جاڭا تيپتى ايدارشا ۆيرۋس ىندەتىنىڭ تارالۋى وسى ايدا قايتا جوعارىلاۋى مۇمكىن
ۆيرۋستىڭ JN.1 وزگەرگەن تۇبىرشىگىنىڭ ەلىمىزدە تارالۋى باستى ورىندا تۇراتىن ۆيرۋس تۇبىرشىگىنە اينالۋ ىقتيمالدىعى زور
2024.01.15 14:30 كەلۋ قاينارى : حالىق تورابى
1 - ايدىڭ 14 - كۇنى، مەملەكەتتىك دەنساۋلىق ساقتاۋ جانە سالاماتتىق كوميتەتى اقپار جاريالاۋ ءماجىلىسىن اشىپ، قاتىستى مامانداردى ەلىمىزدەگى قىس مەزگىلىندەگى تىنىس جولى اۋرۋلارىنان ساقتانۋ جانە ونى ەمدەۋگە، دەنساۋلىقتى قورعاۋ جونىندە ەسكەرتۋ بەرۋگە قاتىستى جاعدايلاردى تانىستىرۋعا ۇسىنىس ەتتى.
جۇڭگو اۋرۋدان ساقتانۋ جانە ونى تىزگىندەۋ ورتالىعى ۆيرۋستان تۋىندايتىن اۋرۋلاردان ساقتانۋ جانە ونى تىزگىندەۋ ورتالىعىنىڭ مەڭگەرۋشىسى ۋاڭ دايان بىلاي دەپ تانىستىردى: جۋىردا ءتۇرلى ارنالارداعى باقىلاۋ - تەكسەرۋ جۇيەسىندەگى ساندى مالىمەتتەرگە قاراعاندا، جاڭا جىل مەرەكەسىنىڭ دەمالىسىنان سوڭ، بۇكىل ەلىمىز بويىنشا جاڭا تيپتى ايدارشا ۆيرۋس ىندەتى ءبىرشاما تومەن ورەدە تۇرعان. مۇندا، كۇزەت ءتۇيىنى بولعان ەمحانالاردا جاڭا تيپتى ايدارشا ۆيرۋستى تەكسەرۋ ناتيجەسىنىڭ بولىمدىلىق مولشەرى %1 تەن تومەن مولشەردى ساقتاعان، ۆيرۋستىڭ JN.1 وزگەرگەن تۇبىرشىگىنىڭ تارالۋ مولشەرى جوعارىلاۋ بەتالىسىن بايقاتقان. ماماندار مىناداي تۇجىرىم جاساعان: ەلىمىزدە ءتۇرلى تىنىس جولى اۋرۋلارىنا شالدىقتىراتىن اۋرۋ قوزدىرعىشتار الما - كەزەك تارالاتىن نەمەسە ءبىر ۋاقىتتا قاباتتالا تارالاتىن جاعداي ۇزدىكسىز بايقالادى، قىسقا مەرزىم ىشىندە ءالى دە جۇقپالى تۇماۋ ۆيرۋسى باستى ورىندا تۇرادى. ەلىمىزگە شەتەلدەگى ۆيرۋستىڭ JN.1 وزگەرگەن تۇبىرشىگىنىڭ ۇزدىكسىز ەنۋى، ەل ىشىندەگى جۇقپالى تۇماۋدىڭ بىرتىندەپ باسەڭدەۋى جانە ادامداردىڭ يممۋنيتەت ورەسىنىڭ تومەندەۋى قاتارلى كوپتەگەن فاكتورلاردىڭ ىقپال ەتۋىنە بايلانىستى جاڭا تيپتى ايدارشا ۆيرۋسپەن جۇعىمدالۋ ىندەتىنىڭ تارالۋى وسى ايدا قايتا جوعارىلاۋى ىقتيمال، ۆيرۋستىڭ JN.1 وزگەرگەن تۇبىرشىگىنىڭ ەلىمىزدە تارالۋى باستى ورىندا تۇراتىن ۆيرۋس تۇبىرشىگىنە اينالۋ ىقتيمالدىعى زور. (باس ستانسيا ورتالىق تەلەۆيزيا ءتىلشىسى ياڭ ياڭ، شى يىڭچۇن)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
