قاتىستى تاراۋلار تاياۋ مەزگىلدە ۆيزانى ساپالىلاندىرۋ جانە شەكارادان كىرىپ ساياحاتتاۋدى قولايلىلاندىرۋ ساياساتتىق شارالارىن تانىستىردى
2023.11.20 14:21 كەلۋ قاينارى : حالىق تورابى
شينحۋا اگەنتتىگىنىڭ 11 ـ ايدىڭ 17 ـ كۇنى كۇنميڭنەن بەرگەن حابارى. جۇڭگو حالىقارالىق ساياحات جارمەنكەسى كەزىندە مادەنيەت جانە ساياحات مينيسترلىگى 11 ـ ايدىڭ 17 ـ كۇنى كۇنميڭدە جۇڭگونىڭ شەكارادان ساياحاتتاپ كىرۋ ساياساتى جونىندە اقپار جاريالاۋ ءماجىلىسىن وتكىزدى، سىرتقى ىستەر مينيسترلىگىنىڭ، مەملەكەتتىك قونىس اۋدارۋدى باسقارۋ مەكەمەسىنىڭ قاتىستى جاۋاپتىلارى تاياۋدا قولدانعان ۆيزانى ساپالىلاندىرۋ جانە شەكارادان كىرىپ ساياحاتتاۋدى قولايلىلاندىرۋ ساياساتتىق شارالارىن تانىستىردى.
سىرتقى ىستەر مينيسترلىگى كونسۋل مەڭگەرمەسىنىڭ قاتىستى جاۋاپتىسى تانىستىرىپ بىلاي دەدى: شەتەلدىكتەردىڭ جۇڭگوعا كەلىپ ساياحاتتاۋىنا ءتىپتى دە كوپ جول جانە قولايلىلىق جاراتۋ ءۇشىن سىرتقى ىستەر مينيسترلىگى شەتەلدىكتەردىڭ جۇڭگوعا كەلىپ ۆيزا الۋ جانە شەكارادان كىرۋ ساياساتىن بەلسەنە رەتتەپ، ءبىر جاقتى ۆيزاسىز كىرۋ ساياساتىن اتقارۋدى قالپىنا كەلتىردى. ۆيزانى ءبىتىرۋ بارىسىن ۇزدىكسىز ساپالىلاندىرىپ، ءوتىنىش ەتۋشىنىڭ ۆيزا ءبىتىرۋ رەسمياتىن قاراپايىمداستىرىپ، شارتقا ۇيلەسەتىن ءوتىنىش بەرۋشىلەردەن ۋاقىتشا ساۋساق بەدەرىن المايدى. شەتەلدىكتەردىڭ جۇڭگوعا كەلۋ ۆيزا اشتىرۋ ءوتىنىش كەستەسى بارىنشا ساپالىلاندىرىلىپ، 7 ۇلكەن، 15 قوسىمشا كەستە تولتىرىلاتىن مازمۇن ازايتىلىپ، ساپالىلاندىرىلىپ، ىقشامدالۋ مولشەرى %34 كە جەتتى. جۇڭگوعا كەلىپ ۆيزا الۋ ءوتىنىشىن الدىن الا ءبىتىرۋ ورنالاستىرۋىن بىرتىندەپ كۇشىنەن قالدىرادى، قازىر شەتەلدە تۇراتىن 100 گە جۋىق ەلشىحانا، كونسۋلحانا ”قالاعان ۋاقىتتا ءبىتىرۋدى“ جۇزەگە اسىردى، سونداي - اق بيىل جىل سوڭىنان بۇرىن دۇنيە ءجۇزى بويىنشا شەتەلدە تۇراتىن ەلشىحانالاردىڭ، كونسۋلحانالاردىڭ ۆيزا الۋ وتىنىشىنە الدىن – الا كەلىسۋدى تۇگەلدەي كۇشىنەن قالدىرۋدى نەگىزىنەن جۇزەگە اسىرادى. بۇدان سىرت، دۇنيە جۇزىندەگى 260 ەلشىحانا، كونسۋلحانا ءوتىنىش ەتۋ ارناسىن ۇزدىكسىز ىركىلىسسىزدەندىرىپ، ۆيزا قىزمەت وتەۋ ساپاسىن كۇش سالا جوعارىلاتتى، ۆيزا الۋدى ءوتىنىش ەتۋشى كوپ جاعدايدا ءارقانداي ۆيزا الۋدى ءوتىنىش ەتۋ ورنىندا ۆيزا الۋ ءوتىنىشىن تاپسىرۋىنا بولادى.
مەملەكەتتىك قونىس اۋدارۋدى باسقارۋ مەكەمەسى شەتەلدىكتەردى باسقارۋ مەڭگەرمەسىنىڭ قاتىستى جاۋاپتىسى تانىستىرىپ بىلاي دەدى: مەملەكەتتىڭ سىرتقا ەسىك اشۋىنا قىزمەت وتەۋ جانە ونى قامتاماسىزداندىرۋ، جۇڭگولىقتار مەن شەتەلدىكتەردىڭ بارىس – كەلىسىنە قولايلىلىق جاراتۋ، سىرتقى اۋىس – كۇيىس پەن سەلبەستىكتى جەبەۋ ءۇشىن، مەملەكەتتىك قونىس اۋدارۋدى باسقارۋ مەكەمەسى قونىس اۋدارۋشىلاردىڭ شەكارادان كىرىپ – شىعۋ ساياساتتىق شارالارىن ۇزدىكسىز ساپالىلاندىردى. شەكارالىق ۆيزا بەرۋ ساياساتى جاعىندا، قازىر بۇكىل ەل بويىنشا شەكارادان كىرۋ مولشەرى ءبىرشاما كوپ 77 قالانىڭ 99 سىرتقا اشىق ۇستالعان وتكەلىندە ۆيزا بەرۋ كاسىبى ورىستەتىلدى؛ شەكارادان ۆيزاسىز ءوتۋ ساياساتى جاعىندا، بارلىق سىرتقا اشىق ۇستالعان وتكەلدەردە ءار ەل ازاماتتارىنا 24 ساعات شەكارادان ۆيزاسىز ءوتۋ ساياساتى اتقارىلىپ، 18 ولكەنىڭ (رايون، قالا) 23 قالاسىنداعى 31 شەكارا وتكەلىندە 54 مەملەكەتتىڭ ادامدارىنا شەكارادان 72/144 ساعات ۆيزاسىز كىرۋ ساياساتى جولعا قويىلدى، وڭىرلىك شەكارادان ۆيزاسىز كىرۋ ساياساتى جاعىندا، شياڭگاڭ، اۋمىن رايونىندا جۇرگەن شەتەلدىكتەردىڭ ۇيىرمە ۇيىمداستىرىپ گۋاڭدۇڭعا 144 ساعات ۆيزاسىز كىرۋى، شىعىس وڭتۇستىك ازيا ەلدەرى وداعىنا مۇشە 10 مەملەكەتتىڭ ساياحات ۇيىرمەسىنىڭ گۋاڭشيعا 144 ساعات ۆيزاسىز كىرۋى، شاڭحايعا جولاۋشىلار كەمەسىنىڭ شەكارادان 15 كۇن ۆيزاسىز كىرۋى، حاينانعا 59 مەملەكەت ادامدارىنىڭ 30 كۇن ۆيزاسىز كىرۋى قاتارلىلاردى قامتيدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
