الدىڭعى 3 ماۋسىمدا شينجياڭدا تۇرعىنداردىڭ جان باسىندىق ورتاشا قولداعى تابىسى سايكەس مەزگىلدەگىدەن ％4. 6 ارتتى
2023.10.30 16:15 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى گاۋ فىڭ 10 - ايدىڭ 28 - كۇنى ۇرىمجىدەن حابارلايدى. مەملەكەتتىك ساناق مەكەمەسى شينجياڭ تەكسەرۋ باس اترەتىنەن ۇعىسۋىمىزشا، الدىڭعى 3 ماۋسىمدا شينجياڭ تۇرعىندارىنىڭ جان باسىندىق ورتاشا قولداعى تابىسى 17 مىڭ 614 يۋان بولىپ، الدىڭعى جىلعى سول تۇستاعىدان ％4. 6 ارتىپ، الدىڭعى جارتى جىلداعىدان 0.5 پايىز تەزدەدى؛ باعا فاكتورىن شىعارىپ تاستاعاندا، ناقتى ارتۋى ％8. 5 بولدى.
مەملەكەتتىك ساناق مەكەمەسى شينجياڭ تەكسەرۋ باس اترەتى تۇرعىندار كىرىس - شىعىسىن تەكسەرۋ باسقارماسىنىڭ ورىنباسار باستىعى حۋاڭ تاۋ بىلاي دەپ تانىستىردى: بيىل جىل باسىنان بەرى، اۆتونوميالى رايوندىق پارتكوم مەن ۇكىمەت پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن باتىل دايەكتىلەندىردى، تياناقتاندىردى، ەكونوميكا ۇزدىكسىز قالپىنا كەلدى جانە جاقسارۋعا بەت الدى، جۇمىسقا ورنالاسۋ جاعدايى جالپى تۇلعالىق جاقتان جاقساردى، شينجياڭ تۇرعىندارىنىڭ كىرىسى ورنىقتى ارتۋدى ساقتاپ، قالا - اۋىل تۇرعىندارىنىڭ كىرىستەگى پارقى ۇزدىكسىز ازايىپ، تۇرمىستىق تۇتىنۋ شىعىسى تەزدەن قالپىنا كەلدى.
قالا مەن اۋىلعا ءبولىپ قاراعاندا، قالا - قالاشىق تۇرعىندارىنىڭ جان باسىندىق ورتاشا قولداعى تابىسى 30 مىڭ 434 يۋان بولىپ، الدىڭعى جىلعى سول تۇستاعىدان اتامالى ％5 ارتتى، باعا فاكتورىن شىعارىپ تاستاعاندا ناقتى ارتۋى ％3. 4 بولدى، اتامالى ارتۋ قارقىنى مەن ناقتى ارتۋ قارقىنى الدىڭعى جارتى جىلداعىدان جەكە - جەكە 0.4 پايىز جانە 0.9 پايىز تەزدەدى؛ اۋىل - قىستاق تۇرعىندارىنىڭ جان باسىندىق ورتاشا قولداعى تابىسى 5673 يۋان بولىپ، الدىڭعى جىلعى سول تۇستاعىدان اتامالى ％6. 8 ارتتى، باعا فاكتورىن شىعارىپ تاستاعاندا ناقتى ارتۋى ％4. 8 بولدى، اتامالى ارتۋ قارقىنى مەن ناقتى ارتۋ قارقىنى الدىڭعى جارتى جىلداعىدان جەكە - جەكە 0.7 پايىز جانە ءبىر پايىز تەزدەدى. الدىڭعى 3 ماۋسىمدا قالا مەن اۋىل تۇرعىندارىنىڭ جان باسىندىق ورتاشا قولداعى تابىسىنىڭ سالىستىرماسى 1: 5.4 قاتىناسىنداي بولىپ، الدىڭعى جىلعى سول تۇستاعىدان 0.1 ازايدى، قالا - اۋىل تۇرعىندارىنىڭ كىرىستەرىنىڭ سالىستىرمالى پارقى ۇزدىكسىز ازايدى.
ەڭبەكاقى سيپاتىندىق كىرىستىڭ ارتۋى ەڭ تەز بولدى. الدىڭعى 3 ماۋسىمدا جۇمىستانۋ جاعدايى جالپى تۇلعالىق جاقتان جاقسارىپ، تۇرعىنداردىڭ ەڭبەكاقى سيپاتىندىق كىرىستەرىنىڭ تەز ارتۋىن قامتاماسىز ەتتى. شينجياڭ تۇرعىندارىنىڭ جان باسىندىق ورتاشا ەڭبەكاقى سيپاتىندىق كىرىسى 11 مىڭ 285 يۋان بولىپ، الدىڭعى جىلعى سول تۇستاعىدان اتامالى ％7.7 ارتىپ، تۇرعىنداردىڭ كىرىسىنىڭ ارتۋ قارقىنىنان 3. 1 پايىز تەز بولدى. قالا مەن اۋىلعا ءبولىپ قاراعاندا، قالا - قالاشىق تۇرعىندارىنىڭ جان باسىندىق ورتاشا ەڭبەكاقى سيپاتىندىق كىرىسى 19 مىڭ 592 يۋان بولىپ، الدىڭعى جىلعى سول تۇستاعىدان ％8. 5 ارتتى؛ اۋىل - قىستاق تۇرعىندارىنىڭ جان باسىندىق ورتاشا ەڭبەكاقى سيپاتىندىق كىرىسى 3546 يۋان بولىپ، الدىڭعى جىلعى سول تۇستاعىدان اتامالى ％6. 12 ارتتى.
تيجارات تازا كىرىسى تەز قارقىنمەن ارتتى. الدىڭعى 3 ماۋسىمدا تولايىم ساتۋ، بولشەك ساتۋ سياقتى كاسىپ سالا تيجاراتى جاعدايىنىڭ ءبىرشاما جاقسى قالپىنا كەلۋىنىڭ جەتەكشىلىگىندە تيجارات تازا كىرىسى تەز قارقىنمەن ارتتى. شينجياڭ تۇرعىندارىنىڭ جان باسىندىق ورتاشا تيجارات تازا كىرىسى 1348 يۋان بولىپ، الدىڭعى جىلعى سول تۇستاعىدان اتامالى ％7 ارتىپ، الدىڭعى جارتى جىلداعىدان 6. 1 پايىز جوعارىلادى، مۇنىڭ ىشىندە، 3 - كاسىپ سالاسىنىڭ تيجارات تازا كىرىسى ％2. 7 ارتتى.
قازىنا - مۇلىك تازا كىرىسى مەن وتكەرمەلەنگەن تازا كىرىس ارتۋدى ساقتادى. الدىڭعى 3 ماۋسىمدا شينجياڭ تۇرعىندارىنىڭ جان باسىندىق ورتاشا قازىنا - مۇلىك تازا كىرىسى 709 يۋان بولىپ، الدىڭعى جىلعى سول تۇستاعىدان اتامالى ％8. 4 ارتتى، مۇنىڭ ىشىندە، جان باسىندىق ورتاشا قورا - جايدى مايعا بەرۋدەگى قازىنا - مۇلىك تازا كىرىسى مەن جەردى كوتەرمەگە الىپ تيجارات جۇرگىزۋ ۇقىعىن وتكەرمەلەۋ ماياقىسى تازا كىرىسى جەكە - جەكە ％4. 6 جانە ％9. 9 ارتتى. شينجياڭ تۇرعىندارىنىڭ جان باسىندىق ورتاشا وتكەرمەلەۋدەن تۇسكەن تازا كىرىسى 4272 يۋان بولىپ، الدىڭعى جىلعى سول تۇستاعىدان اتامالى ％3. 3 ارتتى، دەمالىسقا، زەينەتكە شىققانداردىڭ زەينەتاقىسىن جوعارىلاتۋعا، اۋىل شارۋاشىلىعىنا تيىمدىلىك جاساۋ قوسىمشا قاراجات تەبىنىن ارتتىرۋعا جانە ماقتا نىسانالى باعاسى قوسىمشا قاراجاتىن دەر كەزىندە تاراتۋعا، ت. ب ساي، جان باسىندىق ورتاشا قارتتاردى كۇتىمدەۋ قاراجاتى نەمەسە دەمالىس، پەنسيا قاراجاتى جانە اقشالاي بەرىلەتىن ساياسات سيپاتتى ديقاندارعا پايدا جەتكىزۋ قوسىمشا قاراجات كىرىسى جەكە - جەكە ％5. 5 جانە ％7. 178 ارتتى.
حۋاڭ تاۋ تاعى بىلاي دەدى: ەكونوميكانىڭ ءۇرتىس جاقسارۋىنا ساي، تۇتىنۋ اياسى ۇزدىكسىز كەڭەيىپ، تۇتىنۋ قاجەتى ورنىقتى قاداممەن قايتا ورلەپ، تۇرعىنداردىڭ تۇتىنۋ شىعىسى ۇزدىكسىز قالپىنا كەلە باستادى. الدىڭعى 3 ماۋسىمدا شينجياڭ تۇرعىندارىنىڭ جان باسىندىق ورتاشا تۇرمىستىق تۇتىنۋ شىعىسى 15 مىڭ 269 يۋان بولىپ، الدىڭعى جىلعى سول تۇستاعىدان ％2. 8 ارتىپ، باعا فاكتورىن شىعارىپ تاستاعاندا ءىس جۇزىندىك ارتۋى ％6. 7 بولدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
