شي جينپيڭ ساياسي - زاڭ قىزمەتىنە ماڭىزدى نۇسقاۋ بەرىپ بىلاي دەپ دارىپتەدى
پارتيانىڭ شارتسىز باسشىلىعىندا تاباندى بولىپ، مىندەتتى ادالدىقپەن اتقارىپ، جاۋاپكەرلىك ارقالاپ، ىسكەرلىك كورسەتىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدى پارمەندى حاۋىپسىزدىك كەپىلدىگىمەن قامداۋ كەرەك
2024.01.15 16:15 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 14 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا ساياسي - زاڭ قىزمەتىنە ماڭىزدى نۇسقاۋ بەرىپ بىلاي دەپ اتاپ كورسەتتى: پارتيانىڭ 20 - قۇرىلتايىنان بەرى ساياسي - زاڭ شەبى جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، جاڭا ءداۋىردىڭ جاڭا جورىعىنداعى پارتيانىڭ وزەكتى مىندەتىن ارقاۋ ەتىپ، پارتيا ورتالىق كوميتەتىنىڭ شەشىم، ورنالاستىرۋلارىن تياناقتاندىرىپ، ءتۇرلى قىزمەتتەردى مىقتى، شىنايى يگەرىپ، جاڭا تابىستارعا قول جەتكىزدى.
شي جينپيڭ بىلاي دەپ دارىپتەدى: بيىل − جاڭا جۇڭگو قۇرىلعانىنىڭ 75 جىلدىعى، ”14 - بەسجىلدىق“ جوبانىڭ نىسانالارىن، مىندەتتەرىن جۇزەگە اسىرۋداعى شەشۋشى جىل. ساياسي - زاڭ شەبى پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى جالپى ءماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، پارتيانىڭ شارتسىز باسشىلىعىندا تاباندى بولىپ، مىندەتىن ادالدىقپەن اتقارىپ، جاۋاپكەرلىك ارقالاپ، ىسكەرلىك كورسەتىپ، ساياسي - زاڭ قىزمەتىنىڭ وسىزاماندانۋى ارقىلى جۇڭگو ۇلگىسىندەگى وسىزاماندانۋعا تىرەك بولىپ جانە قىزمەت وتەپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدى پارمەندى حاۋىپسىزدىك كەپىلدىگىمەن قامداۋى كەرەك. مەملەكەت حاۋىپسىزدىگىن باتىل قورعاپ، ساياسي سەزگىرلىك پەن ساياسي پارىقتاۋ قابىلەتىن جوعارىلاتىپ، ەلەۋلى حاۋىپسىزدىك حاۋىپ - قاتەرىنەن ساقتانۋ جانە ونى جويۋ كەرەك. قوعام ورنىقتىلىعىن باتىل قورعاپ، جاڭا داۋىردەگى ”فىڭچياۋ تاجىريبەسىندە“ تاباندى بولىپ جانە ونى دامىتىپ، حالىق ىشىندەگى قايشىلىقتاردى دۇرىس ءبىر جاقتى ەتىپ، بۇقارانىڭ زاڭدى ۇقىق - مۇددەسىن قورعاۋ كەرەك. قوعامدىق ادىلدىك پەن ادىلەتتىلىكتى قامتاماسىزداندىرىپ جانە جەبەپ، مەملەكەتتىڭ زاڭمەن باسقارۋ تۇتاستىعىن قورعاپ، عىلمي جولمەن زاڭ شىعارۋدى، زاڭدى قاتاڭ اتقارۋدى، ءادىليادا ءادىل بولۋدى، جالپى حالىقتىڭ زاڭعا بويسۇنۋىن جاپپاي ىلگەرىلەتىپ، ءادىليا ءتۇزىلىسىنىڭ جالپىلىق سايكەستى رەفورماسىن تەرەڭدەتىپ، ءادىليالىق جاۋاپكەرلىك ءتۇزىمىن جاپپاي دۇرىس تياناقتاندىرۋ كەرەك. جوعارى دەڭگەيلى حاۋىپسىزدىك ارقىلى ساپالى دامۋدى قامتاماسىز ەتىپ، سوتسياليستىك بازار شارۋاشىلىعى ءتارتىبىن زاڭ بويىنشا قورعاپ، زاڭمەن جونگە سالىناتىن تيجارات - ساۋدا ورتاسى قۇرىلىسىنىڭ دەڭگەيىن جوعارىلاتۋ كەرەك. ساياسي - زاڭ ورگاندارىندا پارتيانىڭ ساياسي قۇرىلىسىن كۇشەيتىپ، ادال، كىرشىكسىز، جاۋاپكەرلىك ارقالايتىن جاڭا داۋىردەگى ساياسي - زاڭ قۇرىش قوسىنىن سومداۋ كەرەك.
ورتالىقتىڭ ساياسي - زاڭ قىزمەتى ءماجىلىسى 1- ايدىڭ 13 - كۇنىنەن 14 - كۇنىنە دەيىن بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق ساياسي - زاڭ كوميتەتىنىڭ شۋجيى چىن ۋىنچيڭ ماجىلىستە شي جينپيڭنىڭ ماڭىزدى نۇسقاۋىن جەتكىزدى ءارى ءسوز سويلەپ مىنانى ءبىلدىردى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانىڭ ساياسي - زاڭ قىزمەتىنە شارتسىز باسشىلىعىندا تاباندى بولىپ، شىڭدالعان ساياسي - زاڭ قۇرىش قوسىنىن سومداۋ كەرەك. جۇڭگو ۇلگىسىندەگى وسىزامانداندىرۋدى ىلگەرىلەتۋ سىندى ەڭ ۇلكەن ساياسيدى ارقاۋ ەتىپ، ءداۋىر ورنىن يگەرىپ، مەملەكەت حاۋىپسىزدىگىن كۇش سالا قورعاپ، قوعام ورنىقتىلىعىن كۇش سالا قورعاپ، قوعامدىق ادىلدىك پەن ادىلەتتىلىكتى كۇش سالا قامتاماسىزداندىرىپ جانە جەبەپ، ساپالى دامۋدى كۇش سالا قامتاماسىزداندىرىپ، ساياسي - زاڭ ورگاندارىنداعى پارتيانىڭ ساياسي قۇرىلىسىن كۇش سالا نىعايتىپ، ساياسي - زاڭ قىزمەتىنىڭ وسىزاماندانۋى ارقىلى جۇڭگو ۇلگىسىندەگى وسىزامانداندىرۋعا تىرەك بولۋ جانە قىزمەت وتەۋ كەرەك.
ج ك پ ورتالىق كوميتەتى شۋجيچۋىنىڭ شۋجيى، قوعام حاۋىپسىزدىگى مينيسترلىگىنىڭ مينيسترى ۋاڭ شياۋحۇڭ ءماجىلىستى باسقاردى ءارى قورىتىندى ءسوز سويلەدى. ەڭ جوعارى حالىق سوتى مەكەمەسىنىڭ باستىعى جاڭ جۇن، ەڭ جوعارى حالىق پروكۋراتۋراسىنىڭ باس پروكۋرورى يىڭ يۇڭ ماجىلىسكە قاتىناستى. ءماجىلىس تەلەۆيزور - تەلەفون ءماجىلىسى فورماسىندا اشىلدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
