پارتيانى جاپپاي قاتاڭ باسقارۋدىڭ ىشكەرىلەي دامۋىن ىلگەرىلەتەيىك
__ باس شۋجي شي جينپيڭنىڭ 20 - كەزەكتى ورتالىق ءتارتىپ تەكسەرۋ كوميتەتىنىڭ ءۇشىنشى جالپى ماجىلىسىندە سويلەگەن ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ جونىندە
«حالىق گازەتىنىڭ» شولۋشىسى
2024.01.12 15:02 كەلۋ قاينارى : حالىق تورابى
”پارتيانى جاپپاي قاتاڭ باسقارۋدىڭ ىشكەرىلەي دامۋىن ىلگەرىلەتىپ، پارتيا 20 - قۇرىلتايىنىڭ شەشىمدەرى مەن ورنالاستىرۋلارىنىڭ قاز - قالپىندا دايەكتىلەنۋىن، تياناقتانۋىن ىلگەرىلەتىپ، جاڭا ساپاردىڭ باستالۋىنا پارمەندى جەتەكشىلىك ەتۋ جانە ونى قامتاماسىز ەتۋ كەرەك“. 20 - كەزەكتى ورتالىق ءتارتىپ تەكسەرۋ كوميتەتىنىڭ ءۇشىنشى جالپى ماجىلىسىندە باس شۋجي شي جينپيڭ پارتيا مەن مەملەكەت ىستەرىنىڭ دامۋ جالپى جاعدايىن شىعار ءتۇيىن ەتىپ، پارتيانى جاپپاي قاتاڭ باسقارۋدىڭ تىڭ ىلگەرىلەۋشىلىكتەرىن، تىڭ ناتيجەلەرىن قورىتىندىلاپ، پارتيانىڭ وزىندىك توڭكەرىسىنىڭ ماڭىزدى يدەياسىن تەرەڭ پايىمداپ، شىرىكتەسۋگە قارسى تۇرۋ كۇرەسىنە ۇزدىكسىز كۇش سالۋ، ىشكەرىلەي ىلگەرىلەتۋ جونىندە ستراتەگيالىق ورنالاستىرۋ جاسادى. باس شۋجي شي جينپيڭنىڭ ماڭىزدى ءسوزى الىستى بولجاعان، كوز اياسى كەڭ، يدەياسى تەرەڭ، مازمۇنى باي، جاڭا ءداۋىردىڭ جاڭا جورىعىندا پارتيانى جاپپاي قاتاڭ باسقارۋدى، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتۋگە ءتۇبىرلى تياناق ازىرلەدى.
2023 - جىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلى، سونداي - اق 3 جىلدىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ كەزەڭىنەن كەيىنگى ەكونوميكا قالپىنا كەلگەن، دامىعان ءبىر جىل. شي جينپيڭ جولداستى ۇيىتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، سىرتقى قىسىمعا توتەپ بەرىپ، ىشكى قيىنشىلىقتاردى جەڭىپ، وڭاي - وسپاق قولعا كەلمەگەن، كورنەكتى تابىستارعا قول جەتكىزىپ، جاپپاي سوتسياليستىك وسىزاماندانعان مەملەكەت قۇرۋدا نىق قادام تاستادى. پارتيا ورتالىق كوميتەتى پارتيانىڭ وزىندىك توڭكەرىسىن تاباندىلىقپەن ىلگەرىلەتىپ، بۇكىل پارتيادا شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ىشكەرىلەي ورىستەتىپ، پارتيانى جاپپاي قاتاڭ باسقارۋ مەن شىرىكتەسۋگە قارسى تۇرۋ كۇرەسىنە ۇزدىكسىز كۇش سالىپ، تاماشا ساياسي ەكولوگيانى ۇزدىكسىز بەكەمدەدى جانە دامىتتى. ءبىر جىلدان بەرگى اماليات ”ەكىنى تۇراقتاندىرۋدىڭ“ ءبىزدىڭ ءتۇرلى حاۋىپ - قاتەر مەن سىن - سايىسقا توتەپ بەرۋىمىزدە، جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋىمىزدە شەشۋشى ماڭىز الاتىنىن تاعى ءبىر رەت دالەلدەدى؛ پارتيانى جاپپاي قاتاڭ باسقارۋ − جاڭا داۋىردەگى پارتيانىڭ وزىندىك توڭكەرىسىنىڭ ۇلى امالياتى، پارتيانىڭ ومىرشەڭدىك كۇشىن ماڭگى ساقتاپ، جاڭا ەمتيحان تاپسىرۋ جولىمەن ويداعىداي جۇرۋدە، ءسوز جوق، باسىپ وتەتىن جول.
مەملەكەتتى باسقارۋدا، ءسوز جوق، الدىمەن پارتيانى باسقارۋ كەرەك، پارتيا كوركەيگەندە عانا، مەملەكەتتى قۇدىرەتتەندىرۋگە بولادى. پىشاقتىڭ ءدۇزىن ىشكە قاراتىپ، سۇيەكتى قىرىپ، ۋىتتى ايداپ، كۇشتى دارىمەن اۋرۋدى ەمدەپ، بىلىقپالىقتى قاتاڭ جونگە سالدى، جاڭا داۋىردەن بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى پارتيانى جاپپاي قاتاڭ باسقارۋدى ”ءتورتتى جاپپاي ورىنداۋ“ ستراتەگيالىق ورنالاستىرۋىنا ەنگىزىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن بۇرىن بولماعان باتىلدىقپەن جانە تاباندىلىقپەن ىلگەرىلەتىپ، پارتيانىڭ توڭكەرىستىك شىڭدالۋ بارىسىندا اناعۇرلىم پارمەندى، اناعۇرلىم ومىرشەڭ بولۋىنا مۇمكىندىك جاسادى. وتكەن ءبىر جىلدان بەرى پارتيانىڭ جاڭالىق اشۋ نازارياسىمەن زەيىن - زەردەنى، رۋحتى سومداۋدا تاباندى بولىپ، ۇيرەنۋ ارقىلى رۋحتى سومداۋ، ۇيرەنۋ ارقىلى اقىل - پاراساتتى ارتتىرۋ، ۇيرەنۋ ارقىلى ستيلدى دۇرىستاۋ، ۇيرەنۋ ارقىلى ىستەۋدى جەبەۋ جاقتارىندا ناقتى ونىمدىلىككە قول جەتكىزۋدەن پارتيانىڭ وزەكتى مىندەتىن تىعىز ارقاۋ ەتىپ، ساياسي باقىلاۋدىڭ ناقتىلانۋىن، دالمە – ءدال بولۋىن، ۇدايىلانۋىن كۇش سالا ىلگەرىلەتۋگە دەيىن؛ ءماجىلىستى كوپ اشۋ، قۇجات باستىلىق، ساتى - ساتى سايىن اۋىرتپالىق قوسۋ، قالىپتان تىس ءىز قالدىرۋ سياقتى ماسەلەلەردى قاتاڭ تۇزەتۋدەن فورماشىلدىق، تورەشىلدىك كورنەكتى ماسەلەلەرىن كۇش سالا باسقارۋعا دەيىن، پارتيا مۇشەلەرى، كادرلار قوسىنىنداعى شىرىق بۇزۋشىلاردى باتىل الاستاۋعا دەيىن، پارتيا مۇشەلەرىن، كادرلاردى باسقارۋدى، باقىلاۋدى قاتاڭ، شىنايى كۇشەيتىپ، پارتيامىزدىڭ پارتيانى جاپپاي قاتاڭ باسقارۋدى پارتيانىڭ ۇزاق ۋاقىتتىق ستراتەگياسى، ماڭگىلىك تاقىرىبى ەتكەنىن، قاتاڭ اۋەن، قاتاڭ شارا، قاتاڭ اۋقىممەن ۇزاق ۋاقىت تاباندى بولاتىن بەرىك بەكىمىن جانە مىعىم ەرىك – جىگەرىن تولىق ايگىلەدى.
باس شۋجي شي جينپيڭ بىلاي دەپ دارىپتەدى: ”جاڭا داۋىردەگى پارتيانى جاپپاي قاتاڭ باسقارۋدىڭ 10 جىلدىق امالياتى مەن نازاريالىق ىزدەنىسى بارىسىندا، ءبىز پارتيانىڭ وزىنە توڭكەرىس جاساۋى جونىندەگى تانىمدى ۇزدىكسىز تەرەڭدەتىپ، مول امالياتتىق تاجىريبە توپتاپ، ءبىرقىدىرۋ ماڭىزدى نازاريالىق جەتىستىك قالىپتاستىرىپ، پارتيامىزدىڭ نە ءۇشىن وزىنە توڭكەرىس جاسايتىنى، نە ءۇشىن وزىنە توڭكەرىس جاساي الاتىنى، وزىنە توڭكەرىس جاساۋدى قالاي ىلگەرىلەتە الاتىنى سياقتى كەلەلى ماسەلەلەرگە جۇيەلى جاۋاپ بەردىك“. جاڭا داۋىردە پارتيانى جاپپاي قاتاڭ باسقارۋدا تاريحي، باستاما تابىستارعا قول جەتىپ، جان - جاقتى، تەرەڭ ىقپال تۋدىردى، بۇل تۇپتەپ كەلگەندە، باس شۋجي شي جينپيڭنىڭ جول نۇسقاپ، جەتەكشىلىك ەتۋىنەن، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنەن بولدى. باس شۋجي شي جينپيڭنىڭ پارتيانىڭ وزىندىك توڭكەرىسى جونىندەگى ماڭىزدى يدەياسى بىزگە تىنىشتىق - بىلىقپالىق، گۇلدەنۋ - قۇلدىراۋ سىندى تاريحي پەريودتان اتتاپ شىعۋدىڭ ەكىنشى جاۋابىن تاۋىپ بەردى، بۇل پارتيامىزدىڭ ماركسيزمدىك ساياسي پارتيا قۇرىلىسىنىڭ زاڭدىلىعى، كوممۋنيستىك پارتيانىڭ بيلىك جۇرگىزۋ زاڭدىلىعى جونىندەگى تانىمىنىڭ تىڭ دەڭگەيگە كوتەرىلگەنىنىڭ بەلگىسى سانالىپ، عاسىرلىق ۇلكەن پارتيانىڭ وزىندىك توڭكەرىستىڭ جاڭا ءورىسىن اشۋىنا جەتەكشىلىك ەتتى. جاڭا جورىقتا وسى ماڭىزدى يدەيانى ىشكەرىلەي ۇيرەنىپ، ءتۇسىنىپ، جاپپاي دايەكتىلەندىرىپ، تياناقتاندىرىپ، پارتيانىڭ العاباسارلىعى مەن كىرشىكسىزدىگىنە زيان جەتكىزەتىن بارلىق زياندى فاكتوردى ۇزدىكسىز الاستاپ، پارتيانىڭ اقاۋسىز تۇلعاسىن بۇلدىرەتىن بارلىق اۋرۋ قوزدىرعىشتاردى ۇزدىكسىز الاستاعاندا، ءبىز، ءسوز جوق، پارتيانىڭ ساپاسىنىڭ وزگەرمەۋىنە، سيپاتىنىڭ وزگەرمەۋىنە، قاسيەتىنىڭ وزگەرمەۋىنە كەپىلدىك ەتىپ، پارتيانىڭ جاڭا داۋىردە جۇڭگوشا سوتسياليزمدە تاباندى بولۋ جانە ونى دامىتۋ تاريحي بارىسىندا باستان - اياق پارمەندى باسشىلىق ۇيىتقى بولۋىنا شىنايى كەپىلدىك ەتە الامىز.
جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ − جاڭا ءداۋىردىڭ جاڭا جورىعىنداعى پارتيا مەن مەملەكەتتىڭ وزەكتى مىندەتى، جاڭا داۋىردەگى ەڭ ۇلكەن ساياسي. جۇڭگونىڭ ىستەرىن ويداعىداي ىستەۋدىڭ تەتىگى پارتيادا، پارتيانى جاپپاي قاتاڭ باسقارۋدا. يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، ۇلكەن پارتيادا عانا بولاتىن قيىن ماسەلەلەردى شەشۋدىڭ سەرگەكتىگى مەن تاباندىلىعىن قاي - قاشان دا ساقتاپ، پارتيانى جاپپاي قاتاڭ باسقارۋدى، پارتيانىڭ وزىندىك توڭكەرىسىن ىشكەرىلەي ىلگەرىلەتىپ، ”توعىز جاقتاعى“ امالياتتىق تالاپتى مىقتاپ يگەرىپ، پارتيانىڭ وزىندىك توڭكەرىسىنىڭ وي جەلىسى مەن شارالارىن اناعۇرلىم قاتايتىپ، ءاربىر شەپتىڭ، ءاربىر بۋىننىڭ وزىندىك توڭكەرىسىن ناقتى، ىشكەرىلەي يگەرىپ، پارتيانى اناعۇرلىم پارمەندى، مىعىم ەتىپ قۇرىپ شىعۋ كەرەك. جاڭا جورىقتاعى شىرىكتەسۋگە قارسى تۇرۋ كۇرەسىنىڭ جالپى تالابى مەن ستراتەگيالىق ورنالاستىرۋىن دۇرىس يگەرىپ، شىرىكتەسۋدىڭ ءوسىپ - ءوربيتىن ورتاسى مەن شارت - جاعدايىن كۇش سالا الاستاپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتۋدە تاباندى بولىپ، دالمە - ءدال كۇش سالىپ، ۇزدىكسىز كۇش سالىپ، شىرىكتەسۋگە قارسى تۇرۋ كۇرەسىنەن قامال الۋ شايقاسىنىڭ جەڭىسىنە باتىل قول جەتكىزۋ كەرەك.
پارتيانى جاپپاي قاتاڭ باسقارۋ ماڭگى جالعاسادى، پارتيانىڭ وزىندىك توڭكەرىسى ماڭگى جالعاسادى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، باس شۋجي شي جينپيڭنىڭ پارتيانىڭ وزىندىك توڭكەرىسى جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ماڭگى جالعاستىراتىن قايسارلىق پەن تاباندىلىق ارقىلى پارتيانى جاپپاي قاتاڭ باسقارۋدىڭ ىشكەرىلەي دامۋىن ىلگەرىلەتىپ، پارتيانىڭ ۇلى وزىندىك توڭكەرىسىن سوڭىنا دەيىن جۇرگىزىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە پارمەندى كەپىلدىك ازىرلەيىك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
