اۋىل شارۋاشىلىعى جانە اۋىل - قىستاق مينيسترلىگى 5 جاقتاعى شارانى ورنالاستىرىپ، كوكونىس ءونىمىن ورنىقتىرۋ، قامداۋدى قامتاماسىز ەتۋدى كۇشەيتتى
2023.12.13 16:23 كەلۋ قاينارى : حالىق تورابى
شينحۋا اگەنتتىگىنىڭ 12 – ايدىڭ 12 – كۇنى بەيجيڭنەن بەرگەن حابارى. بيىل قىس پەن كەلەر جىلى كوكتەمدە، اسىرەسە، جاڭا جىل، كوكتەم مەرەكەسى كەزىندە كوكونىسپەن قامداۋعا كەپىلدىك ەتىپ، باعانى ورنىقتىرۋ ءۇشىن، اۋىل شارۋاشىلىعى جانە اۋىل - قىستاق مينيسترلىگى تاياۋدا كەزەكتەگى كوكونىس ءوندىرۋ، ساتۋ قىزمەتى جونىندە ورنالاستىرۋ جاساپ، وندىرىسكە جەتەكشىلىك ەتۋدى كۇشەيتىپ، بىركەلكى قامداۋدى جەبەپ، باقىلاۋ - تەكسەرۋدى، ساقتاندىرۋدى كۇشەيتىپ، ءوندىرۋ مەن ساتۋدى ۇشتاستىرۋدى ويداعىداي ىستەپ، وندىرىلگەن جەردەگى قامبادا جاس كۇيىندە ساقتاۋ قۇرىلعىلارىنىڭ پايدالانىلۋ ونىمدىلىگىن جوعارىلاتۋ قاتارلى 5 ءتۇرلى شارانى ورتاعا قويدى.
بۇل ءتىلشىنىڭ 12 – ايدىڭ 12 – كۇنى اۋىل شارۋاشىلىعى جانە اۋىل ـ قىستاق مينيسترلىگىنەن ۇعىسقان حابارى.
اۋىل شارۋاشىلىعى جانە اۋىل ـ قىستاق مينيسترلىگى مىنالاردى تالاپ ەتتى: ءار دارەجەلى اۋىل شارۋاشىلىعى جانە اۋىل ـ قىستاق تاراۋلارى جاۋاپكەرشىلىكتى قاتايتىپ، ناقتىلاندىرىپ، ءتارتىپتى وندىرىسكە جەتەكتەپ، قوسىمشا ازىق - تۇلىك ونىمدەرىن ءوندىرۋدى، قامداۋدى شىنايى كۇشەيتىپ، ءوندىرۋ مەن ساتۋدى ۇشتاستىرۋدى كۇشەيتىپ، كوكونىس ەگەتىن شارۋالاردىڭ كىرىسىن قامتاماسىز ەتۋ كەرەك. اۋا رايىنىڭ وزگەرۋىنە ٴجىتى نازار اۋدارىپ، كوكونىس ءوندىرىپ شىعارۋ جانە اپاتقا قارسى تۇرۋ تەحنيكا جوباسىن ىشكەرىلەي كەمەلدەندىرىپ، كوكونىس پارنيگى قاتارلى ٴوندىرىس قۇرىلعىلارىن بەكەمدەپ، سۋ، تىڭايتقىش باسقارۋدى كۇشەيتىپ، دەرت – دەربەز، قۇرت اپاتىنىڭ الدىن الۋ - مەڭگەرۋ قىزمەتىن جاقسى ىستەۋ؛ كوكونىس ءتۇرى قۇرىلىمى، ەگۋ كولەمى جانە بازارعا سالۋ ۋاقىتىن ۇيلەسىمدى ورنالاستىرىپ، وڭتۇستىك رايوندار قىس ماۋسىمىنداعى كۇن نۇرى جىلۋى ابزالدىلىعىن تولىق ساۋلەلەندىرىپ، تاپشى كوكونىس ٴتۇرىنىڭ ءوندىرىسىن كەڭەيتۋ، سولتۇستىك رايوندار قۇرىلعىلى كوكونىس كولەمىن ورنىقتىرىپ، قىس پەن كوكتەمدە جەرگىلىكتى ورىندى جاڭا كوكونىسپەن قامداۋ مولشەرىن ارتتىرۋ كەرەك.
سونىمەن بىرگە، بيىل قىس پەن كەلەر جىلى كوكتەمدەگى ەرنينو الا كەلۋى مۇمكىن بولعان اپات سيپاتتى اۋا رايىنىڭ ىقپالىنا قاراتا، ءار دارەجەلى اۋىل شارۋاشىلىعى جانە اۋىل - قىستاق تاراۋلارى ءوندىرۋ، ساتۋ جاعدايىنا تالداۋ جاساۋدى، تۇجىرىم جاساۋدى جانە تاراۋلار اقىلداسۋدى كۇشەيتىپ، بازاردىڭ قالىپسىز وزگەرىسىنەن دەر كەزىندە ساقتاندىرىپ، قاتىستى جوبالاردى ەرتەرەك ىسكە قوسىپ، ولكە، مينيسترلىك بىرلەسىپ قيمىلداۋ قىزمەت مەحانيزمىن اقاۋسىزداندىرىپ، ينفورماتسيا، ءونىم، بازا قاتارلىلاردى ۇلاستىرۋ تەكشەسىن ورناتىپ، ساتىلماي قالۋ مۇمكىندىگى بار كوكونىس تۇرلەرى جونىندە ءوندىرۋ مەن ساتۋدى ۇشتاستىرۋ قىزمەت وتەۋىن كۇشەيتۋ؛ توڭازىتىپ جاس كۇيىندە ساقتاۋ قۇرىلعىلارىنىڭ رولىن تولىق ساۋلەلەندىرىپ، ساقتاۋعا شىدامدى كوكونىستەردى قىستا ساقتاۋ اياق الىسىن جەدەلدەتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
