الدىڭعى 10 ايدا قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى سايكەس مەزگىلدەگىدەن %6.9 ارتتى (جاڭا ساندى مالىمەت، جاڭا ءتۇيىن)
تۇتىنۋ ءۇرتىس قالپىنا كەلىپ، جوعارىلادى
2023.11.27 16:03 كەلۋ قاينارى : حالىق تورابى
«حالىق گازەتى»، 11 - ايدىڭ 26 - كۇنى، بەيجيڭ (ءتىلشى ۋاڭ كى). ءتىلشىنىڭ تاياۋدا ساۋدا مينيسترلىگىنەن ۇعىسۋىنشا، 10 - ايدا قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 4 تريلليون 300 ميلليارد يۋان بولىپ، سايكەس مەزگىلدەگىدەن %7.6 ارتىپ، ارتۋ قارقىنى 9 - ايداعىدان 2.1 پايىز تەزدەپ، ءۇرتىس 3 اي جوعارىلاعان؛ 1 - ايدان 10 - ايعا دەيىن قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 38 تريلليون 540 ميلليارد يۋان بولىپ، سايكەس مەزگىلدەگىدەن %6.9 ارتىپ، تۇتىنۋ ءۇرتىس قالپىنا كەلىپ، جوعارىلاعان.
تاۋار تۇتىنۋىنىڭ ارتۋ قارقىنى تەزدەدى. 10 - ايدا تاۋاردىڭ بولشەك ساتىلۋ سوماسى سايكەس مەزگىلدەگىدەن %6.5 ارتىپ، ارتۋ قارقىنى 9 - ايداعىدان 1.9 پايىز تەزدەدى. دالالىق سپورت، جاڭاشا ەلەكتروندىق ونىمدەر، جاڭا ەنەرگيالى اۆتوموبيل، زەردەلى ءۇي ەلەكتر جابدىقتارى سياقتى دارەجەسىن جوعارىلاتۋ تۇرىندەگى تاۋارلاردىڭ ارتۋ جاعدايى ءبىرشاما جاقسى بولدى. شەكتى سومادان جوعارى ورىنداردىڭ دەنە تاربيە، كوڭىل اشۋ بۇيىمدارى، حابارلاسۋ اسپاپتارى، اۆتوموبيل، ءۇي ەلەكتر جابدىقتارىنىڭ بولشەك ساتىلۋ سوماسى سايكەس مەزگىلدەگىدەن جەكە - جەكە %25.7، %14.6، %11.4 جانە %9.6 ارتىپ، 9 - ايداعىدان جەكە - جەكە 15.0، 14.2، 8.6 جانە 11.9 پايىز تەزدەدى. جاڭا ەنەرگيالى اۆتوموبيلدەردىڭ ساتىلۋ مولشەرى سايكەس مەزگىلدەگىدەن %33.5 ارتىپ، جاڭا اۆتوموبيلدەردىڭ ساتىلۋ مولشەرىندەگى سالىستىرماسى %33.5 كە جەتتى.
قىزمەت وتەۋ تۇتىنۋى ءبىرشاما تەز ارتتى. 1 - ايدان 10 - ايعا دەيىن قىزمەت وتەۋدىڭ بولشەك ساتىلۋ سوماسى سايكەس مەزگىلدەگىدەن %19.0 ارتتى. مەرەكە اسەرى سياقتى فاكتورلاردىڭ جەبەۋىندە، مادەنيەت، ساياحات، قاتىناس، ءجۇرىس - تۇرىس سياقتى قىزمەت وتەۋ، تۇتىنۋ قاجەتى شوعىرلى تۇردە جارىققا شىقتى. 10 - ايدا اس - سۋ كىرىسى 480 ميلليارد يۋان بولىپ، سايكەس مەزگىلدەگىدەن %17.1 ارتتى؛ كينو بەلەتى كىرىسى 3 ميلليارد 600 ميلليون يۋاننان اسىپ، سايكەس مەزگىلدەگىدەن %70 ارتتى.
توراپتا بولشەك ساتۋدىڭ ارتۋ جاعدايى ءبىرشاما جاقسى بولدى. 1 - ايدان 10 - ايعا دەيىن توراپتا بولشەك ساتۋ سوماسى 12 تريلليون 300 ميلليارد يۋان بولىپ، سايكەس مەزگىلدەگىدەن %11.2 ارتتى، مۇنىڭ ىشىندە ناقتى زات تاۋارلارىنىڭ توراپتا بولشەك ساتىلۋ سوماسى 10 تريلليون 300 ميلليارد يۋان بولىپ، سايكەس مەزگىلدەگىدەن %8.4 ارتتى، قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسىنداعى سالىستىرماسى %26.7 كە جەتتى.
ناقتى دۇكەندەردىڭ بولشەك ساتۋى ۇزدىكسىز قالپىنا كەلدى. 1 - ايدان 10 - ايعا دەيىن شەكتى سومادان جوعارى ناقتى دۇكەندەردىڭ بولشەك ساتۋ سوماسى سايكەس مەزگىلدەگىدەن %4.3 ارتىپ، ارتۋ قارقىنى 1 - ايدان 9 - ايعا دەيىنگى شامادان 0.3 پايىز تەزدەدى. مۇنىڭ ىشىندە قولايلى دۇكەندەردىڭ، ءتۇرلى بۇيىمدار دۇكەندەرىنىڭ، كاسىپتىك دۇكەندەردىڭ، ايگىلى ماركالى تاۋارلاردى ارناۋلى ساتۋ دۇكەندەرىنىڭ بولشەك ساتۋ سوماسى سايكەس مەزگىلدەگىدەن جەكە - جەكە %7.3، %7.2، %4.7، %3.6 ارتتى.
قالا مەن اۋىلدىڭ تۇتىنۋى ورنىقتى ارتتى. 10 - ايدا قالا - قالاشىق تۇتىنۋ بۇيىمدارىنىڭ بولشەك ساتىلۋ سوماسى 3 تريلليون 700 ميلليارد يۋان بولىپ، سايكەس مەزگىلدەگىدەن %7.4 ارتتى؛ اۋىل - قىستاق تۇتىنۋ بۇيىمدارىنىڭ بولشەك ساتۋ سوماسى 585 ميلليارد 400 ميلليون يۋان بولىپ، سايكەس مەزگىلدەگىدەن %8.9 ارتتى. 1 - ايدان 10 - ايعا دەيىن قالا - قالاشىق، اۋىل - قىستاق تۇتىنۋ بۇيىمدارىنىڭ بولشەك ساتۋ سوماسى جەكە - جەكە 3 تريلليون 390 ميلليارد يۋان جانە 5 تريلليون 160 ميلليارد يۋان بولىپ، سايكەس مەزگىلدەگىدەن جەكە - جەكە %6.8 جانە %7.6 ارتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
