باسقا كاسىپورىننىڭ اتىن جامىلىپ تىركەلۋ سىندى زاڭعا قايشى ارەكەتتەن ساقتانۋعا جانە ونى انىقتاپ ءبىر جاقتى ەتۋگە قاتىستى جاڭا بەلگىلەمە ورتاعا قويىلدى

2024.01.15 14:36 كەلۋ قاينارى : حالىق تورابى

　　شينحۋا اگەنتتىگىنىڭ ءتىلشىسى جاۋ ۋىنجۇن 1 - ايدىڭ 12 - كۇنى بەيجيڭنەن حابارلايدى. بازاردى باقىلاۋ - باسقارۋ باس مەكەمەسى 1 - ايدىڭ 12 - كۇنى «باسقا كاسىپورىننىڭ اتىن جامىلىپ تىركەلۋ سىندى زاڭعا قايشى ارەكەتتەن ساقتانۋعا جانە ونى انىقتاپ ءبىرجاقتى ەتۋگە قاتىستى بەلگىلەمەنى» جاريالادى، بەلگىلەمە 2024 - جىلى 3 - ايدىڭ 15 - كۇنىنەن باستاپ اتقارىلادى. بەلگىلەمەدە ءىس جۇزىندە مەملەكەت مەنشىگىندەگى كاسىپورىنداردىڭ، ورتالىققا قاراستى كاسىپورىنداردىڭ، حالىق باسقارۋىنداعى ايگىلى كاسىپورىنداردىڭ جانە شەتەل قارجىسىنداعى كاسىپورىنداردىڭ اتىن جامىلىپ تىركەلۋ سىندى زاڭعا قايشى ارەكەتكە باعىتتاي وتىرىپ، زاڭعا قايشى ارەكەتتەردى انىقتاپ ءبىرجاقتى ەتۋ، جاۋاپكەرشىلىكتى قۋزاستىرۋ قاتارلى ماڭىزدى تۇيىندەرگە نازار شوعىرلاندىرىلىپ، سالاۋاتىن تەكسەرۋدى كۇشەيتۋ، ينفورماتسياسىن سالىستىرىپ تەكسەرۋ، كۇشىنەن قالدىرۋ ءتارتىبىن كەمەلدەندىرۋ، دەلو تۇرعىزىپ، تەكسەرۋ جۇرگىزىلگەن كاسىپورىنداردى تىركەمەۋ، زاڭسىز دەلدالدىق سەرىكتەستىكتەردىڭ زاڭعا قايشى ارەكەتىنە قاتاڭ سوققى بەرۋ قاتارلى تۇزىمدىك شارالار ورتاعا قويىلعان.

　　كاسىپورىنداردىڭ اتىن جامىلۋ سىندى ماسەلە جونىندە، بەلگىلەمەدە مىنالار بەلگىلەنگەن: كاسىپورىن ىسكە قاتىستى جاق بولاتىن بولسا، تىركەيتىن ورگانداردىڭ ساۋدا جۇرگىزۋ كۋالىگىنىڭ ەلەكتروندىق نۇسقاسىن تەكسەرۋ ءتاسىلى ارقىلى سالاۋاتتى تەكسەرۋىنە سايكەسۋى قاجەت؛ ساۋدا جۇرگىزۋ كۋالىگىنىڭ ەلەكتروندىق نۇسقاسىن ىسكە قوسپاعان بولسا، سەرىكتەستىكتىڭ زاڭدىق تۇلعاسى، جاۋاپتىسى، سەلبەسىپ اتقارۋشىسى قاتارلى تابيعي تۇلعالار شىن اتىن كۋالاندىرۋدى ورىنداۋى، سەرىكتەستىكتىڭ باسقالاردىڭ اتىن جامىلۋى سىندى ماسەلەدەن قاينارىنان باستاپ ىشكەرىلەي ساقتانۋى قاجەت.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved