جۇڭگو تۇتىنۋشىلار بىرلەستىگى قاتارلى ءتورت بىرلەستىك بىرلەسكەن دارىپتەمە جاريالادى
قونالقى كاسىبى سالاسىندا سۋلياۋدان جاسالعان قايتالاي پايدالانۋعا بولمايتىن بۇيىمداردى پايدالانۋ مولشەرىن ازايتۋ كەرەك
2024.01.15 14:33 كەلۋ قاينارى : حالىق تورابى
حالىق گازەتىنىڭ ءتىلشىسى چي جىميڭ 1 - ايدىڭ 14 - كۇنى بەيجيڭنەن حابارلايدى. سۋلياۋدان لاستانۋدى ءونىمدى جونگە سالۋ ءۇشىن، ونى پايدالانۋ مولشەرىن قاينارىنان باستاپ ازايتۋدى ىلگەرىلەتۋ كەرەك، جۋىردا مەملەكەتتىك دامۋ - رەفورما كوميتەتىنىڭ، ساۋدا مينيسترلىگىنىڭ، مادەنيەت جانە ساياحات مينيسترلىگىنىڭ جەتەكشىلىگىندە، جۇڭگو قوناق ءۇي بىرلەستىگى، جۇڭگو ساياحات جانە قوناق ءۇي سالاسى بىرلەستىگى، جۇڭگو قايتالامالى ەكونوميكا بىرلەستىگى، جۇڭگو تۇتىنۋشىلار بىرلەستىگى قونالقى كاسىبى سالاسىندا سۋلياۋدان جاسالعان قايتالاي پايدالانۋعا بولمايتىن بۇيىمداردى پايدالانۋ مولشەرىن ازايتۋ جونىندەگى دارىپتەمەنى جاريالاعان.
دارىپتەمەدە مىنالار ورتاعا قويىلعان: قونالقى كاسىبىمەن شۇعىلداناتىن كاسىپورىندار مەملەكەت پەن جەرگىلىكتى ورىننىڭ سۋلياۋدان لاستانۋدى جونگە سالۋ جونىندەگى ساياساتىنداعى سۋلياۋدان جاسالعان قايتالاي پايدالانۋعا بولمايتىن بۇيىمداردى شەكتەۋگە قاتىستى بەلگىلەمەلەرىن بەلسەندىلىكپەن تياناقتاندىرۋى كەرەك. مۇندا، جۇلدىزدى قوناق ۇيلەر، مەيمانسارايلار قاتارلى ورىندار سۋلياۋدان جاسالعان قايتالاي پايدالانۋعا بولمايتىن بۇيىمدارمەن ىرىقتىلىقپەن قامداماعانى ءجون، باستىسى قايتالاي پايدالانۋعا بولمايتىن سۋلياۋ تاراق، ءتىس شوتكى، ساقال - مۇرت قىرۋ پىشاعى، مونشا باس كيىمى، شاعىن تيپتى جۋىنۋ - كۇتىنۋ بۇيىمدارىنىڭ قورابى قاتارلىلار قامتىلادى، جۋىنۋ بۇيىمدارىمەن قامداۋ تەكشەسى، اۆتوماتتى ساتىپ الۋ ماشيناسى، ۇزدىكسىز تولىقتاناتىن جۋىنۋ سۇيىقتىقتارى قاتارلىلارمەن قامداۋ سىندى تاسىلدەر ارقىلى قىزمەت وتەۋى كەرەك؛ جۇلدىزسىز قوناق ۇيلەر، مەيمانسارايلار قاتارلى ورىندار ىرىقتىلىقپەن شارا قولدانىپ، سۋلياۋدان جاسالعان قايتالاي پايدالانۋعا بولمايتىن ونىمدەرمەن ىرىقتىلىقپەن قامداماۋ قىزمەتىن تىڭعىلىقتى ىلگەرىلەتۋى كەرەك.
قونالقى كاسىبىمەن شۇعىلداناتىن كاسىپورىندار ۇگىتتەۋدى كۇشەيتۋى، الدىڭعى زال، قوناق بولمەسى، اسحانا قاتارلى قوناقتارعا قىزمەت وتەيتىن ورىنداردا، سونداي - اق، كاسىپورىننىڭ ينتەرنەتتەگى كورسەتۋ، ساتۋ تەكشەسىندە ۇگىت تاقتاسىن ورنالاستىرۋى، تۇتىنۋشىلاردى ورتاعا زالالسىز، قايتالاپ پايدالانۋعا بولاتىن بۇيىمداردى پايدالانۋعا، سۋلياۋدان جاسالعان قايتالاي پايدالانۋعا بولمايتىن بۇيىمداردى پايدالانۋدى ازايتۋعا شابىتتاندىرۋى ءارى جەتەلەۋى، جاسىل تيپتى تۇتىنۋدى دارىپتەۋى، قونالقى سالاسىنداعى سۋلياۋمەن لاستانۋدى جونگە سالۋدا اناعۇرلىم ويداعىداي ونىمدىلىككە قول جەتكىزۋدى ىلگەرىلەتۋى كەرەك. قونالقى سالاسىنداعى ينتەرنەت ارقىلى تاپسىرىس قابىلدايتىن تەكشەلەردى ىسكە قوساتىن كاسىپورىندار تور بەتى ارقىلى ەسكەرتۋ جاساۋ، ىتقىما كاتەكشە ارقىلى ەسكەرتۋ جاساۋ قاتارلى فورمالاردان پايدالانىپ، تۇتىنۋشىلاردى جۋىنۋ بۇيىمدارىن وزدەرى الىپ كەلۋگە، سۋلياۋدان جاسالعان قايتالاي پايدالانۋعا بولمايتىن بۇيىمداردى پايدالانۋدى ازايتۋعا شابىتتاندىرۋى ءارى جەتەلەۋى، سونىمەن بىرگە، تەكشەگە ورنالاسقان ساۋدا دۇكەندەرىنە باقىلاۋ جۇرگىزۋ مەن ولاردى باسقارۋدى كۇشەيتۋى، ساۋدا دۇكەندەرىن ينتەرنەتتەگى كورسەتىلىم بەتىندە وزىنە باعىتتاي وتىرىپ سۋلياۋدان پايدالانۋدى ازايتۋ قيمىلىن ورىستەتۋ جونىندە ۇگىتتىك كورسەتىلىمدەردى شىعارۋعا، قوعامداعىلاردىڭ باقىلاۋىن قابىلداۋعا جەتەلەۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
