راديو - تەلەۆيزيا باس مەكەمەسى: سىمدى تەلەۆيزيا تەرمينال جۇيەسىنىڭ اۋەلگى قوندىرىلىمى ”تەلەۆيزوردى اشقان كەزدە تولىق ەكراندى تىكە تاراتىلىمعا جالعاناتىن“ بولۋى كەرەك
2023.11.28 15:45 كەلۋ قاينارى : حالىق تورابى
ءتىلشىنىڭ 11 - ايدىڭ 27 - كۇنى مەملەكەتتىك راديو - تەلەۆيزيا باس مەكەمەسىنەن ۇعىسۋىنشا، راديو - تەلەۆيزيا باس مەكەمەسى جۋىردا «سىمدى تەلەۆيزيا كاسىبىنىڭ تەحنيكالىق تالابى» قاتارلى راديو - تەلەۆيزيا جانە ينتەرنەتتىك بەرىلىم كاسىبىنىڭ ءۇش ءتۇرلى ولشەمى تۋرالى ۇقتىرۋدى جاريالاپ، سىمدى تەلەۆيزيا تەرمينالىندا ”تەلەۆيزوردى اشقان كەزدە تولىق ەكراندى تىكە تاراتىلىمعا كىرۋ“ جانە ”تەلەۆيزوردى اشقان كەزدە تىكە تاراتىلىم ارنالارى كورنەكتىلەندىرىلگەن اۋىسپالى باستى بەتكە كىرۋ“ سىندى ەكى ءتۇرلى ”تەلەۆيزور قويۋ“ ءتاسىلىن ازىرلەۋ، جۇيەنىڭ اۋەلگى قوندىرىلىمىن ”تەلەۆيزوردى قويعان كەزدە تولىق ەكراندى تىكە تاراتىلىمعا كىرۋ“ دەگەنگە رەتتەۋ كەرەك دەپ تالاپ ەتتى.
قاتىستى ۇقتىرۋعا نەگىزدەلگەندە، سىمدى تەلەۆيزوردىڭ زەردەلى قابىلداعىش ساندىقشاسىن اشۋعا كەتەتىن ۋاقىت 35 سەكۋندتان اسپاۋى كەرەك. سىمدى تەلەۆيزوردى ىسكە قوساتىن قۇرىلىمدار تىكە تاراتىلىم ارناسى جانە ۋاقىتتى جوتكەپ كورۋگە بولاتىن ارنا، قايتالاپ كورۋگە بولاتىن ارنا، بەينە كەسكىندى تاپسىرىسپەن قويۋ ارناسى قاتارلى سىمدى تەلەۆيزيالىق قىزمەت وتەۋدى ازىرلەگەن كەزدە، ەكران بەتىنىڭ جيناقى دا ۇيلەسىمدى بولۋىنا، مەڭگەرۋدىڭ قولايلى دا تەز بولۋىنا، قويىلىمداردى جولداۋدىڭ ساپالى بولۋىنا كەپىلدىك ەتۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
