2023 - جىلى ساۋدا ورتاسىن جاقسارتۋ جونىندە تاجىريبە الماستىرۋ ءماجىلىسى ىشكى موڭعۇلدىڭ وردوس قالاسىندا وتكىزىلدى
2023.09.26 16:37 كەلۋ قاينارى : حالىق تورابى
 |
سۋرەتتە: ماجىلىستەن كورىنىس. حالىق تورابى ليۋ يلين فوتوسى
|
حالىق تورابىنىڭ 9 - ايدىڭ 22 - كۇنى وردوستان بەرگەن حابارى (لين يلين، كوۋ يانان) 9 - ايدىڭ 22 - كۇنى، حالىق تورابى، ىشكى موڭعۇل اۆتونوميالى رايوندىق دامۋ جانە رەفورما كوميتەتى، وردوس قالالىق حالىق ۇكىمەتى بىرگە ۇيىمداستىرعان 2023 - جىلعى ساۋدا ورتاسىن جاقسارتۋ جونىندە تاجىريبە الماستىرۋ ءماجىلىسى ىشكى موڭعۇلدىڭ وردوس قالاسىندا اشىلدى. بۇكىل ەلىمىزدىڭ كوپ جەرىنەن كەلگەن ساۋدا ورتاسىن جاقسارتۋ سالاسىنداعى قاتىستى باسشىلار، ماماندار مەن وقىمىستىلار اۋىس - كۇيىس ماجىلىسىنە قاتىناسىپ، ساۋدا ورتاسىن جاقسارتۋ جاعىنداعى جاڭا مەحانيزم، جاڭا جول، جاڭا فورما تۋرالى تالقى وتكىزدى جانە ىزدەنىس جاسادى.
جۇڭگو ساياسات عىلىمىن زەرتتەۋ قوعامىنىڭ باستىعى، حالىق گازەتى مەكەمەسىنىڭ بۇرىنعى ورىنباسار باس رەداكتورى ما لي، حالىق تورابىنىڭ القالار باستىعى، باس ديرەكتورى يە جىنجىن، ىشكى موڭعۇل اۆتونوميالى رايوندىق پارتكوم ۇگىت ءبولىمىنىڭ ۇنەمىلىك ىستەرگە جاۋاپتى ورىنباسار باستىعى، اقپارات - باسپا ءسوز مەكەمەسىنىڭ (باسپا ۇقىعى مەكەمەسى) باستىعى فۋ لەي، وردوس قالالىق پارتكومنىڭ شۋجيى لي لي، وردوس قالالىق پارتكومنىڭ ورىنباسار شۋجيى، قالا باستىعى دۋ حۇيلياڭ، ىشكى موڭعۇل اۆتونوميالى رايوندىق حالىق ۇكىمەتىنىڭ ورىنباسار باس حاتشىسى جاڭ يىڭسۇن، ىشكى موڭعۇل اۆتونوميالى رايوندىق دامۋ - رەفورما كوميتەتىنىڭ ورىنباسار مەڭگەرۋشىسى ما ۋىن ماجىلىسكە قاتىناستى.
ما لي ءسوز كەزەگىندە بىلاي دەدى: تاماشا ساۋدا ورتاسى قۇر سوزبەن ەمەس، قۇلشىنۋمەن كەلەدى. وسى رەتكى ءماجىلىستى اشۋدىڭ ءمانى — جان - جاقتى پىكىر الماستىرۋ، ساۋدا ورتاسىن جاقسارتۋ قىزمەتىندەگى تاجىريبەلەر مەن ساباقتاردى قورىتىندىلاۋ، كوزقاراستار مەن ادىستەردى، جاڭاشا قىزمەت مەحانيزمدەرىن ءوزارا سالىستىرۋ، جالپىلاستىرۋعا بولاتىن ءونىمدى تاجىريبەلەردى ىشكەرىلەي قالىپتاستىرۋ. تاماشا ساۋدا ورتاسىنىڭ ءوزى وندىرگىش كۇش، باسەكەلىك قۋات سانالادى. ءماجىلىستىڭ جاڭا ونىمدىلىككە جەتۋىن، جاڭا وي جەلىسىن رەتتەپ شىعۋىن، جاڭا جول اشۋىن، ۋاقىت كۇتىپ تۇرمايدى دەگەن تەبىنمەن جانە تاباندىلىقپەن قىزمەت وتەۋ سىندى پوزيتسيامەن، شىنايى دا ساپالى، جايلى ساۋدا ورتاسىمەن بازار نەگىزگى تۇلعالارىنىڭ ومىرشەڭدىك قۋاتى مەن ەنەرگياسىن تاسقىنداتىپ، ەكونوميكانىڭ ۇزدىكسىز، ورنىقتى ارتۋىن جانە جوعارى ساپالى دامۋىن ىلگەرىلەتۋگە اناعۇرلىم پارمەندى كەپىلدىك ازىرلەۋىن ءۇمىت ەتەمىز.
يە جىنجىن ءسوز كەزەگىندە بىلاي دەدى: حالىق تورابى — ”ينتەرنەتتەگى حالىق گازەتى“ جوعارىدا پارتيا جۇرەگىن، تومەندە حالىق تىلەگىن توعىستىرۋ سىندى قىزمەتتىك جاۋاپكەرشىلىك پەن بورىشتى ارقالايدى، وسى رەتكى قيمىل ارقىلى جەر - جەردىڭ ساۋدا ورتاسىن جاقسارتۋ جاعىنداعى تاجىريبەلەرى مەن جەتىستىكتەرىن ىشكەرىلەي اشىپ، بازارلاندىرىلعان، زاڭمەن جونگە سالىناتىن، حالىقارالانعان ماڭداي الدى ساۋدا ورتاسىن قالىپتاستىرۋعا بىرگە دەم بەرۋدى ءۇمىت ەتەمىز.
دۋ حۇيلياڭ ءسوز كەزەگىندە بىلاي دەدى: وسى رەتكى ءماجىلىستى وراي ەتىپ، وردوس قالاسى اناعۇرلىم وسكەلەڭ تۇرعىدان ساۋدا ورتاسىن جاقسارتىپ، بازارلاندىرۋ، زاڭمەن جونگە سالۋ، حالىقارالاندىرۋ نىساناسىن تىعىز توڭىرەكتەي وتىرىپ، ساۋدا ورتاسىن جاقسارتۋدان قامال الۋدى، ناتيجەلەرگە قول جەتكىزۋدى ۇزدىكسىز ورىستەتىپ، 3 تە 5 جىل قۇلشىنىس جاساۋ ارقىلى ءارقايسى كورسەتكىشتەردى تۇگەلدەي مەملەكەتتىك ۇزدىك دەڭگەيگە جەتكىزىپ، بۇكىل قالانىڭ ساۋدا ورتاسىن بۇكىل ەلىمىز بويىنشا ماڭداي الدى ورەگە جەتكىزۋدى ورىندايدى؛ اناعۇرلىم زور تەبىنمەن جاڭا جول اشىپ، كورسەتكىشتەردى ۇزدىكتەرمەن ىرىقتىلىقپەن سالىستىرىپ، مۇقيات ۇيرەنىپ، ۇلگى الىپ، باتىلدىقپەن رەفورما جاساپ، جاڭالىق اشىپ، ءارقايسى كاسىپتەردەگى، ءارقايسى سالالارداعى قىزمەتتەردىڭ بۇكىل ەلىمىزدىڭ الدىڭعى قاتارىنان كورىنۋىن كۇش سالا ىلگەرىلەتىپ، اناعۇرلىم مول وردوس تاجىريبەسىن جاراتۋعا قۇلشىنىپ، وردوستىڭ ماركاسىن جاپپاي جارىققا شىعارادى؛ اناعۇرلىم شىنايى شارالاردى قولدانۋ ارقىلى الدىڭعى قاتارعا ءوتىپ، ەلىمىز بويىنشا ماڭداي الدى ساۋدا ورتاسىن جاراتۋ قىزمەتىن جەدەل ىلگەرىلەتىپ، ەكونوميكانىڭ جالپى مولشەرىن ۇزدىكسىز ۇلعايتىپ، دامۋ ساپاسىن جوعارىلاتىپ، دامۋ قۋاتىنىڭ دارەجەسىن جوعارىلاتىپ، بەس جىل ىشىندە تريلليون يۋاندىق GDP مولشەرىنە يە قالالار قاتارىنا كىرۋگە، ەلىمىز بويىنشا 30 مىقتى ايماق دارەجەلى قالالار قاتارىنا كىرۋگە كۇش سالادى.
ما ۋىن بىلاي دەدى: ىشكى موڭعۇل اۆتونوميالى رايونى ساۋدا ورتاسىن بازارلاندىرۋدى، زاڭمەن جونگە سالۋدى، حالىقارالاندىرۋدى ساۋدا ورتاسىن جاقسارتۋداعى نىسانا ەتۋگە باستان - اياق تاباندى بولىپ، قازىرگى جاعدايدى تياناق ەتىپ، بولاشاققا كوز تاستاپ، ”ۇزدىكسىز اتقارۋ، توقتاتىپ قويماۋ“ سىندى پرينسيپكە ساي ساۋدا ورتاسىن ۇزدىكسىز جاقسارتتى. ىشكى - سىرتقى وزگەرىستەر اۆتونوميالى رايوننىڭ ساۋدا ورتاسىن جاقسارتۋعا جاڭا تالاپتاردى ورتاعا قويدى. ىشكى موڭعۇل كاسىپورىندارعا ساياتىن قىزمەت وتەۋدى جۇيەلىلەندىرۋدى، جوعارى ونىمدىلىككە جەتكىزۋدى، قولايلىلاندىرۋدى ىشكەرىلەي ىلگەرىلەتىپ، بازاردى باقىلاۋ - باسقارۋ جانە زاڭمەن جونگە سالۋدى قورعاۋ ورەسىن اناعۇرلىم كۇشەيتىپ، ساۋداگەر شاقىرىپ، قارجى ەنگىزۋ جانە دارىندىلاردى شوعىرلاندىرۋدى اناعۇرلىم جەدەلدەتەدى.
تاجىريبە اۋىستىرۋ ماجىلىسىندە حالىق تورابىنىڭ ”ساۋدا ورتاسىن جاقسارتىپ، بازاردىڭ ومىرشەڭدىك كۇشىن قاۋلاتۋ“ جونىندەگى پىكىرى مەن ۇسىنىسىن جيناۋدىڭ ىشكى موڭعۇل ارناسى رەسمي ىسكە قوسىلدى؛ حالىق تورابى ىشكى موڭعۇل بولىمشە سەرىكتەستىگىنىڭ ورىنباسار باس ديرەكتورى باي جيانپيڭ ”2023 – جىلعى ساۋدا ورتاسىن جاقسارتۋ جونىندەگى مىسالداردى جيناۋداعى“ تيپتىك مىسالداردى جاريالادى؛ حالىق تورابىنىڭ ينتەرنەتتەگى بۇقارالىق قىزمەت ءبولىمىنىڭ مەڭگەرۋشىسى ياڭ جيا «نازاردى كاسىپورىنداردىڭ شۇعىل، قيىن، الاڭداۋلى، ٴزارۋ ماسەلەلەرىنە شوعىرلاندىرىپ، ۇكىمەت پەن كاسىپورىننىڭ قارىم ـ قاتىناس كوپىرىن سالۋ — حالىق تورابىنىڭ ”باسشىلارعا ءسوز قالدىرۋ تاقتاسىنداعى“ ساۋدا ورتاسىنا قاتىستى سوزدەرگە تالداۋ جاساۋ بايانداماسىن» جاريالادى؛ حالىق تورابى زەرتتەۋ ورنىنىڭ زەرتتەۋشىسى لياۋ سانلياڭ «2023 - جىلعى ىشكى موڭعۇل اۆتونوميالى رايونىنىڭ ساۋدا ورتاسىن جاقسارتۋ جونىندەگى باقىلاۋ بايانداماسىن» جاريالادى.
ماجىلىستە وردوس قالالىق پارتكومنىڭ تۇراقتى مۇشەسى، ورىنباسار قالا باستىعى سۋ سۇيفاڭ، شاڭحاي قالاسى باۋشان رايوندىق پارتكوم ۇيىمداستىرۋ ءبولىمىنىڭ ورىنباسار باستىعى ۋي ميڭ، بەيجيڭ قالاسى فىڭتاي رايوندىق دامۋ جانە رەفورما كوميتەتىنىڭ ورىنباسار مەڭگەرۋشىسى يان پىڭ، چاڭچۇن قالاسى چاڭچۇن جاڭا رايوندىق اكىمشىلىك ىستەر مەكەمەسىنىڭ باستىعى شۇي گۋاڭشين جەكە ـ جەكە ساۋدا ورتاسىن جاقسارتۋ جاعىنداعى تيپتىك مىسالدار جونىندە ءسوز سويلەدى.
سول كۇنى تۇستەن كەيىن مامانداردىڭ ارقاۋ لەكسياسى وتكىزىلدى. مەملەكەتتىك كەڭەس دامۋدى زەرتتەۋ ورتالىعىنىڭ اعا زەرتتەۋشىسى لي گوچياڭ، مەملەكەتتىك بازار باقىلاۋ - باسقارۋ باس مەكەمەسى دامۋدى زەرتتەۋ ورتالىعى ماكرولىق جانە زاڭ – ءتۇزىمدى زەرتتەۋ ءبولىمىنىڭ ورىنباسار مەڭگەرۋشىسى ۋاڭ چۇنيان، شاڭحاي قوعامدىق عىلىمدار اكادەمياسى قالا ەكونوميكاسىن زەرتتەۋ ورتالىعىنىڭ ورىنباسار مەڭگەرۋشىسى ۋ جيڭيۋ، جىجياڭ قالا مەن اۋىلدىڭ توعىسپالى دامۋىن زەرتتەۋ ورتالىعىنىڭ باستىعى حۋاڭ باۋليان، گۋاڭجوۋ قالالىق قوعامدىق عىلىمدار اكادەمياسىنىڭ ورىنباسار باستىعى ۋ چيڭ، تيانجين پەداگوگيكا داشۋەسى مەملەكەتتىك جونگە سالۋدى زەرتتەۋ ورنىنىڭ پروفەسسورى سۇڭ لينلين، جۇڭگو عىلىم اكادەمياسى جاعراپيا عىلىمى جانە بايلىقتى زەرتتەۋ ورنىنىڭ پروفەسسورى جين چۋان قاتارلىلار تيجارات ـ ساۋدا ورتاسىن جاقسارتۋدى ارقاۋ ەتە وتىرىپ ارقاۋ ءسوز سويلەدى.
ساۋدا ورتاسى ساۋدا سۋبيەكتىنىڭ بەلسەندىلىگى مەن يكەمدىلىگىنە، بايلىق فاكتورىنىڭ جىلجىمالىلىعى مەن شوعىرلانۋ دارەجەسىنە تىكەلەي قاتىستى، بەلگى سيپاتقا، جالپىلىق سيپاتقا يە ءىس، وڭىرلىك ەكونوميكانىڭ ومىرشەڭدىك قۋاتىن جوعارىلاتۋدا، ەكونوميكانىڭ ارتۋ قوزعاۋشى كۇشىن كۇشەيتۋدە كەلەلى ماڭىز الادى.
سوڭعى جىلداردان بەرى ىشكى موڭعۇل اۆتونوميالى رايونى ساۋدا ورتاسىن جاقسارتۋدا كورنەكتى ونىمدىلىككە قول جەتكىزدى. اۆتونوميالى رايوننىڭ ءوز دارەجەسىندەگى اكىمشىلىك ۇقىق ىستەرىنىڭ %71 ى قىسقارتىلىپ، كاسىپورىندارعا ساياتىن شارۋاشىلىق جۇرگىزۋگە رۇقسات ەتۋ ىستەرى تۇگەلدەي تىزىمدىك بويىنشا باسقارىلدى، كاسىپورىن اشۋ ۋاقىتى ”ءبىر كۇندە عانا بىتىرۋگە“ قىسقارتىلدى؛ اۆتونوميالى رايوننىڭ ينتەرنەت ارقىلى جۇمىس ءبىتىرۋ مولشەرى %83.6 كە جەتتى؛ ”ينتەرنەت + باقىلاۋ ـ باسقارۋ“ جۇيەسىن كەمەلدەندىرىپ، ”ءبىر جەلىدە ءبىرتۇتاس باسقارۋ“ قۇرىلىسىن باستادى؛ ۇكىمەتتىڭ سەنىمسىزدىك ارەكەتتەرىن رەتتەۋ ـ جونگە سالۋ ارەكەتىن ورىستەتىپ، ورتاشا، شاعىن كاسىپورىنداردىڭ كەشەۋىلدەتىلگەن 110 ميلليارد يۋاننان استام اقشاسىن قايتارىپ بولدى.
جۋىق جىلداردان بەرى وردوس قالاسى ”جىلى قالا“ وبىراز ماركاسى مەن ”بەس جۇرەك“ ساۋدا ورتاسى ماركاسىن جاپپاي ىسكە قوسىپ، مەملەكەتتىك ولشەمگە تۋرالانىپ، ساۋدا ورتاسىنىڭ 1.0 دەن 4.0 گە رەفورمالاپ، مىڭعا تاياۋ رەفورما شارالارىن ىلگەرىلەتىپ، 22 ءتۇرلى باعالاۋ كورسەتكىشىنىڭ ىشىندە 19 ءتۇرلى كورسەتكىش بۇكىل رايون بويىنشا الدىڭعى قاتاردان ورىن الدى. ءۇرتىس 3 جىل اۆتونوميالى رايوننىڭ ساۋدا ورتاسىن باعالاۋدا ءبىرىنشى ورىندى يەلەدى.
كەلۋ قاينارى: حالىق تورابى
 |
سۋرەتتە: باستاۋ سالتى. حالىق تورابى ليۋ يلين فوتوسى
|
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
