شي جينپيڭ مادەنيەت يدەياسىن ىشكەرىلەي ۇيرەنەيىك، دايەكتىلەندىرەيىك
− مەملەكەتتىك ۇگىت، يدەيا، مادەنيەت قىزمەتى ءماجىلىسىنىڭ رۋحىن دايەكتىلەندىرۋ، تياناقتاندىرۋ جونىندە
«حالىق گازەتىنىڭ» شولۋشىسى
2023.10.11 15:56 كەلۋ قاينارى : حالىق تورابى
بارلىق ۇلى اماليات عىلمي نازاريانىڭ دۇرىس جەتەكشىلىگىنە مۇقتاج. ۇگىت، يدەيا، مادەنيەت قىزمەتى پارتيانىڭ بولاشاق تاعدىرىنا، مەملەكەتتىڭ باياندى تىنىشتىعىنا، ۇلتتىڭ ۇيىسقىشتىعى مەن باۋراۋ قۋاتىنا سايادى، ءسوز جوق، عىلمي نازاريانى جەتەكشى ەتىپ، نازاريالىق ويلاۋدى كۇشەيتىپ، پارتيانىڭ جاڭا داۋىردەگى مادەنيەت قۇرىلىسى جونىندەگى يدەيالىق، نازاريالىق جەتىستىكتەرىن ويداعىداي قورىتىندىلاپ، ويداعىداي پايدالانىپ، جاڭا داۋىردەگى جاڭا جورىقتاعى ۇگىت، يدەيا، مادەنيەت قىزمەتىنە اناعۇرلىم ويداعىداي جەتەكشىلىك ەتۋ كەرەك.
تاياۋدا باس شۋجي شي جينپيڭ ۇگىت، يدەيا، مادەنيەت قىزمەتى جونىندە ماڭىزدى نۇسقاۋ بەردى. باس شۋجي شي جينپيڭ جالپى جاعداي جانە ستراتەگيالىق تۇرعىدان پارتيا 18 - قۇرىلتايىنان بەرگى ۇگىت، يدەيا، مادەنيەت ىستەرىندە قول جەتكىزىلگەن تاريحي تابىستاردى تولىق تۇراقتاندىرىپ، ۇگىت، يدەيا، مادەنيەت قىزمەتىنىڭ ماڭىزدى ورنى مەن رولىن تەرەڭ پايىمداپ، پارتيا 20 - قۇرىلتايىنىڭ رۋحىن جاپپاي دايەكتىلەندىرۋگە، جاڭا مادەنيەت بورىشىن ارقالاۋعا، جاڭا داۋىردەگى ۇگىت، يدەيا، مادەنيەت قىزمەتىن ويداعىداي ىستەۋگە ايقىن تالاپ قويدى. باس شۋجي شي جينپيڭنىڭ ماڭىزدى نۇسقاۋى بيىكتە تۇرىپ الىستى بولجاعان، ەگجەي - تەگجەيلى، تەرەڭ ءارى اسا كۇشتى ساياسي سيپاتقا، يدەيالىق سيپاتقا، جەتەكشىلىك سيپاتقا يە، ۇگىت، يدەيا، مادەنيەت قىزمەتىن اناعۇرلىم ويداعىداي ىستەۋگە ايقىن بەتالىس كورسەتىپ بەردى.
10 – ايدىڭ 7 – كۇنىنەن 8 – كۇنىنە دەيىن مەملەكەتتىك ۇگىت، يدەيا، مادەنيەت قىزمەتى ءماجىلىسى بەيجيڭدە اشىلدى. بۇل _ پارتيا ورتالىق كوميتەتىنىڭ ۇيعارۋىمەن اشىلعان ءبىر رەتكى ماڭىزدى ءماجىلىس. بۇل رەتكى ءماجىلىستىڭ ەڭ ماڭىزدى تابىسى شي جينپيڭ مادەنيەت يدەياسىن رەسمي ورتاعا قويۋى جانە جۇيەلى پايىمداۋى بولدى، بۇل پارتيانىڭ ۇگىت، يدەيا، مادەنيەت ىستەرىنىڭ دامۋ تاريحىندا بەلەستىك مانگە يە.
مادەنيەت كوركەيسە، مەملەكەت كوركەيەدى، مادەنيەت كۇشەيسە، ۇلت قۇدىرەتتەنەدى. پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى ۇگىت، يدەيا، مادەنيەت قىزمەتىن ەل باسقارۋداعى ماڭىزدى ورىنعا قويىپ، ۇگىت، يدەيا، مادەنيەت قىزمەتى جونىندە ءبىرسىپىرا كەلەلى شەشىمدەر مەن ورنالاستىرۋلار جاساپ، يدەولوگيا سالاسىنىڭ اۋقىمىندا جالپى جاعدايلىق، ءتۇبىرلى بۇرىلىس جاساۋدى ىلگەرىلەتتى. جاڭا داۋىردەگى پارتيانىڭ جاڭالىق اشۋ نازارياسى جۇرت جۇرەگىنە تەرەڭ ۇيالاپ، سوتسياليستىك وزەكتى قۇن كوزقاراسى كەڭىنەن تارالىپ، جۇڭحۋانىڭ تاڭداۋلى ءداستۇرلى مادەنيەتىن جاسامپازدىقپەن كادەگە جاراتۋ، جاسامپازدىقپەن دامىتۋ ۇزدىكسىز ىلگەرىلەپ، مادەنيەت ىستەرى مەن مادەنيەت شارۋاشىلىعى كۇن سايىن گۇلدەنىپ، ينتەرنەت ەكولوگياسى ۇزدىكسىز جاقسارىپ، بۇكىل پارتيانىڭ، بۇكىل ەلدەگى ءار ۇلت حالقىنىڭ مادەنيەت سەنىمى كورنەكتى كۇشەيىپ، رۋحاني بەت - بەينەسى اناعۇرلىم اسقاقتادى، اناعۇرلىم كۇشتى تاريحي سانالىلىق پەن ىرىقتىلىق رۋحى تاسقىنداپ، جاڭا داۋىردەگى جۇڭگو دامۋىنىڭ ۇلى تاريحى مىعىم سەنىممەن ەسەلەپ جازىلۋدا. پارتيانىڭ 18 - قۇرىلتايىنان بەرى ۇگىت، يدەيا، مادەنيەت قىزمەتىندە تاريحي تابىستارعا قول جەتۋىندەگى ەڭ ءتۇبىرلى سەبەپ باس شۋجي شي جينپيڭنىڭ رول ۇستاپ، جول باستاۋىنان، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنەن بولدى.
تۋ ۇستاپ، باعدار بەلگىلەپ، جوبا - جوسپار جاساپ، ورنالاستىرۋ جاساپ، توركىنىن تۇزەپ، قاينارىن تازالاپ، تۋراشىلدىقتان تايماي جاڭالىق اشتى، باس شۋجي شي جينپيڭ دۇنيە ءجۇزى كولەمىندە يدەيا مەن مادەنيەتتىڭ ءوزارا تولقۋىن، ەلىمىزدىڭ قوعامدىق يدەيالىق كوزقاراسىنىڭ تەرەڭ وزگەرۋ بەتالىسىن ءداپ باسىپ يگەرىپ، ءبىرقىدىرۋ جاڭا يدەيا، جاڭا كوزقاراس، جاڭا تۇجىرىمداردى العا قويدى. جاڭا داۋىردەن بەرى ۇگىت، يدەيا، مادەنيەت قىزمەتىن ارقاۋ ەتىپ، پارتيا ورتالىق كوميتەتى اشقان ماجىلىستەردىڭ شوعىرلىلىعى، جاسالعان شەشىم، ورنالاستىرۋلاردىڭ جان - جاقتىلىعى، باس شۋجي شي جينپيڭنىڭ پايىمداۋىنىڭ باي مازمۇندى، جۇيەلىلىگى، تەرەڭ دە سالماقتىلىعى پارتيا تاريحىندا سيرەك كەزدەسەدى. باس شۋجي شي جينپيڭ ىلگەرىندى - كەيىندى 2 رەت مەملەكەتتىك ۇگىت - يدەيا قىزمەتى ماجىلىسىنە قاتىناسىپ، ادەبيەت - كوركەمونەر قىزمەتى، پارتيانىڭ اقپاراتتىق قوعامدىق پىكىر قىزمەتى، ينتەرنەت حاۋىپسىزدىگى جانە ينفورماتسيالاندىرۋ قىزمەتى، فيلوسوفيا - قوعامدىق عىلىمدار قىزمەتى، جوعارى مەكتەپتەردىڭ يدەيالىق - ساياسي قىزمەتى، مادەنيەتتى جالعاستىرۋ، دامىتۋ سياقتىلار جونىندە ءماجىلىس باسقارىپ اشتى ءارى ءبىرقىدىرۋ ماڭىزدى ءسوز سويلەدى. ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن، ورتالىق كوميتەت ساياسي بيۋروسىنىڭ ءماجىلىسىن تالاي رەت باسقارىپ اشىپ ۇگىت، يدەيا، مادەنيەت قىزمەتىن رەفورما جاساپ دامىتۋ جاعىنداعى ءبىرسىپىرا پلاندار مەن جوبالاردى قاراپ ماقۇلدادى، جەر - جەردە ءتۇرلى مادەنيەتكە مۇراگەرلىك ەتۋ، دامىتۋ نىساندارىن تەكسەردى ءارى ءبىرقىدىرۋ تالاپتاردى العا قويدى، كوپتەگەن كەلەلى حالىقارالىق ورىنداردا دۇنيە جۇزىلىك مادەنيەتتىڭ، وركەنيەتتىڭ دامۋى جانە اۋىس - كۇيىس جاساپ، ءوزارا ۇلگى الۋى جونىندەگى ءبىرقىدىرۋ جۇڭگو مايدانىن، جۇڭگو جوباسىن پايىمدادى. 2018 - جىلى 8 - ايدا اشىلعان مەملەكەتتىك ۇگىت - يدەيا قىزمەتى ماجىلىسىندە باس شۋجي شي جينپيڭ ”توعىزدا تاباندى بولۋ“ ارقىلى پارتيامىزدىڭ ۇگىت - يدەيا قىزمەتىنىڭ زاڭدىلىعى جونىندەگى تانىمىن جوعارى دەڭگەيدە جيناقتادى؛ بيىل 6 – ايدا مادەنيەتكە مۇراگەرلىك ەتۋ، دامىتۋ جونىندەگى اڭگىمە ماجىلىسىندە مادەنيەت قۇرىلىسى جاعىنداعى ”ون ءتورت دارىپتەمەنى“ ايقىنداپ، پارتيانىڭ مادەنيەتكە باسشىلىق ۇقىعىندا تاباندى بولۋ، ”ەكىنى ۇشتاستىرۋدى“ تەرەڭ ءتۇسىنۋ، جاڭا مادەنيەت بورىشىن ارقالاۋ سياقتى كەلەلى جاڭالىق اشۋ كوزقاراستارى ايقىن ورتاعا قويىپ، جۇڭحۋا ۇلتىنىڭ وسى زامانعى وركەنيەتىن قۇرۋدىڭ كەلەلى مىندەتتەرىن العا قويدى؛ وسى رەتكى باس شۋجي شي جينپيڭنىڭ ماڭىزدى نۇسقاۋىندا ۇگىت، يدەيا، مادەنيەت قىزمەتىنە تاعى دا ”جەتى جاقتان كۇش سالۋ“ تالابى قويىلدى. باس شۋجي شي جينپيڭنىڭ جاڭا داۋىردەگى مادەنيەت قۇرىلىسى جاعىنداعى جاڭا يدەياسىنىڭ، جاڭا كوزقاراسىنىڭ، جاڭا تۇجىرىمىنىڭ مازمۇنى توتەنشە باي، پايىمداۋى توتەنشە تەرەڭ، جاڭا داۋىردەگى پارتيانىڭ مادەنيەت قۇرىلىسىنا باسشىلىق ەتۋدەگى امالياتتىق تاجىريبەلەرىنىڭ نازاريالىق قورىتىندىسى، ول ماركسيزمدىك مادەنيەت نازارياسىن بايىتىپ جانە دامىتىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ مادەنيەت تاراۋىن قۇراپ، شي جينپيڭنىڭ مادەنيەت يدەياسىن قالىپتاستىردى.
شي جينپيڭ مادەنيەت يدەياسىندا مادەنيەت نازارياسى مەن كوزقاراسى جاعىنداعى جاڭالىق اشۋ مەن قامال الۋ دا بار ءارى مادەنيەت قىزمەتىنىڭ ورنالاسىمى جونىندەگى ورنالاستىرۋ، تالاپ تا بار، پارتيانىڭ جاسامپاز نازارياسى امالياتقا اينالدىرىلعان، نازاريا امالياتپەن ۇشتاستىرىلعان، جاڭا داۋىردەگى مادەنيەت قۇرىلىسىنىڭ جول كارتاسى مەن مىندەت حاتى ايقىندالعان، بۇل _ پارتيامىزدىڭ جۇڭگوشا سوتسياليستىك مادەنيەت قۇرىلىسىنىڭ زاڭدىلىعى جونىندەگى تانىمىنىڭ تىڭ دەڭگەيگە كوتەرىلگەنىنىڭ بەلگىسى، پارتيامىزدىڭ تاريح سەنىمىنىڭ، مادەنيەت سەنىمىنىڭ جاڭا بيىككە كوتەرىلگەنىن بەينەلەيدى ءارى ەلىمىزدىڭ سوتسياليستىك مادەنيەت قۇرىلىسىندا قۇدىرەتتى ۇلى كۇشتى ايگىلەپ، جاڭا داۋىردەگى جاڭا جورىقتا ۇگىت، يدەيا، مادەنيەت قىزمەتىن ويداعىداي ىستەۋگە، جاڭا مادەنيەت بورىشىن ارقالاۋعا قۇدىرەتتى يدەيالىق قارۋ جانە عىلمي ارەكەت باعدارناماسىن ازىرلەدى. شي جينپيڭ مادەنيەت يدەياسى ۇزدىكسىز ورىستەيتىن، اشىق يدەيالىق جۇيە، ول، ءسوز جوق، امالياتقا ىلەسە ىشكەرىلەي ۇزدىكسىز بايىپ، دامىپ وتىرادى.
پارتيانىڭ نازاريادا جاڭالىق جاراتۋى ءبىر ادىم ىلگەرىلەگەن سايىن، نازاريامەن قارۋلانۋ دا ىلەسە ءتۇسۋى كەرەك. ءبىز شي جينپيڭ مادەنيەت يدەياسىن مۇقيات ۇيرەنىپ، ءتۇسىنىپ، شي جينپيڭ مادەنيەت يدەياسىنىڭ كەلەلى ءمانىن، باي مازمۇنىن جانە امالياتتىق تالابىن تەرەڭ يگەرىپ، ۇيرەنگەندى قولدانا بىلۋدە تاباندى بولىپ، ۇيرەنۋدى، وي جۇگىرتۋدى، قولدانۋدى ساباقتاستىرىپ، ءبىلۋدى، سەنۋدى، ارەكەتتى بىرلىككە كەلتىرۋىمىز كەرەك. شي جينپيڭ مادەنيەت يدەياسىن ۇيرەنۋدى، زەرتتەۋدى، ءتۇسىندىرۋدى ۇزدىكسىز كۇشەيتۋ ءارى ۇگىت، يدەيا، مادەنيەت قىزمەتىنىڭ ءارقايسى جاعىندا جانە تۇتاس بارىسىندا سانالى دايەكتىلەندىرۋ، تياناقتاندىرۋ كەرەك.
شي جينپيڭ مادەنيەت يدەياسىن ىشكەرىلەي دايەكتىلەندىرىپ، پارتيا 20 - قۇرىلتايىنىڭ مادەنيەت قۇرىلىسى جونىندەگى ستراتەگيالىق ورنالاستىرۋىن جاپپاي دايەكتى تياناقتاندىرىپ، نازاردى پارتيانىڭ جاسامپاز نازارياسىمەن بۇكىل پارتيانى قارۋلاندىرۋ، حالىقتى تاربيەلەۋ سىندى ماڭداي الدى ساياسي مىندەتكە شوعىرلاندىرىپ، جاڭا تاريحي باستامادا مادەنيەتتىڭ گۇلدەنۋىن ۇزدىكسىز ىلگەرىلەتۋ، مادەنيەتتە قۋاتتى ەل قۇرۋ، جۇڭحۋا ۇلتىنىڭ وسى زامانعى وركەنيەتىن قۇرۋ سىندى جاڭا مادەنيەت بورىشىن ارقاۋ ەتىپ، جاڭا ءداۋىردىڭ جاڭا ساپارىنداعى ۇگىت، يدەيا، مادەنيەت قىزمەتىن ويداعىداي ىستەۋدىڭ جاۋاپكەرلىك سەزىمىن، بورىشتىلىق سەزىمىن شىنايى كۇشەيتىپ، ءتۇرلى قىزمەتتەردىڭ تياناقتانىپ ءونىم بەرۋىن ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە پارمەندى يدەيالىق كەپىل، قۇدىرەتتى رۋحاني كۇش، ءتيىمدى مادەنيەت شارت - جاعدايىن ازىرلەۋ كەرەك.
ۇگىت، يدەيا، مادەنيەت قىزمەتى _ توتەنشە ماڭىزدى قىزمەت. جاڭا ءداۋىردىڭ جاڭا جورىعىندا دۇنيە جۇزىندە 100 جىلدا بولماعان زور وزگەرىس جەدەل قۇبىلىپ، جۇڭحۋا ۇلتىنىڭ ۇلى گۇلدەنۋى شەشۋشى كەزەڭگە ءوتتى، ستراتەگيالىق وراي مەن حاۋىپ - قاتەر، سىن - سايىس قاتار ءومىر ءسۇرىپ، ۇگىت، يدەيا، مادەنيەت قىزمەتى جاڭا جاعدايعا، جاڭا مىندەتكە ءدوپ كەلدى، ءسوز جوق، جاڭا بەينە، جاڭا ىسكەرلىك بولۋ كەرەك. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، شي جينپيڭ مادەنيەت يدەياسىن ىشكەرىلەي ۇيرەنىپ، دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا مادەنيەت بورىشىن اناعۇرلىم ويداعىداي ارقالاپ، جاڭا داۋىردەگى ۇگىت، يدەيا، مادەنيەت قىزمەتىنىڭ جاڭا جاعدايىن ۇزدىكسىز اشىپ، مەملەكەتتى قۇدىرەتتەندىرۋ قۇرىلىسىنا، ۇلتتىڭ گۇلدەنۋىنە تىڭ دا اناعۇرلىم زور ۇلەس قوسايىق.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
