنانى ءبىلدىردى: ”مەن ورىنداعان شەرەر كۇيلەرىنىڭ ازيا، ءتىپتى، دۇنيە ءجۇزى حالقىنا جۇڭحۋانىڭ تاڭداۋلى ءداستۇرلى مادەنيەتىنىڭ قۇدىرەتىن سەزىندىرۋىن ءۇمىت ەتەمىن“. ۋاڭ جوۋگى: ”وسى رەتكى ازيا سپورت جارىسىنىڭ سالتاناتتى جينالىسىنا قاتىناسۋىمىز − يۋەجۇي ارتيستەرىنىڭ كوركەمونەرمەن شۇعىلدانۋىنداعى ماقتانىشى، ءبىزدىڭ مادەنيەت سەنىمىمىزدى كۇشەيتتى“ دەدى.
حاڭجوۋدىڭ ۇلكەندى - كىشىلى كوشەلەرىن ارالاساڭىز، كەز كەلگەن جەردەن كورىنەتىن ازيا سپورت جارىسىنىڭ قۇت بەلگىسى ”جياڭنانعا ساعىنىش“ ەرەكشە قارسى الۋعا بولەنىپ، جۇڭگولىق، شەتەلدىك ساياحاتشىلار ەستەلىك بۇيىمداردى تالاسا - تارماسا ساتىپ الىپ، ونىمەن بىرگە ەستەلىك سۋرەتكە ءتۇستى. ازيا سپورت جارىسىنىڭ قۇت بەلگىسىنىڭ نەگىزگى جوبالاۋشىسى، جۇڭگو اسەمونەر شۋەيۋانىنىڭ وقىتۋشىسى جاڭ ۋىن بىلاي دەدى: ”قۇت بەلگىسى ارقىلى ءبىزدىڭ ەڭ تاماشا ارمانىمىزدى بەينەلەپ، وسى قالاعا تاماشا مادەنيەت ەستەمەسىن قالدىرۋدى ءۇمىت ەتەمىن“.
ازيا سپورت جارىسى دەنەتاربيە مەن مادەنيەتتىڭ ءوزارا توعىسۋىنا ساحنا ازىرلەدى، بۇل − ازيا مادەنيەتىنىڭ ءتۇرلى جاقتاردى تولىق قامتۋىنىڭ، كوپتىڭ ارتىقشىلىعىن قابىلداۋىنىڭ، ومىرشەڭدىككە تولى بولۋىنىڭ جاندى كارتيناسى. لياڭجوۋ بايىرعى قالاسى ەسكى جۇرتىنىڭ ”وركەنيەت ساۋلەسى“ ازيانىڭ ۇلى ىنتىماعىنىڭ سيمۆولى بولعان دەنەتاربيە الاۋىن تۇتاندىردى، تاريحى ۇزاق جۇڭحۋا وركەنيەتى مەن اسقاق سەزىمگە تولى دەنەتاربيە سالتاناتى ءوزارا توعىسىپ ساۋلە شاشتى.
باستالۋ سالتىندا مالتاۋ سپورتشىسى، وليمپيادا چەمپيونى ۋاڭ شۇن ەڭ سوڭعى الاۋشى رەتىندە ”سيفرلى الاۋگەرمەن“ بىرگە ”چيانتاڭ وزەنى جوڭكىلدى“ نەگىزگى الاۋ مۇناراسىن تۇتاندىرىپ، ازيا سپورت جارىسىنىڭ قاسيەتتى الاۋىن مازداتتى. سول ساتتە ونىڭ كوڭىلى كولدەي تولقىپ، كوپكە دەيىن تىنىشتالا المادى. ۋاڭ شۇن: ”ازيا سپورت جارىسى باسەكە ساحناسى عانا ەمەس، ونان دا ماڭىزدىسى، بەيبىتشىلىكتى، ىنتىماقتى، سيىسىمدى بولۋدى جەبەيتىن ماڭىزدى تۇعىر. جارىستا ءبىز ءارقايسى ۋاكىلدەر ۇيىرمەسىندەگى شەبەرلەرمەن كۇش سىناسىپ، دوستقتى كۇشەيتەمىز“ دەدى.
جىجياڭ پەداگوگيكا داشۋەسىنەن كەلگەن ەرىكتى جاڭ زىجيڭ بىلاي دەدى: ”جاس وركەن“ سالاۋاتىمەن وسى رەتكى ازيا سپورت جارىسىنىڭ سالتاناتتى جينالىسىنا قاتىناسقانىمدى ماقتانىش سەزىنەمىن. ”جارىس باستالىپ كەتكەن فۋتبول الاڭىندا كورەرمەندەردىڭ قىزعىندىلىعى وتە جوعارى بولىپ، سپورتشىلاردىڭ شابىتى شالقىدى. سپورتشىلار دوپ كىرگەننەن كەيىن، كورەرمەندەر تۇرعان ورىنداعى دوپ اۋەسكەرلەرىمەن سالەمدەسەدى، سونداي - اق كوپشىلىككە باس ءيىپ، قول بۇلعاددى، ءبىز دە سپورتشىلارعا قول بۇلعادىق. كوپشىلىكتىڭ دوستىق ىقپالداستىعى، شاتتىعى ماعان ازيا سپورت جارىسى ۇلى شاڭىراعىنىڭ مادەنيەت توعىسۋى مەن شىنايى دوستىعىن سەزىندىردى“.
”بورىش ارقالاۋدا، كۇرەس جۇرگىزۋدە مەن بارمىن“ دەيتىن جاۋاپكەرلىك ارقالاپ، قايسارلىقپەن سايىسىپ، وزىنەن اسىپ، وتانعا داڭق اپەرەمىز
ازيا وڭىرىندەگى كولەمى ەڭ ۇلكەن امبەباپ سپورت جارىسى رەتىندە ازيا سپورت جارىسى دەنەتاربيە رۋحىن اسقاقتاتىپ، ازيا كەلبەتىن ايگىلەپ، دوستىقتى، ىنتىماقتى جەبەپ، ازيا ءوڭىرىنىڭ باسەكەلىك سپورت ورەسىن ۇزدىكسىز جوعارىلاتادى. وسى كەزەكتى ازيا سپورت جارىسىنا تىزىمدەلۋ كولەمى، ءتۇرى تۇگەلدەي تاريحتاعى ەڭ جوعارى دەڭگەيگە جەتىپ، ازيا حالقىنىڭ حاڭجوۋداعى ازيا سپورت جارىسىنا دەگەن شىنايى تىلەگى مەن باتىل قولداۋىن ايگىلەدى.
ازيا سپورت جارىسى − سپورت جارىسىنىڭ ساحناسى، دەنەتاربيە ساڭلاقتارىنىڭ كۇرەس جاساپ، ناتيجەلەرىن جاڭالايتىن تۇعىرى.
تاق - تۇق دوپ سپورتشىسى، وليمپيادا چەمپيونى سۇن يىڭشا باستالۋ سالتىندا سپورتشىلار ۋاكىلدەرىنىڭ ءبىرى رەتىندە سەرت بەردى، ول قاتتى اسەرلەندى. ”وسىنداي ۇلى مەملەكەتتە تۋىپ، ەڭ تاماشا داۋىردە ەسەيىپ - ەرجەتكەنىمدى ماقتانىش سەزىنەمىن“. سۇن يىڭشا بىلاي دەدى: ”ءبىز جارىس بارىسىندا وليمپيادا رۋحى مەن جۇڭحۋا دەنەتاربيە رۋحىن بارىنشا ساۋلەلەندىرىپ، وتان مەن حالىققا جاستىق كوكتەمىمىز بەن كۇش - قۋاتىمىزدى ارناۋىمىز كەرەك“.
9 – ايدىڭ 24 - كۇنى اياقتاعان جارىس قايىعىنىڭ ايەلدەر جەڭىل دارەجەدەگى قوس ەسكەك شەشۋشى جارىسىندا جۇڭگو دەنەتاربيە ۋاكىلدەر ۇيىرمەسىندەگى زوۋ جياچي، چيۋ شيۋپيڭ مۇلدەم باسىمدىقپەن اعا جۇلدەگەر بولىپ، وسى كەزەكتى ازيا دەنەتاربيە جارىسىنىڭ تۇڭعىش التىن مەدالىن الىپ، جاقسى ناتيجە جاراتۋعا جول اشتى. جارىستان كەيىن ەكى جاس سپورتشى قاتتى اسەرلەندى. زوۋ جياچي بىلاي دەدى: ءبىز جارىس الاڭىندا تۇرمىز، ءاربىر جارىستا تۇگەلدەي بار كۇشىمىزدى سالىپ، قايسارلىقپەن سايىسىپ، تاماشا ناتيجە جاراتۋعا قۇلشىنىپ، وتانعا داڭق اپەرىپ، ءومىر جولىمىزدى نۇرلاندىرۋىمىز كەرەك“. چيۋ شيۋپيڭ بىلاي دەدى: وسى رەت اعا جۇلدەگەر بولۋىمىز سەنىمىمىزدى ونان ارى تاسقىنداتتى. بولاشاقتا ءبىز ءتىپتى دە قاجىرلىلىقپەن جاتتىعىپ، تىڭعىلىقتى ىستەپ، باسەكە الاڭىندا جاڭا ۇرپاق جۇڭگو جاستارىنىڭ رۋحاني بەت - بەينەسىن ايگىلەۋىمىز كەرەك“.
مەملەكەتتىك دەنەتاربيە باس مەكەمەسى كوتەرگى كوتەرۋ، كۇرەس، رۋداۋ سپورتىن باسقارۋ ورتالىعى پارتكومىنىڭ شۋجيى بي دۇڭحاي مىنانى ءبىلدىردى: جۇڭگو كوتەرگى كوتەرۋ كومانداسى كوتەرگى كوتەرۋ دۇنيە جۇزىلىك جۇلدەلى جارىسىن ەندى عانا اياقتاتقاننان كەيىن ازيا سپورت جارىسىنا قاتىناسىپ وتىر، وسىنداي قىسقا ۋاقىت ىشىندە ماڭىزدى جارىسقا ءۇرتىس قاتىناسۋ جۇڭگو جونىنەن تۇڭعىش رەت بولدى. ”كوماندا مۇشەلەرىنىڭ دەنە سالماعىن ۇزدىكسىز تومەندەتۋى، دەنە قۋاتىن قالپىنا كەلتىرۋى، جاراقاتتانۋدان، اۋرۋدان ساقتانۋى قاجەت، ءبىز، ءسوز جوق، اسقاق جىگەردى ساقتاپ، قاجىرلىلىقپەن جاتتىعىپ، ازيا سپورت جارىسىنىڭ جارىس الاڭىندا جاڭا شەككە سايىس جاريالايمىز“.
جۇڭگو جارتاسقا ورمەلەۋ كومانداسىنىڭ جەتەكشىسى ۋاڭ يۇنلۇڭ مىنانى ءبىلدىردى: كوماندا مۇشەلەرى قارقىن نىسانى جاعىندا بار كۇشپەن سايىسىپ، تىڭ ناتيجەگە قول جەتكىزۋگە قۇلشىنادى. سونىمەن قاتار، جارىسقا قاتىناساتىن ءارقايسى كوماندامەن دوستىق اۋىس - كۇيىس بارىسىندا تۇسىنىستىكتى ارتتىرىپ، سپورتتى دامىتۋدىڭ اناعۇرلىم كوپ وڭ ەنەرگياسىن توپتايدى“.
جىجياڭ ولكەسىنىڭ حاڭجوۋ قالاسىندا تۋىلعان تور دوپ سپورتشىسى ۋ ي - بيڭ ازيا سپورت جارىسىنا ەكىنشى رەت قاتىناسىپ وتىر، وسى كەزەكتى ازيا سپورت جارىسىنىڭ ەرلەر جەكە جارىسى مەن ەرلەر قوس كىسىلىك جارىسىنا قاتىناسادى. ”تۋعان جەرىمە قايتىپ كەلىپ جارىسقا قاتىناسقانىمدى ەرەكشە ماقتانىش سەزىنەمىن. قىسىم بولعانىمەن، مەن وسى رەتكى جارىستى تولىق تاماشالاي الامىن، كوپشىلىكتىڭ حاڭجوۋدا تاماشا ەستەمە قالدىرۋىن ءۇمىت ەتەمىن“. ۋ ي – بيڭ بىلاي دەدى: ”وسى داۋىردەگى ءبىز جاستار داڭقتى بورىش ارقالاپ وتىرمىز. نىسانا بولسا اتوي سالۋعا، ارمان بولسا قۋۋعا باتىلدىق ەتەمىز، جاس سپورتشى بولعان بىزدەر، ءسوز جوق، ازيا سپورت جارىسىنىڭ ساحناسىندا ونەرىمىزدى بارىنشا ايگىلەپ، وتانعا اناعۇرلىم كوپ داڭق اپەرەمىز“.
وسى كەزەكتى ازيا سپورت جارىسى باستالعاننان بەرى جۇڭگو كومانداسىنىڭ سپورتشىلارى كوپ بوداۋ بەرىپ، ”سپورت ناتيجەسى مەن رۋحاني وركەنيەتتە بىردەي مول تابىسقا جەتۋ“ نىساناسىن جۇزەگە اسىرۋ جولىندا قۇلشىنا العا باستى. ”بورىش يىعىمىزعا ارقالاندى، كۇرەس جۇرگىزۋدە مەن بارمىن“ دەيتىن جاۋاپكەرلىكپەن مىندەت ارقالاپ، قايسارلىقپەن سايىسىپ، وزىمىزدەن اسىپ ءتۇسىپ، وتانعا داڭق اپەرسەك، دۇنيە جۇزىنە، ءسوز جوق، جۇڭگو ۇلگىسىندەگى وسىزامانداندىرۋدىڭ دەنەتاربيە امالياتىنىڭ قۇدىرەتتى كۇشىن ايگىلەپ، ازيانىڭ جانە حالىقارانىڭ وليمپيادا سپورتىنىڭ دامۋىنا تىڭ ۇلەس قوسا الامىز.
(«حالىق گازەتىنىڭ» تىلشىلەرى ما جيان، جياڭ نان، دوۋ حاۋ، دوۋ حانياڭ، جاۋ مىڭياڭ، لي شو، سۇن لۇڭفەي، لي شين - ي، جىڭ ي، لي ياڭ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
