عىلىم - تەحنيكادا جاڭالىق اشۋدىڭ ”بۇيداسىن“ مىقتى ۇستاپ، كاسىپ سالاسىن ورنالاستىرۋدىڭ ”العاشقى قادامىن“ جاقسى باستى
شىنجىن ستراتەگيالىق جاڭادان گۇلدەنگەن كاسىپ سالالارى مەن بولاشاق كاسىپ سالالارىن بەلسەنە جەتىلدىردى (جاڭا سيپاتتى وندىرگىش كۇشتەردى جەدەل قالىپتاستىرۋ)
«حالىق گازەتىنىڭ» تىلشىلەرى حۋ جيان، چىڭ يۋانجوۋ
2023.11.27 16:02 كەلۋ قاينارى : حالىق تورابى
باس شۋجي شي جينپيڭ بىلاي دەپ اتاپ كورسەتتى: ”عىلىم - تەحنيكادا جاڭالىق اشۋ بايلىعىن بىرىكتىرىپ، ستراتەگيالىق جاڭادان گۇلدەنگەن كاسىپ سالالارى مەن بولاشاق كاسىپ سالالارىنىڭ دامۋىنا جەتەكشىلىك ەتىپ، جاڭا سيپاتتى وندىرگىش كۇشتەردى جەدەل قالىپتاستىرۋ كەرەك“.
باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرعان گۋاڭدۇڭ ولكەسى شىنجىن قالاسى جاڭالىق اشۋ ارقىلى دامۋعا دەم بەرۋ ستراتەگياسىن بۇلجىتپاي اتقارىپ، جاڭالىق اشۋ تىزبەگىنىڭ، كاسىپ سالاسى تىزبەگىنىڭ، قارجى تىزبەگىنىڭ، دارىندىلار تىزبەگىنىڭ ىشكەرىلەي توعىسۋىن ىلگەرىلەتىپ، ستراتەگيالىق جاڭادان گۇلدەنگەن كاسىپ سالالارى مەن بولاشاق كاسىپتەردى بەلسەنە جەتىلدىرىپ، جاڭا سيپاتتى وندىرگىش كۇشتەردى جەدەل قالىپتاستىردى.
بۇكىل دۇنيە جۇزىندەگى ءار 7 زەردەلى قول تەلەفوننىڭ بىرەۋى شىنجىندا جاسالعان، حابارلاسۋ نەگىزدىك پۋنكتىنىڭ ءونىم مولشەرى بۇكىل دۇنيە ءجۇزىنىڭ تەڭ جارىمىن ۇستايدى، تىرشىلىك ينفورماتسياسى مەن ەمدەۋ جابدىقتارىنىڭ ءونىم مولشەرى بۇكىل دۇنيە ءجۇزىنىڭ 20 پايىزىن ۇستايدى، تۇتىنۋ دارەجەسىندەگى ۇشقىشسىز ۇشاقتىڭ ءونىم مولشەرى دۇنيە ءجۇزىنىڭ 70 پايىزىن ۇستايدى... شىنجىن دۇنيە جۇزىندەگى ماڭىزدى ىقپالعا يە كاسىپ سالاسى عىلىم - تەحنيكاسىندا جاڭالىق اشۋ ورتالىعىن جەدەل قۇرۋدا.
”بۇل − ءبىز ەڭ جاڭا زەرتتەپ جاساعان ەرەكشە كەڭەيمە تەمپەراتۋرالى فوسفور قىشقىل تەمىر ليتي باتەرياسى، نولدەن تومەن 30 سەلتسي گرادۋستا %91 زاريادتالادى، نولدەن تومەن 70 سەلتسي گرادۋستا دا قالىپتى پايدالانىلادى“. جۇڭگو عىلىم اكادەمياسى شىنجىن وزىق تەحنيكا زەرتتەۋ ورنىندا وزىق ەنەرگيا ساقتاۋ تەحنيكاسىن زەرتتەۋ ورتالىعىنىڭ مەڭگەرۋشىسى تاڭ يۇڭبيڭ ءبىر جاعىنان كورسەتىپ، ءبىر جاعىنان بىلاي دەپ تانىستىردى: ”بۇل جەتىستىك يجياشين جاڭا ەنەرگيالى اۆتوموبيل كاسىپورنى العا قويعان تاقىرىپتان كەلگەن، مۇنداعى ماقسات ەلەكترلى اۆتوموبيلدىڭ قىستا ءۇرتىس قاتىناۋى مەن تومەن تەمپەراتۋرادا ىسكە قوسىلۋى قيىن بولۋ ماسەلەسىن شەشۋ“.
كاسىپ سالاسى تاقىرىبى، عىلمي زەرتتەۋ سۇراۋلارىنا جاۋاپ بەرۋ شىنجىننىڭ ستراتەگيالىق جاڭادان گۇلدەنگەن كاسىپ سالاسى مەن بولاشاق كاسىپ سالاسىنىڭ دامۋىن ىلگەرىلەتۋدەگى ماڭىزدى تاسىلىنە اينالدى. شىنجىن قالالىق عىلىم - تەحنيكادا جاڭالىق اشۋ كوميتەتى پارتيا باسشىلىق گرۋپپاسىنىڭ شۋجيى، مەڭگەرۋشى جاڭ لين مىنانى ءبىلدىردى: شىنجىن نازاردى كاسىپورىننىڭ ”ىستەگىسى كەلسە دە ىستەي الماي كەلگەن“قامال الۋ مىندەتىنە شوعىرلاندىرىپ، كاسىپورىنداردىڭ جوعارى مەكتەپتەرمەن، عىلمي زەرتتەۋ ورىندارىمەن، كاسىپ تىزبەگىنىڭ جوعارعى، تومەنگى اعارىمەن ىشكەرىلەي سەلبەسۋىن زور كۇشپەن قولداپ، جۇيەلى، مىندەت تيبىندەگى جاڭالىق اشۋ بىرلەستىگىن قۇردى، سونداي - اق ”قابىلەتتىلەر باستاماشى بولىپ ىستەۋ“ نىساندارىن سارالاۋ ءتۇزىمى سياقتى مەحانيزمدەردى ورناتىپ، شەشۋشى تەحنيكا جاعىندا قيىن ماسەلەلەردەن قامال الۋدى جەدەلدەتتى.
كاسىپ سالاسىنىڭ دامۋىنا باعىتتالعان بىرلەسىپ قامال الۋ داعدىلى جاعدايعا اينالدى. تاياۋدا جۇڭگو عىلىم اكادەمياسى شىنجىن وزىق تەحنيكا زەرتتەۋ ورنى شىنجىن حاۋيىڭ ەمدەۋ عىلىم - تەحنيكا شەكتى سەرىكتەستىگىمەن، مەملەكەتتىك جوعارى يقۋاتتى ەمدەۋ جابدىقتارىندا جاڭالىق اشۋ ورتالىعىمەن بىرلەسىپ زەرتتەۋ - اشۋ ۇيىرمەسىن ۇيىمداستىرىپ، ەڭ جوعارى جيىلىكتەگى قان تامىر ىشىندەگى ۋلترا دىبىستى كەسكىندەۋ جۇيەسىن ءساتتى زەرتتەپ جاسادى. قازىر بۇل شيپاحانا ساۋداگەر شاقىرۋ مەكەمەسى توبى، حۋاۋەي سەرىكتەستىگى، ليانيىڭ ەمدەۋى، شاڭتاڭ عىلىم - تەحنيكاسى سياقتى كاسىپورىندارمەن جيىنى 231 بىرلەسكەن تاجىريبەحانا قۇرىپ، ءبىر مىڭ 200 گە جۋىق نىسانعا قول قويدى.
عىلىم - تەحنيكادا جاڭالىق اشۋدىڭ ”بۇيداسىن“ مىقتى ۇستاعان شىنجىن نەگىزدىك زەرتتەۋدىڭ قاينار كوزىن اشۋ قابىلەتىن كۇش سالا جوعارىلاتىپ، قالا دارەجەلى عىلىم - تەحنيكالىق زەرتتەۋ - اشۋ قارجىسىنىڭ %30 تەن تومەن بولماۋىندا تاباندى بولىپ، ونى نەگىزدىك زەرتتەۋ مەن قولدانىلمالى نەگىزدىك زەرتتەۋگە جۇمسادى. قازىر شىنجىنداعى ءار دارەجەلى، ءار ءتۇرلى جاڭالىق اشۋ دانەكەرلەرى 3 مىڭ 600 دەن استى، بۇل ءبىر مەملەكەتتىك تاجىريبەحانا، 13 مەملەكەتتىك ءتۇيىندى تاجىريبەحانا، 5 مەملەكەت دارەجەلى جاڭالىق اشۋ ورتالىعى، سونداي - اق پىڭچىڭ يۇنناۋ، مەملەكەتتىك اسقىن ەسەپتەۋ شىنجىن ورتالىعىنىڭ 2 - مەرزىمى، ميعا تالداۋ جاساۋ جانە ميعا ەلىكتەۋ سياقتى ءبىر توپ ءىرى عىلمي قۇرىلعىنى قامتيدى.
11 - ايدىڭ 24 - كۇنى بييادي سەرىكتەستىگىنىڭ 6 ميلليون جاڭا ەنەرگيالى اۆتوموبيلى جاسالىپ بولدى. ”5 ميلليون دانادان“”6 ميلليون داناعا “ دەيىن نەبارى 3 ايدان استام ۋاقىت جۇمسالدى.
بييادي ۋاكىلدىك ەتكەن جاڭا ەنەرگيالى اۆتوموبيل كاسىبى شىنجىن ەكونوميكاسىنىڭ ساپالى دامۋىنىڭ ماڭىزدى قوزعالتقىشىنا اينالدى. شىنجىن وڭ - تەرىس ەلەكترود ماتەريالدارىنان، ەلەكتروليت سۇيىقتىعىنان، باتەريا پەردەسىنەن قوزعاۋشى كۇش باتەرياسى ونىمدەرىن جاساۋعا دەيىن، جاڭا ەنەرگيالى اۆتوموبيلدەردىڭ ەلەكتر ماشينالارىنان، ەلەكترمەن مەڭگەرۋدەن، ەلەكترلى جالپى تۇلعادان، سايكەستى زاريادتاۋ قۇرىلعىلارىنان تۇتاس اۆتوموبيل جاساۋعا دەيىن، زەرتتەۋ - اشۋ، ءوندىرۋ جانە ساتۋ ءبىر تۇلعالانعان كەمەلدى كاسىپ شوعىرىن نەگىزىنەن قالىپتاستىردى.
كاسىپ سالاسىن ورنالاستىرۋدىڭ ”العاشقى قادامىن“ جاقسى باسقان شىنجىن جاڭا كاسىپ سالاسىن جەتىلدىرۋدى جاڭا سيپاتتى وندىرگىش كۇشتى جەدەل قالىپتاستىرۋدىڭ نەگىزگى شەبى ەتىپ، ستراتەگيالىق جاڭادان گۇلدەنگەن كاسىپ شوعىرىن جانە بولاشاق كاسىپ شوعىرىن قالىپتاستىردى: ينتەگرالدى تىزبەك جاعىندا، تۇتاس تىزبەكتى تەحنيكادان قامال الۋ جانە تۇتاس ءونىم تۇرلەرىن جاساۋ؛ زەردەلى ينتەرنەتپەن بىرلەسكەن اۆتوموبيل جاعىندا، ”جاڭا بۋىن دۇنيە جۇزىندەگى بىرەگەي اۆتوموبيل بازارىن“ جوبالاپ ورنالاستىردى؛ جاڭاشا ەنەرگيا ساقتاۋ جاعىندا، دۇنيە ءجۇزى بويىنشا ماڭداي الدى جاڭاشا ەنەرگيا ساقتاۋ كاسىپ ورتالىعىن كۇش سالا قۇردى...
كاسىپورىن − عىلىم - تەحنيكادا جاڭالىق اشۋدىڭ نەگىزگى تۇلعاسى، جاڭا سيپاتتى وندىرگىش كۇشتەردى جەدەل قالىپتاستىرۋداعى ماڭىزدى كۇش. شىنجىن قالالىق حالىق ۇكىمەتى دامۋدى زەرتتەۋ ورتالىعى ەكونوميكا باسقارماسىنىڭ باستىعى وۋياڭ رىنتاڭ بىلاي دەپ تانىستىردى: شىنجىن كاسىپورىنداردىڭ عىلىم - تەحنيكادا جاڭالىق اشۋداعى نەگىزگى تۇلعالىق ورنىن كۇشەيتىپ، ”6 جاقتاعى %90 تى“ جارىققا شىعاردى: %90 تەن استام جاڭاشىل كاسىپورىن − جەرگىلىكتى كاسىپورىن، %90 تەن استام زەرتتەۋ - اشۋ قۇرىلىمى كاسىپورىندا، %90 تەن استام عىلمي زەرتتەۋ قىزمەتكەرلەرى كاسىپورىنعا شوعىرلانعان، %90 تەن استامى زەرتتەۋ - اشۋ قارجىسى كاسىپورىننان كەلەدى، %90 تەن استام مىندەتتىك تاپقىرلىق پاتەنتى كاسىپورىننان شىعادى، %90 تەن استام كەلەلى عىلىم - تەحنيكا نىساندارىنىڭ تاپقىرلىق پاتەنتى باستاماشى كاسىپورىننان شىعادى.
تاياۋدا وتكىزىلگەن 25 - كەزەكتى جۇڭگو حالىقارالىق جوعارى، جاڭا تەحنيكا جەتىستىكتەرى جارمەڭكەسىندە شىنجىن يۇنتيان ليفي تەحنيكا شەكتى جارنا سەرىكتەستىگى جاريالاعان جاڭا بۋىن جاساندى زەردە چيپى نازار اۋدارعان تۇيىنگە اينالدى. ”ءبىز كوپتەگەن كاسىپورىنمەن سەلبەستىك ورىستەتىپ، ەلىمىزدە وندىرىلگەن چيپتەردىڭ ءار سالادا جانە ورتادا قولدانىلۋىن بىرگە ىلگەرىلەتۋدەمىز“ دەدى يۇنتيان ليفي سەرىكتەستىگىنىڭ باسالقاسى، قوسىمشا باس اتقارۋشىسى چىن نيڭ.
عىلمي زەرتتەۋ مەن كاسىپ سالاسىنىڭ ”قولى“ بارعان سايىن نىعايىپ، دامۋدىڭ جاڭا قوزعاۋشى كۇشى ۇزدىكسىز كۇشەيدى. بيىل الدىڭعى 3 توقساندا شىنجىن قالاسىنىڭ ستراتەگيالىق جاڭادان گۇلدەنگەن كاسىپ سالاسىنىڭ ارتقان قۇنى ءبىر تريلليون 39 ميلليارد 367 ميلليون يۋانعا جەتىپ، بىلتىرعى سول تۇستاعىدان %8.3 ارتىپ، وڭىرلىك ءوندىرىس جالپى ءونىم قۇنىنداعى سالىستىرماسى %42.5 كە جوعارىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
