ساياسي - زاڭ قىزمەتىن وسىزامانداندىرۋ ارقىلى جۇڭگو ۇلگىسىندەگى وسىزامانداندىرۋعا تىرەك بولۋ جانە قىزمەت وتەۋ كەرەك
− باس شۋجي شي جينپيڭنىڭ ماڭىزدى نۇسقاۋى ساياسي - زاڭ شەبىنىڭ ۇزدىكسىز ەكپىندەي ىلگەرىلەۋىنە ايقىن بەتالىس كورسەتتى
شينحۋا اگەنتتىگىنىڭ تىلشىلەرى
2024.01.15 16:17 كەلۋ قاينارى : حالىق تورابى
”ساياسي - زاڭ شەبى پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى جالپى ءماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، پارتيانىڭ شارتسىز باسشىلىعىندا تاباندى بولىپ، مىندەتىن ادالدىقپەن اتقارىپ، جاۋاپكەرلىك ارقالاپ، ىسكەرلىك كورسەتىپ، ساياسي - زاڭ قىزمەتىنىڭ وسىزاماندانۋى ارقىلى جۇڭگو ۇلگىسىندەگى وسىزاماندانۋعا تىرەك بولىپ جانە قىزمەت وتەپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدى پارمەندى حاۋىپسىزدىك كەپىلدىگىمەن قامداۋى كەرەك“.
ورتالىقتىڭ ساياسي - زاڭ قىزمەتى ءماجىلىسى 1 – ايدىڭ 13 – كۇنىنەن 14 – كۇنىنە دەيىن بەيجيڭدە اشىلدى. باس شۋجي شي جينپيڭنىڭ ساياسي - زاڭ قىزمەتىنە ماڭىزدى نۇسقاۋ بەرۋى بۇكىل ەلدىڭ ساياسي - زاڭ شەبىندە كۇشتى اڭىس قوزعادى.
كوپشىلىك مىنانى ءبىلدىردى: باس شۋجي شي جينپيڭنىڭ ماڭىزدى نۇسقاۋى پارتيا مەن مەملەكەت ىستەرى دامۋىنىڭ جالپى جاعدايى تۇرعىسىنان، جاڭا ءداۋىردىڭ جاڭا جورىعىنداعى ساياسي - زاڭ قىزمەتىنىڭ تاريحي بورىشى مەن ءتۇيىندى مىندەتتەرىن ايقىن كورسەتىپ، ساياسي - زاڭ شەبىنىڭ ۇزدىكسىز العا باسۋىنا ءتۇبىرلى تياناق ازىرلەدى. باس شۋجيدىڭ ماڭىزدى نۇسقاۋىنىڭ رۋحىن اناعۇرلىم جوعارى دەڭگەيدەگى تىنىش جۇڭگو، زاڭمەن باسقارىلاتىن جۇڭگو قۇرۋدىڭ ءىس جۇزىندىك ارەكەتىنە اينالدىرىپ، جاڭا داۋىردەگى ساياسي - زاڭ ىستەرىنىڭ تىڭ داستانىن ۇزدىكسىز جازامىز.
ساياسي زاڭ قىزمەتى − پارتيا مەن مەملەكەت قىزمەتىنىڭ ماڭىزدى قۇرامداس بولەگى. پارتيانىڭ 20 - قۇرىلتايىنان بەرى ساياسي - زاڭ شەبىنىڭ ءتۇرلى قىزمەتتەرى مىقتى، شىنايى يگەرىلىپ، تىڭ تابىستارعا قول جەتتى.
”باس شۋجيدىڭ ماڭىزدى نۇسقاۋى ءبىزدىڭ سەنىمىمىزدى نىعايتتى“. ءماجىلىستى ناق مايداندا تىڭداپ باس شۋجي شي جينپيڭنىڭ ماڭىزدى نۇسقاۋىن جەتكىزگەن سانشي ولكەلىك پارتكوم ساياسي - زاڭ كوميتەتى شۋجيىنىڭ ۇنەمىلىك ىستەرگە جاۋاپتى ورىنباسارى مياۋ ۋەي ايرىقشا جەلپىندى، ول بىلاي دەدى: ”ءبىز پارتيانىڭ شارتسىز باسشىلىعىندا تاباندى بولىپ، جۇڭگو ۇلگىسىندەگى وسىزامانداندىرۋدى ىلگەرىلەتۋ سىندى ەڭ ۇلكەن ساياسيدى مىقتاپ ارقاۋ ەتىپ، مەملەكەتتىڭ حاۋىپسىزدىگى مەن قوعامنىڭ ورنىقتىلىعىن قورعاۋعا، قوعامنىڭ ادىلدىگىن، تۋراشىلدىعىن جەبەۋگە، ساپالى دامۋعا قىزمەت وتەۋگە اناعۇرلىم زور كۇش سالامىز، اناعۇرلىم زور ناقتى ونىمدىلىككە قول جەتكىزەمىز“.
بيىل − جاڭا جۇڭگو قۇرىلعانىنىڭ 75 جىلدىعى، ”14 - بەسجىلدىق“ جوبانىڭ نىسانالارىن، مىندەتتەرىن جۇزەگە اسىرۋداعى شەشۋشى جىل. باس شۋجي شي جينپيڭ بىلاي دەپ اتاپ كورسەتتى: مەملەكەت حاۋىپسىزدىگىن باتىل قورعاپ، ساياسي سەزگىرلىك پەن ساياسي پارىقتاۋ قابىلەتىن جوعارىلاتىپ، اۋىر حاۋىپسىزدىك حاۋىپ - قاتەرىنەن ساقتانۋ جانە ونى جويۋ كەرەك.
مەملەكەت حاۋىپسىزدىگى ورگانىنىڭ كادر - ساقشىلارى ءبىر اۋىزدان مىنانى ءبىلدىردى: مەملەكەت حاۋىپسىزدىگى ورگانىنىڭ ساياسي سيپاتىن مىقتاپ يگەرىپ، قاتاڭ دا كۇردەلى كۇرەس اۋقىمى الدىندا، دۇنيە ءجۇزى جاعدايىن، مەملەكەت جاعدايىن سەرگەكتىكپەن تانىپ، قاي - قاشان دا ساقاداي ساي تۇرىپ، مەملەكەت حاۋىپسىزدىگىنىڭ قۇرىش قورعانىن بەكەمدەيمىز.
جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋ ءۇشىن حاۋىپسىز، ورنىقتى قوعامدىق ورتا جاراتۋ قايشىلىقتار مەن داۋ - شاردان ساقتانۋدى، ونى شەشۋدى زاڭمەن باسقارۋ ورەسىن ۇزدىكسىز جوعارىلاتىپ، بۇقارانى تولىق جۇمىلدىرىپ، بۇقارانى ۇيىمداستىرىپ، بۇقارانىڭ ءوز ىستەرىن بۇقاراعا سۇيەنىپ شەشۋدى قاجەت ەتەدى.
تاياۋ جىلداردان بەرى جياڭشيدىڭ نانچاڭ قوعام حاۋىپسىزدىگى ورگانى ”ناعاشى اعام جاراستىرۋ كەڭسەسى“، ”قىستاق تۇرعىندارى القالار كەڭەسى“ سياقتى جاراستىرۋ ماركالارىن قۇرىپ، 2023 - جىلى جيىنى 77 مىڭنان استام ءتۇرلى قايشىلىق پەن داۋ - شاردى شەشتى. نانچاڭ قالالىق قوعام حاۋىپسىزدىگى مەكەمەسىنىڭ باستىعى چىن پىڭحۇي مىنالاردى ءبىلدىردى: ”باس شۋجي شي جينپيڭ جاڭا داۋىردەگى ’فىڭچياۋ تاجىريبەسىندە‘ تاباندى بولىپ جانە ونى دامىتىپ، حالىق ىشىندەگى قايشىلىقتاردى دۇرىس ءبىر جاقتى ەتىپ، بۇقارانىڭ زاڭدى ۇقىق - مۇددەسىن قورعاۋىمىز كەرەك دەپ اتاپ كورسەتتى. ءبىز باس شۋجيدىڭ تاپسىرماسىن ەستە بەرىك ساقتاپ، نەگىزگى ساتىنىڭ قوعامدىق جونگە سالۋدا جاڭالىق اشۋىن ىلگەرىلەتىپ، قايشىلىقتار مەن داۋ - شاردى شەشۋدىڭ جالپى بارىسىن جابىق باسقارۋ مەحانيزمىن اقاۋسىزداندىرىپ، كەمەلدەندىرىپ، بۇقارانىڭ زاڭدى ۇقىق - مۇددەسىن ويداعىداي قورعاپ، ۇيلەسىمدى تالاپ - تىلەكتەرىن ويداعىداي شەشىپ، اقىل - پاراسات پەن كۇش - قۋاتتى ويداعىداي ۇيىستىرىپ، قوعامنىڭ جاراسىمدىلىعىن، ورنىقتىلىعىن باتىل قورعايمىز“.
ادىلدىك پەن ادىلەتتىلىك − ساياسي - زاڭ قىزمەتىنىڭ جان تامىرى. باس شۋجي شي جينپيڭنىڭ ماڭىزدى نۇسقاۋىندا قوعامدىق ادىلدىك پەن ادىلەتتىلىكتى قامتاماسىزداندىرۋ جانە جەبەۋ، مەملەكەتتىڭ زاڭمەن جونگە سالۋ بىرلىگىن قورعاۋ سياقتىلار جونىندە ايقىن تالاپتار قويىلدى.
”ءبىز كەڭشىلىك ەتۋ مەن قاتاڭ جازالاۋ ۇشتاستىرىلعان قىلمىستىق ىستەر ساياساتىن جاپپاي دۇرىس دايەكتىلەندىرىپ، ءاربىر دەلونى جوعارى ساپامەن، جوعارى ونىمدىلىكپەن ويداعىداي ىستەۋدى نەگىزگى قۇن تالپىنىسى ەتىپ، قىلمىستىق ىستەر ارىز - شاعىمىن باقىلاۋ مەن پروكۋراتۋرا ۇقىعىنىڭ اينالىمىن تەجەۋدى، باقىلاۋدى كۇشەيتىپ، پروكۋراتۋرا قىزمەتىنىڭ وسىزاماندانۋىن جۇڭگو ۇلگىسىندەگى وسىزامانداندىرۋمەن توعىستىرامىز جانە وعان قىزمەت وتەيمىز“ دەدى ەڭ جوعارى حالىق پروكۋراتۋراسى 1 - پروكۋراتۋرا تارماق مەكەمەسى باستىعىنىڭ ورىنباسارى لو چيڭدۇڭ.
2023 - جىلى 51 زاڭ شىعارۋ نىسانىن تەكسەرىپ ورىنداپ، وتكەن جىلدىڭ ۇقساس مەزگىلىندەگىدەن %96.2 ارتىپ، اكىمشىلىك زاڭ شىعارۋ قىزمەتىندە تىڭ تابىستارعا قول جەتتى. ءادىليا مينيسترلىگى زاڭمەن جونگە سالۋدى تەكسەرۋ - زەرتتەۋ مەكەمەسىنىڭ باستىعى گۋ تيڭحاي بىلاي دەدى: ”ءبىز زاڭ شىعارۋدى تەكسەرۋ وتكەلىن ۇزدىكسىز ويداعىداي يگەرىپ، زاڭ شىعارۋدىڭ ساپاسىن، ونىمدىلىگىن جوعارىلاتىپ، زاڭ - ەرەجە، بەلگىلەمەلەردى ەستەلىككە الىپ تەكسەرۋدى كۇشەيتىپ، اكىمشىلىك نورمالىق قۇجاتتاردىڭ زاڭعا سيىمدىلىعىن تەكسەرۋدى كۇشەيتىپ، زاڭ شىعارۋدى، وزگەرتۋدى، كۇشىنەن قالدىرۋدى، ءتۇسىندىرۋدى ءبىر تۇتاس جوسپارلاپ، مەملەكەتتىڭ زاڭمەن جونگە سالۋ بىرلىگىن باتىل قورعايمىز“.
ءادىليالىق جاۋاپكەرلىك ءتۇزىمى رەفورماسى − ءادىليا ءتۇزىلىسى رەفورماسىنىڭ تەتىگى. حىنان ولكەسى جىڭجوۋ قالاسى گۋانچىڭ حۇيزۋ رايوندىق حالىق سوتى مەكەمەسىنىڭ ۋاقىتتىق باستىعى گو شياۋكۇن مىنانى ءبىلدىردى: ”ءبىز، ءسوز جوق، باس شۋجيدىڭ ماڭىزدى نۇسقاۋىنىڭ رۋحىن ويداعىداي تياناقتاندىرىپ، ءادىليا ءتۇزىلىسىنىڭ جالپىلىق سايكەستى رەفورماسىن تەرەڭدەتىپ، ءادىليالىق جاۋاپكەرلىك ءتۇزىمىن جاپپاي دۇرىس تياناقتاندىرىپ، عىلمي، دالمە - ءدال سوت جۇرگىزۋدى باسقارۋ مەحانيزمى مەن ءادىليالىق ۇقىق جۇرگىزۋدى باقىلاۋ مەحانيزمىن ورناتىپ، ۇقىق پەن جاۋاپكەرلىكتىڭ بىرلىگىنە شىنايى كەپىلدىك ەتىپ، ’قاراۋشى تورەلىك ايتۋدى، تورەشى جاۋاپتى بولۋدى‘ شىن مانىندە جۇزەگە اسىرامىز“.
زاڭمەن باسقارۋ − ەڭ جاقسى تيجارات - ساۋدا ورتاسى. باس شۋجي شي جينپيڭ بىلاي دەپ اتاپ كورسەتتى: جوعارى دەڭگەيلى حاۋىپسىزدىك ارقىلى ساپالى دامۋدى قامتاماسىز ەتىپ، سوتسياليستىك بازار شارۋاشىلىعى ءتارتىبىن زاڭ بويىنشا قورعاپ، زاڭمەن جونگە سالىناتىن تيجارات - ساۋدا ورتاسى قۇرىلىسىنىڭ دەڭگەيىن جوعارىلاتۋ كەرەك.
بۇل جونىندە ىشكى موڭعۇل اۆتونوميالى رايوندىق پارتكومنىڭ اۆتونوميالى رايوندى زاڭمەن جونگە سالۋ كەڭسەسى حاتشىلار باسقارماسىنىڭ جاۋاپتىسى ۋاڭ دۇڭدۇڭ تەرەڭ اسەر الدى. ول مىنانى ءبىلدىردى: ىشكى موڭعۇل تاياۋ جىلداردان بەرى زاڭمەن جونگە سالىناتىن تيجارات - ساۋدا ورتاسىن ساپالىلاندىرۋ پىكىرىن جانە مال - مۇلىك ۇقىعىن قورعاۋدى زاڭ بويىنشا كۇشەيتۋ سياقتى كوپ ءتۇرلى شارانى شىعاردى، ەندى ۇزدىكسىز كۇش سالىپ، زاڭمەن جونگە سالىناتىن تيجارات - ساۋدا ورتاسىنىڭ تاعى دا ساپالىلانۋىن ىلگەرىلەتىپ، تيجارات تۇلعالارىنىڭ ومىرشەڭدىك كۇشىن ۇزدىكسىز جانداندىرىپ، ەكونوميكالىق، قوعامدىق دامۋدىڭ قوزعاۋشى كۇشىن تاسقىنداتامىز.
ەڭ قاتاڭ سوققى بەرۋ ءۇشىن، ءسوز جوق، قۇرىش بولۋ كەرەك. ساياسي - زاڭ قىزمەتىنىڭ ساپالى دامۋىن ىلگەرىلەتۋدە، ءسوز جوق، ىسىلعان قوسىن بولۋ كەرەك.
”باس شۋجيدىڭ ماڭىزدى نۇسقاۋى ادال، كىرشىكسىز، جاۋاپكەرلىك ارقالايتىن جاڭا داۋىردەگى ساياسي - زاڭ قۇرىش قوسىنىن سومداۋعا قۇدىرەتتى كۇش ۇستەدى“. جۇڭگو حالىق قوعام حاۋىپسىزدىگى داشۋەسىنىڭ دوتسەنتى گۋان يانجيە بىلاي دەدى: ”ءبىز ساياسي جەتەكشىلىكتى اناعۇرلىم كۇشەيتىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن تىلەكتەردى توعىستىرىپ، رۋحتى سومداپ، ’تورتتە قۇرىش‘ شىڭدالعان قوسىن سومداۋعا، ساياسي - زاڭ ىستەرىنىڭ سەنىمدى ءىزباسارلارىن جەتىلدىرۋگە اناعۇرلىم زور ۇلەس قوسامىز“.
(شينحۋا اگەنتتىگى، 1 - ايدىڭ 14 - كۇنى، بەيجيڭ. تىلشىلەر شيۇڭ فىڭ، لو شا، باي ياڭ، ليۋ شو، فىڭ جياشۇن، چي چي).
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
