الدىڭعى 3 توقساندا پورتتاردىڭ زات قابىلداۋ - جونەلتۋ مولشەرى سايكەس مەزگىلدەگىدەن %8.5 ارتتى (جاڭا ساندى مالىمەت، جاڭا ءتۇيىن)
2023.10.30 16:31 كەلۋ قاينارى : حالىق تورابى
«حالىق گازەتى»، 10 - ايدىڭ 29 – كۇنى، بەيجيڭ (ءتىلشى حان شين). 9 ايعا جەتپەيتىن ۋاقىتتا جىجياڭ ولكەسى نيڭبو قالاسى جوۋشان پورتىنىڭ زات قابىلداۋ – جونەلتۋ مولشەرى ءبىر ميلليارد توننادان اسىپ، دۇنيە جۇزىندەگى باسقا نەگىزگى پورتتاردان الدا تۇردى؛ حىبەي پورت توبىنىڭ زات قابىلداۋ – جونەلتۋ مولشەرى 600 ميلليون توننادان اسىپ، سايكەس مەزگىلدەگىدەن %8.7 ارتتى... بيىل جىل باسىنان بەرى ەلىمىزدىڭ پورتتارىنىڭ زات قابىلداۋ - جونەلتۋ مولشەرىنىڭ ارتۋ قارقىنى ءبىرشاما جوعارى دەڭگەيدى ساقتادى. قاتىناس – تاسىمال مينيسترلىگى تاياۋدا جاريالاعان ەڭ جاڭا ساندى مالىمەتتە كورسەتىلۋىنشە، الدىڭعى 3 توقساندا ەلىمىز پورتتاردىڭ زات قابىلداۋ – جونەلتۋ مولشەرىن 12 ميلليارد 540 ميلليون تونناعا جەتكىزىپ، سايكەس مەزگىلدەگىدەن %8.5 ارتقان، مۇنىڭ ىشىندە 3 – توقساندا %9.5 ارتىپ، الدىڭعى جارتى جىلداعىمەن سالىستىرعاندا 1.5 پايىز تەزدەگەن.
تەز قارقىنمەن ارتقان زات قابىلداۋ - جونەلتۋ مولشەرى ەل ىشىندەگى تۇتىنۋ سۇرانىمىنىڭ ارتۋى، ەكونوميكالىق اينالىمنىڭ ورنىقتى جوعارىلاۋى سىندى تاماشا جاعدايدى ايگىلەدى، سونداي - اق ەلىمىزدىڭ قاتىناس - تاسىمال ەكونوميكالىق اينالىمىنىڭ باياندى، ورنىقتى قالپىنا كەلۋى، زات اينالىمىنىڭ ىركىلىسسىزدىگىنە كەپىلدىك ەتۋ جەتىستىكتەرىنىڭ ونان ارى بەكەمدەلۋى سىندى تاماشا بەتالىستى ايگىلەدى.
ساندى مالىمەتتە كورسەتىلۋىنشە، الدىڭعى 3 توقساندا ەلىمىزدىڭ جۇك قورابىنىڭ قابىلداۋ – جونەلتۋ مولشەرىندە 230 ميلليون ولشەمدى ساندىق ورىندالىپ، سايكەس مەزگىلدەگىدەن %5.2 ارتقان، مۇنىڭ ىشىندە 3 – توقساندا %5.9 ارتىپ، ارتۋ قارقىنى الدىڭعى جارتى جىلداعىدان ءبىر پايىز تەزدەگەن. بۇدان سىرت، بيىل جىل باسىنان بەرى ەلىمىزدىڭ نەگىزگى كوپ قولدى تاۋارلارىنىڭ يمپورت قاجەتى تەبىندى بولىپ، تەمىر رۋداسى، كومىر، استىق يمپورت سوماسى ءبىر ميلليارد 340 ميلليون توننا بولىپ، سايكەس مەزگىلدەگىدەن %18.3 ارتقان. سىرتقى ساۋدا زات قابىلداۋ - جونەلتۋ مولشەرى 3 ميلليارد 770 ميلليون توننا بولىپ، سايكەس مەزگىلدەگىدەن %10.1 ارتقان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
