2023 - جىلى ەلىمىزدىڭ اۆتوموبيل ءوندىرۋ - ساتۋ مولشەرى تۇڭعىش رەت بىردەي 30 ميلليوننان استى
اۆتوموبيل ەكسپورتى 4 ميلليون 910 مىڭ بولىپ، سايكەس مەزگىلدەگىدەن %57.9 ارتتى
2024.01.12 15:11 كەلۋ قاينارى : حالىق تورابى
«حالىق گازەتى»، 1 - ايدىڭ 11 - كۇنى، بەيجيڭ (ءتىلشى ۋاڭ جىڭ). ءتىلشىنىڭ 1 - ايدىڭ 11 - كۇنى جۇڭگو اۆتوموبيل ونەركاسىبى قوعامىنان ۇعىسۋىنشا، 2023 - جىلى ەلىمىزدىڭ اۆتوموبيل ءوندىرۋ، ساتۋ مولشەرى جەكە - جەكە 30 ميلليون 161 مىڭ جانە 30 ميلليون 94 مىڭ بولىپ، سايكەس مەزگىلدەگىدەن جەكە - جەكە %11.6 جانە %12 ارتىپ، ءوندىرۋ، ساتۋ مولشەرى تۇڭعىش رەت بىردەي 30 ميلليوننان اسىپ، ءۇرتىس 15 جىل دۇنيە ءجۇزى بويىنشا ءبىرىنشى ورىندا تۇرعان. مۇنىڭ ىشىندە اۆتوموبيل ەكسپورتى 4 ميلليون 910 مىڭ بولىپ، سايكەس مەزگىلدەگىدەن %57.9 ارتقان، ەلىمىزدىڭ دۇنيە جۇزىندەگى اۆتوموبيل ەكسپورتىنداعى ءبىرىنشى ءىرى ەلگە اينالۋىنان ءۇمىت بار.
جاڭا ەنەرگيالى اۆتوموبيلدەردىڭ ءوندىرىلۋ، ساتىلۋ مولشەرى جوعارى قارقىنمەن ارتتى. 2023 - جىلى ەلىمىزدىڭ جاڭا ەنەرگيالى اۆتوموبيلدەرىنىڭ ءوندىرىلۋ، ساتىلۋ مولشەرى جەكە - جەكە 9 ميلليون 587 مىڭ جانە 9 ميلليون 495 مىڭ بولىپ، سايكەس مەزگىلدەگىدەن جەكە - جەكە %35.8 جانە %37.9 ارتقان. جاڭا ەنەرگيالى اۆتوموبيل ەكسپورتى ءبىر ميلليون 203 مىڭ بولىپ، سايكەس مەزگىلدەگىدەن %77.6 ارتىپ، ەكسپورتتىڭ جاڭا ارتۋ تۇيىنىنە اينالعان.
مەملەكەتتىك ساناق مەكەمەسىنىڭ ساندى مالىمەتىندە كورسەتىلۋىنشە، 2023 – جىلى 1 - ايدان 11 - ايعا دەيىن اۆتوموبيل جاساۋ كاسىبى ونەركاسىبىنىڭ ارتقان قۇنى سايكەس مەزگىلدەگىدەن %12.3 ارتقان؛ تيجارات كىرىسى 9 تريلليون 66 ميلليارد 350 ميلليون يۋان بولىپ، سايكەس مەزگىلدەگىدەن %11.2 ارتقان؛ پايدا 448 ميلليارد 980 ميلليون يۋان بولىپ، سايكەس مەزگىلدەگىدەن %2.9 ارتقان (قاتىستى حابارلاردى «حالىق گازەتىنىڭ» 10 – بەتىنەن وقي الاسىزدار).
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
