وقۋ - اعارتۋ مينيسترلىگى مىناداي ارەكەتتەردى قاتاڭ تەكسەرىپ ءبىرجاقتى ەتەدى
2023.12.04 16:40 كەلۋ قاينارى : حالىق تورابى
جۋىردا وقۋ - اعارتۋ مينيسترلىگى شاندۇڭ ولكەسىنىڭ چيڭداۋ قالاسىندا مەملەكەت بويىنشا تۇڭعىش رەتكى مەكتەپ سىرتىنداعى كۋرسكە قاتىستى اكىمشىلىك جاقتان زاڭ اتقارۋ قىزمەتى جونىندەگى جۇمىس باسىنداعى ءماجىلىستى اشىپ، مەكتەپ سىرتىنداعى كۋرسكە قاتىستى زاڭ اتقارۋدى قاتاڭ، جۇيەلى، ءادىل، وركەنيەتتى ورىستەتۋدى، قاتەلىگىنە ساي كەلەتىن جازا بەرۋ پرينسيپىندە تاباندى بولۋدى، جازالاۋ مەن تاربيە بەرۋدى ۇشتاستىرۋعا تاباندى بولۋدى تالاپ ەتكەن. مەكتەپ سىرتىنداعى كۋرسكە قاتىستى زاڭ اتقارۋدى، باقىلاۋدى كۇشەيتۋ بارىسىندا، جازالاۋ بارىسىندا مىندەتتىك ۇقىعىن الباتى پايدالانۋ، شەكتەن تىس پايدالانۋ قاتارلى زاڭعا قايشى ارەكەتتەر جونىندە باقىلاۋ جۇرگىزۋدى كۇشەيتۋمەن بىرگە، زاڭ اتقارۋشى ورگانداردى قىزمەتتىك جاۋاپكەرشىلىگىن بەلسەندى اتقارۋعا، بالالاردىڭ كوڭىلدى بالالىق شاعىن زاڭ بويىنشا قورعاۋعا قۋزايدى.
ماجىلىستە مىنالار باسا دارىپتەلگەن: مەكتەپ سىرتىنداعى كۋرستاردى جونگە سالۋدا زاڭ ارقىلى جونگە سالۋدىڭ جەتەكشىلىك ەتۋ، ىلگەرىلەتۋ جانە كەپىلدىك ەتۋ رولىن ساۋلەلەندىرىپ، مەكتەپ سىرتىنداعى كۋرستاردى زاڭمەن جونگە سالۋ ارناسى بويىنشا جۇمىس جۇرۋگە جەتەلەۋ قاجەت. مەكتەپ سىرتىنداعى كۋرس سالاسىنىڭ ءتارتىبىن زاڭ بويىنشا جۇيەگە ءتۇسىرىپ، شىنايى دا سەنىمدى، زاڭدى ساۋدانى ىلگەرىلەتۋ قاجەت. حالىق بۇقاراسىنىڭ زاڭدى ۇقىق - مۇددەسىن زاڭ بويىنشا قورعاپ، زاڭعا قايشى كۋرس اشۋ ارەكەتىن، وتە - موتە، كۋرس قۇرىلىمدارىنان ”قاراجاتتى قايتارىپ الۋدىڭ قيىن بولۋى“، ولاردىڭ ”اقشانى الىپ تايىپ تۇرۋى“ قاتارلى ارەكەتتەردى قاتاڭ تەكسەرىپ ءبىرجاقتى ەتۋ قاجەت.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
