شي جينپيڭ دۇنيە جۇزىلىك باياندى قاتىناس جوعارى دارەجەلىلەر تالقى مىنبەرىنە قۇتتىقتاۋ حاتىن جولدادى
2023.09.26 16:22 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 25 – كۇنى، بەيجيڭ. 9 - ايدىڭ 25 - كۇنى مەملەكەت ءتوراعاسى شي جينپيڭ دۇنيە جۇزىلىك باياندى قاتىناس جوعارى دارەجەلىلەر تالقى مىنبەرىنە قۇتتىقتاۋ حاتىن جولدادى.
شي جينپيڭ بىلاي دەپ اتاپ كورسەتتى: حاۋىپسىز، قولايلى، جوعارى ءونىمدى، جاسىل، ۇنەمدى، سيىسىمدى، سەرپىمدى باياندى قاتىناس جۇيەسىن ورناتۋ − ەكونوميكانىڭ، قوعامنىڭ ساپالى دامۋىنا تىرەك بولىپ، قىزمەت وتەۋدەگى، ”ادام ءوز ساپارىنان يگىلىكتەنۋ، زات ىركىلىسسىز جەتكىزىلۋ“ تاماشا ارمانىن جۇزەگە اسىرۋداعى ماڭىزدى شارا. جۇڭگو قازىر قاتىناس جاعىندا قۋاتتى ەل قۇرۋدى جەدەلدەتۋدە، دۇنيە جۇزىمەن توعىسۋدا، داۋىرمەن توعىسۋدا ۇزدىكسىز تاباندى بولىپ، دۇنيە جۇزىلىك قاتىناس سەلبەستىگىن ىلگەرىلەتۋگە كۇش سالىپ، وزىندىك دامۋ ارقىلى دۇنيە جۇزىنە جاڭا وراي ازىرلەيدى. جۇڭگو دۇنيە جۇزىندەگى ءار ەلمەن بىرگە اقىلداسۋ، بىرگە قۇرۋ، بىرگە يگىلىكتەنۋ ۇستانىمىنان جازباي، باياندى قاتىناستىڭ دامۋ جەتىستىكتەرىنىڭ دۇنيە جۇزىندەگى ءار ەل حالقىنا اناعۇرلىم ويداعىداي باقىت جەتكىزۋىنە مۇمكىندىك جاساپ، دۇنيە جۇزىلىك دامۋ باستاماسىن تياناقتاندىرۋعا، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ نىساناسىن جۇزەگە اسىرۋعا، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە بەلسەندى ۇلەس قوسۋدى قالايدى.
دۇنيە جۇزىلىك باياندى قاتىناس جوعارى دارەجەلىلەر تالقى مىنبەرىنىڭ تاقىرىبى ”باياندى قاتىناس: قول ۇستاسا سەلبەسىپ، دۇنيە جۇزىلىك دامۋعا دەم بەرەيىك“ بولدى، قاتىناس - تاسىمال مينيسترلىگى باس بولىپ وتكىزدى، 9 - ايدىڭ 25 - كۇنى بەيجيڭدە اشىلدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
