ەلىمىزدىڭ ونەركاسىپ كاسىپورىندارىنىڭ پايداسى ءۇرتىس 3 اي ارتتى (جاڭا ساندى مالىمەت، جاڭا ءتۇيىن)
2023.11.28 16:55 كەلۋ قاينارى : حالىق تورابى
«حالىق گازەتى»، 11 - ايدىڭ 27 - كۇنى، بەيجيڭ (ءتىلشى ليۋ جىچياڭ). 11 - ايدىڭ 27 - كۇنى مەملەكەتتىك ساناق مەكەمەسى ونەركاسىپ كاسىپورىندارىنىڭ پايدا ساندى مالىمەتىن جاريالادى: 10 - ايدا بۇكىل ەلدەگى كولەمدەنگەن ونەركاسىپ كاسىپورىندارىنىڭ پايداسى سايكەس مەزگىلدەگىدەن %2.7 ارتىپ، ءۇرتىس 3 اي وڭ ارتۋدى جۇزەگە اسىرىپ، ونەركاسىپ كاسىپورىندارىنىڭ ونىمدىلىگى ۇزدىكسىز جاقساردى.
ونەركاسىپ كاسىپورىندارىنىڭ جالپى تيجارات كىرىسى ارتۋعا قاراي بۇرىلىس جاسادى. ونەركاسىپ ءوندىرىسى ورنىقتى ارتىپ، ونىمدەردىڭ ساتىلۋ شاماسى ءۇرتىس 4 اي %97 تەن جوعارى بولىپ، كاسىپورىنداردىڭ تيجارات كىرىسىنىڭ ۇزدىكسىز جاقسارۋىنا تۇرتكى بولدى. 1 - ايدان 10 - ايعا دەيىن ونەركاسىپ كاسىپورىندارىنىڭ تيجارات كىرىسى سايكەس مەزگىلدەگىدەن %0.3 ارتىپ، 1 - ايدان 9 - ايعا دەيىنگى سايكەس مەزگىلدەگى تەڭ بولۋدان ارتۋعا بۇرىلىس جاسادى. مۇنىڭ ىشىندە 10 - ايدا ونەركاسىپ كاسىپورىندارىنىڭ تيجارات كىرىسى سايكەس مەزگىلدەگىدەن %2.5 ارتىپ، ارتۋ قارقىنى 9 - ايداعىداي 1.3 پايىز تەزدەپ، ءۇرتىس 4 اي جوعارىلادى.
ءۇش ۇلكەن تۇردەگى پايدا تۇگەلدەي جوعارىلاپ، %70 تەن استام كاسىپ سالاسىنىڭ پايداسى جاقساردى. 1 - ايدان 10 - ايعا دەيىن ەلەكتر، جىلۋ، جانار گاز جانە سۋ ءوندىرىسى مەن قامداۋ كاسىبىنىڭ پايداسى سايكەس مەزگىلدەگىدەن %40 ارتىپ، ارتۋ قارقىنى 1.3 پايىز تەزدەدى. 1 - ايدان 10 - ايعا دەيىن 41 ءىرى ونەركاسىپ سالاسىنىڭ ىشىندە 30 كاسىپ سالاسىنىڭ پايداسىنىڭ ارتۋ قارقىنى 1 - ايدان 9 – ايعا دەيىنگىدەن تەزدەدى نەمەسە تومەندەۋ مولشەرى تارايىپ، تومەندەۋدەن ارتۋعا بۇرىلىس جاسادى.
شيكىزات، تۇتىنۋ بۇيىمدارى كاسىبىنىڭ پايداسى ۇزدىكسىز جاقساردى. تومەنگى اعارداعى سۇرانىستىڭ ۇزدىكسىز قالپىنا كەلۋىنە بايلانىستى، شيكىزات سالاسىنداعى ونىمدەردىڭ باعاسى جالپى تۇلعالىق جاقتان جوعارىلاپ، تيجارات كىرىسىنىڭ ارتۋى تەزدەدى. 10 - ايدا شيكىزات - جاساۋ كاسىبىنىڭ پايداسى سايكەس مەزگىلدەگىدەن %22.9 ارتىپ، ءبىرشاما تەز ارتۋدى ۇزدىكسىز ساقتاپ، ونەركاسىپ پايداسىنىڭ ارتۋىنا قوسقان ۇلەسى ەڭ زور بولدى. ىشكى سۇرانىمدى كەڭەيتىپ، تۇتىنۋدى جەبەۋ ساياساتىنىڭ ونىمدىلىگى ۇزدىكسىز كورنەكتىلەنىپ، تۇتىنۋ بازارى بىرتىندەپ جانداندى. 10 - ايدا تۇتىنۋ بۇيىمدارىن جاساۋ كاسىبىنىڭ پايداسى سايكەس مەزگىلدەگىدەن %2.2 ارتىپ، ءۇرتىس 3 اي ارتتى.
جابدىق جاساۋ كاسىبىنىڭ پايداسى ءۇرتىس ارتتى. 1 - ايدان 10 - ايعا دەيىن جابدىق جاساۋ كاسىبىنىڭ پايداسى سايكەس مەزگىلدەگىدەن %1.1 ارتتى. جابدىق جاساۋ كاسىبى پايداسىنىڭ كولەمدەنگەن ونەركاسىپتەگى سالىستىرماسى %35.1 بولىپ، سايكەس مەزگىلدەگىدەن 3.1 پايىز جوعارىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
