قول ۇستاسا ءبىر نيەتپەن ارماندى سومداپ، كوركەم بولاشاقتى بىرگە كەسكىندەيىك
− حاڭجوۋ 4 - كەزەكتى ازيا مۇگەدەكتەر سپورت جارىسىنىڭ جابىلعاندىعىن قىزۋ قۇتتىقتايمىز
□ حالىق گازەتىنىڭ شولۋشىسى
2023.10.30 16:16 كەلۋ قاينارى : شينجياڭ گازەتى
10 - ايدىڭ 28 - كۇنى حاڭجوۋ 4 - كەزەكتى ازيا مۇگەدەكتەر سپورت جارىسىنىڭ جابىلۋ سالتى سالتاناتپەن وتكىزىلدى. اسەرلى اۋەندەر مەن تاماشا تىلەكتەر ىشىندە حاڭجوۋ ازيا مۇگەدەكتەر سپورت جارىسى تولىق تابىسپەن شىمىلدىعىن جاپتى.
ەكى ازيا سپورت جارىسى دا بىردەي تارتىمدى بولدى. وتكەن 7 كۇندە جىجياڭ ولكەسى مەن حاڭجوۋ قالاسى ”قاراپايىم، حاۋىپسىز، تارتىمدى بولۋ“ سىندى جارىس وتكىزۋ تالابى بويىنشا، ازيا سپورت جارىسىمەن بىردەي ولشەمگە، بىردەي قىزمەت كورسەتۋگە، بىردەي كۇيگە تاباندى بولىپ، جارىس ىستەرىن ۇيىمداستىرۋ مەن جارىس جيىندارىن قامتاماسىز ەتۋدى جوعارى ورەدە ويداعىداي ىستەپ، دۇنيە جۇزىنە ”شۋاقتى، جاراسىمدى، ءوزىن - ءوزى الۋەتتەندىرەتىن، بىرگە يگىلىكتەنەتىن“ ازيا مۇگەدەكتەر سپورت جارىسىن ارنادى. داعدىلى ەرەجەگە بويسۇنۋ، ولشەمدى بىرلىككە كەلتىرۋ، دارالىققا قۇرمەت ەتۋ، ناقتى ىستەرگە دەن قويۋ“ پرينسيبىن ۇستانىپ، ازيا مۇگەدەكتەر سپورت جارىسى قىستاعىن تۇلعالاۋدان 10 كۇندىك ۋاقىتپەن جارىس الاڭدارىن ءساتتى وزگەرتۋدى اياقتاۋعا دەيىن؛ قالانىڭ ءار ءتۇرلى الەۋمەتتىك قۇرىلعىلارىنىڭ كەدەرگىسىز ورتاسىن جاپپاي جاڭالاۋدان قاپىسىز قامقورلىق جاسايتىن ەرىكتى قىزمەت كورسەتۋدى ازىرلەۋگە دەيىن... ءاربىر جۇمىستىڭ، ءاربىر ناقتى ءىستىڭ بارىندە ”سپورتشىلاردى وزەك ەتۋ“ بەينەلەندى. حاڭجوۋ ازيا مۇگەدەكتەر سپورت جارىسىنىڭ تولىق تابىستى بولۋى مۇگەدەكتەر سپورت ىستەرىنىڭ دامۋ تاريحىنا اسا ماعىنالى ءبىر مازمۇن قالدىردى. ءدال ازيا مۇگەدەكتەر وليمپيادا كوميتەتىنىڭ ءتوراعاسى ماجيد راشەدتىڭ: ”مەن تالاي مۇگەدەكتەر سپورت جارىسىنا قاتىناستىم، مەنىڭشە، حاڭجوۋ ازيا مۇگەدەكتەر سپورت جارىسى تاريحتان بەرگى ەڭ تاماشا ءبىر كەزەكتىسى بولادى“ دەگەنىندەي بولدى.
ايانباي الىسۋ ادامدى ەڭ ەلجىرەتەدى. جارىس الاڭىندا دوڭگەلەكتى ورىندىقتاعى سەمسەر سپورتشىلارى جارىسقان كەزدە، دوڭگەلەكتى ورىندىقتى رەليسىن رەتتەۋگە بولاتىن رامكاعا بەكىتۋ قاجەت؛ كوزى كورمەيتىن بالعاشىق دوپ سپورتشىسى دىبىستى تىڭداپ، ورىندى پارىقتاۋ ارقىلى ءوزىنىڭ قوزعالىس باعىتىن بەلگىلەۋى قاجەت؛ زىلتەمىرشى سپورتشى جاتىپ الىپ، قوس قولىمەن زىلتەمىردى كوتەرۋى قاجەت... قالىپتى ادامدار ويلاپ جەتە المايتىن قيىندىقتار الدىندا جارىسقا قاتىناسقان مۇگەدەك سپورتشىلار تيتتەي دە تايسالماي، قيىندىققا قارسى اتتانىپ، وزدەرىنىڭ ەڭ جاقسى دەڭگەيلەرىن ۇزدىكسىز جاراتتى. ولاردىڭ بار كۇشتەرىن سالىپ ايانباي ايقاسۋى، ماڭگى باز كەشپەيتىن رۋحى اناعۇرلىم كوپ ادامدى اسقاق جىگەرمەن العا ۇمتىلىپ، ەرلىكپەن ارمان قۋۋعا جىگەرلەندىرەدى. وسى كەزەكتى ازيا مۇگەدەكتەر سپورت جارىسىندا جۇڭگو مۇگەدەكتەر دەنە تاربيە ۋاكىلدەر ۇيىرمەسى ”ءۇرتىس 4 رەت اعا جۇلدەگەر بولدى“ ءارى تاريحتاعى ەڭ تاماشا ناتيجەگە قول جەتكىزىپ، وتان مەن حالىققا داڭق الىپ بەردى. جۇڭگونىڭ مۇگەدەك سپورتشىلارى وزدەرىن تىنباي الۋەتتەندىرىپ، ىنتىماقتاسا ايانباي ايقاسىپ، مويىماس قايسارلىقتىڭ، ۇمىتكەرلىكپەن العا ىلگەرىلەۋدىڭ تىرشىلىك جەڭىس جىرىن شارىقتاتىپ، جاڭا داۋىردەگى جۇڭگو مۇگەدەكتەرىنىڭ رۋحاني بەت - بەينەسىن تولىق ايگىلەدى، سونداي - اق بۇكىل پارتيانىڭ، بۇكىل ەلدەگى ءار ۇلت حالقىنىڭ مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا ەكپىندەي ىلگەرىلەۋى ءۇشىن قۇدىرەتتى رۋحاني كۇش - قۋات قوستى.
حاڭجوۋ ازيا مۇگەدەكتەر سپورت جارىسى دەنە تاربيە باسەكەسىن ايگىلەپ قالماستان، سيىسىمدىلىقتى، توعىسۋدى جانە اۋىس - كۇيىستى دە جەبەدى. باس شۋجي شي جينپيڭ بىلاي دەپ اتاپ كورسەتتى: ”حاڭجوۋ ازيا سپورت جارىسى، ازيا مۇگەدەكتەر سپورت جارىسى، دۇنيە جۇزىلىك ينتەرنەت جينالىسى سياقتى تەرەزەلەردەن پايدالانىپ، مادەنيەتتە اۋىس - كۇيىس جاساۋدى، تاراتۋدى كۇشەيتۋ كەرەك“. ازيا مۇگەدەكتەر سپورت جارىسىنىڭ الاۋى حاڭجوۋ قالاسىنداعى ”ءۇش داريانىڭ ەكى جاعالاۋىندا“ رەتىمەن جەتكىزىلىپ، جىجياڭنىڭ ”ولەڭ جولى مادەنيەتىنىڭ“ وزگەشە كەلبەتىن بارىنشا ايگىلەدى. اشىلۋ سالتىندا مۇگەدەك سپورتشى زەردەلى بيولوگيالىق ەلىكتەلگەن قولمەن نەگىزگى الاۋدى تۇتاندىرىپ، عىلىم - تەحنيكا مەن مادەنيەتتىڭ توعىسۋىن ايگىلەدى. جارىس الاڭىندا تۇرلىشە مەملەكەت پەن وڭىردەن كەلگەن سپورتشىلار ءارى ءوزارا باسەكەگە ءتۇستى، ءارى ءبىرىن - ءبىرى جىگەرلەندىردى. حاڭجوۋ ازيا مۇگەدەكتەر سپورت جارىسىنىڭ تولىق تابىسقا جەتۋى ازيا حالقى اراسىنداعى دوستىقتى ونان ارى نىعايتىپ، بەيبىتشىلىك، ىنتىماق، سيىسىمدىلىق تۇقىمىن اناعۇرلىم كوپ ادامنىڭ كوڭىلىنە سەپتى.
باس شۋجي شي جينپيڭ بىلاي دەپ باسا دارىپتەدى: ”مۇگەدەكتەر − قوعام ۇلى شاڭىراعىنىڭ تەرەزەسى تەڭ مۇشەسى، سونداي - اق ادامزات وركەنيەتىنىڭ دامۋىنداعى ماڭىزدى كۇش“. پارتيانىڭ 20 - قۇرىلتايى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدىڭ ايبىندى جوباسىن كەسكىندەپ، مۇگەدەكتەردى قوعامدىق قامتاماسىزداندىرۋ ءتۇزىمى مەن ايالاۋ، قىزمەت وتەۋ جۇيەسىن كەمەلدەندىرۋ، مۇگەدەكتەر ءىسىنىڭ جاپپاي دامۋىن جەبەۋ جونىندە ايقىن تالاپ قويدى. حاڭجوۋ ازيا مۇگەدەكتەر سپورت جارىسىن وراي ەتىپ، قوعامداعى ءار سالانىڭ مۇگەدەكتەر دەنە تاربيەسى مەن مۇگەدەكتەر ىستەرىنە تانىمىن ونان ارى كۇشەيتىپ، ”تەڭدىك، توعىسۋ، بىرگە يگىلىكتەنۋ“ سىندى قۇن بەت الىسىن جۇرت جۇرەگىنە اناعۇرلىم تەرەڭ ۇيالاتىپ، تۇتاس قوعام مۇگەدەكتەردى قۇرمەتتەيتىن، تۇسىنەتىن، كوڭىل بولەتىن، كومەكتەسەتىن رايدى اناعۇرلىم قويۋلاتاتىن بولسا، جۇڭگو ۇلگىسىندەگى وسىزامانداندىرۋ ۇردىسىندە مۇگەدەكتەر ىستەرىنىڭ جاپپاي دامۋىن اناعۇرلىم ويداعىداي جەبەپ، مۇگەدەكتەردى اناعۇرلىم باقىتتى دا تاماشا تۇرمىسقا ۇزدىكسىز كەنەلتە الامىز. جۇڭگو ادامگەرشىلىك جانە ينتەرناتسيوناليزم رۋحىن باستان - اياق اسقاقتاتىپ، مۇگەدەكتەر دەنە تاربيە اۋىس - كۇيىس سەلبەستىگى ارقىلى تۇرلىشە وركەنيەت اۋىس - كۇيىسىنىڭ، ءوزارا ۇلگى الۋىنىڭ ايبىندى كارتيناسىن كەسكىندەپ، ادامزاتتىڭ تاعدىرلاس ورتاق تۇلعاسىن قۇرۋدى بەلسەنە ىلگەرىلەتەدى.
تاسقىنداعان دەنە تاربيە اسقاق سەزىمى مەن مويىماس تىرشىلىك جىگەرى جولىققاندا، سىن - سايىستان يمەنبەيتىن تىرشىلىك كوركەمدىگى جارقىراپ نۇر شاشادى. حاڭجوۋ ازيا مۇگەدەكتەر سپورت جارىسى ادامدارعا ۇمىتىلماستاي ەستەمە قالدىردى، سونداي - اق تىڭ تاراۋ اشتى. قول ۇستاسا بىر نيەتپەن ارمان سومداپ، كوركەم بولاشاقتى بىرگە كەسكىندەيىك!
(شينحۋا اگەنتتىگىنىڭ 10 - ايدىڭ 28 - كۇنى بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
