جاڭا ساپالى وندىرگىش كۇشتەردى قالاي دامىتۋ كەرەك (ساياساتتىق سۇراۋ – جاۋاپ، 2024 - جىلى جۇڭگو ەكونوميكاسىندا وسىلاي ىستەيمىز)
«حالىق گازەتىنىڭ» تىلشىلەرى ۋاڭ جىڭ، ليۋ ۋىن
2024.01.15 16:21 كەلۋ قاينارى : حالىق تورابى
ورتالىقتىڭ ەكونوميكالىق قىزمەت ماجىلىسىندە مىنالار اتاپ كورسەتىلدى: عىلىم - تەحنيكادا جاڭالىق اشۋ ارقىلى كاسىپ سالاسىندا جاڭالىق اشۋدى ىلگەرىلەتۋ، اسىرەسە، وزگەرىس تۋدىرۋ سيپاتىنداعى تەحنيكا مەن الدىڭعى لەكتىك تەحنيكا ارقىلى جاڭا كاسىپ سالاسىن، جاڭا ۇلگىنى، جاڭا قوزعاۋشى كۇشتى تۋىنداتىپ، جاڭا ساپالى وندىرگىش كۇشتەردى دامىتۋ كەرەك.
جاڭا ساپالى وندىرگىش كۇش − تەحنيكالىق قامال الۋدان، ءوندىرىس فاكتورلارىن جاسامپازدىقپەن ورنالاستىرۋدان، كاسىپ سالاسىنىڭ ىشكەرىلەي تيپىن وزگەرتىپ، دارەجەسىن جوعارىلاتۋدان تۋىنداعان وسى زامانعى وزىق وندىرگىش كۇش، ول ەڭبەكشىلەردىڭ، ەڭبەك ماتەريالدارىنىڭ، ەڭبەك وبيەكتىلەرىنىڭ جانە ولاردىڭ ساپالى بىرىگۋىنىڭ ساپالىق ءمانىن نەگىزگى مازمۇن ەتكەن، جالپى فاكتورلىق ءوندىرىس ونىمدىلىگىنىڭ جوعارىلاۋىن وزەكتى بەلگى ەتەدى.
جاڭا ساپالى وندىرگىش كۇشتەردى دامىتۋدا عىلىم - تەحنيكادا جاڭالىق اشۋ − وزەكتى قوزعاۋشى كۇش.
ورتالىق قازىنا كەڭسەسىنىڭ قاتىستى جاۋاپتىسى مىنانى ءبىلدىردى: جاڭا ساپالى وندىرگىش كۇشتەردى جەدەل جەتىلدىرۋدە مىناداي ءۇش ءتۇيىندى ويداعىداي يگەرۋ كەرەك: ءبىرىنشى، جاڭاشا ەڭبەكشىلەر قوسىنىن قۇرۋ، جۇيەدەن جاڭا ساپالى وندىرگىش كۇشتەردى جاراتا الاتىن ستراتەگيالىق دارىندىلار مەن جاڭا ساپالى ءوندىرىس قۇرال - جابدىقتارىن جەتىك يگەرە الاتىن قولدانىلمالى دارىندىلاردى قامتيدى؛ ەكىنشى، جاڭاشا ءوندىرىس قۇرالدارىنان ويداعىداي پايدالانۋ، اسىرەسە، شەشۋشى، وزەكتى تەحنيكالاردى يگەرىپ، جاڭادان گۇلدەنگەن كاسىپ سالالارىن دامىتۋعا دەم بەرۋ؛ ءۇشىنشى، جاڭا ساپالى وندىرگىش كۇشكە ۇيلەسەتىن وندىرىستىك قاتىناستى سومداپ، رەفورما جاساپ، ەسىك اشۋ ارقىلى جاڭا ساپالى وندىرگىش كۇشتەردىڭ دامۋىنا تۇساۋ بولاتىن بوگەتتەردى كۇش سالا اشىپ، ءتۇرلى وزىق، ساپالى ءوندىرىس فاكتورلارىنىڭ جاڭا ساپالى ءوندىرىس فاكتورلارىن دامىتۋعا قاراي ىركىلىسسىز اعىلۋىنا جانە جوعارى ءونىمدى ورنالاستىرۋىنا مۇمكىندىك جاساۋ كەرەك.
”جاڭالىق اشۋ تىزبەگىنىڭ، كاسىپ سالاسى تىزبەگىنىڭ، قارجى تىزبەگىنىڭ، دارىندىلار تىزبەگىنىڭ ىشكەرىلەي توعىسۋىن ىلگەرىلەتكەندە عانا، عىلىم - تەحنيكا جەتىستىكتەرىن كادەگە جاراتۋ جانە كاسىپ سالالاندىرۋ دەڭگەيىن ۇزدىكسىز جوعارىلاتۋعا بولادى“ دەدى ونەركاسىپ جانە ينفورماتسيالاندىرۋ مينيسترلىگى عىلىم - تەحنيكا تارماق مەكەمەسىنىڭ باستىعى شيە شاۋفىڭ.
جاڭا ساپالى وندىرگىش كۇشتەردى دامىتۋدا جاڭا كاسىپتەردى جەتىلدىرۋ − ءتۇيىندى مىندەت.
ستراتەگيالىق جاڭادان گۇلدەنگەن كاسىپ سالالارى، بولاشاق كاسىپ سالالارى − وسىزاماندانعان كاسىپ سالاسى جۇيەسىن ورناتۋدىڭ تەتىگى، جاڭا ساپالى وندىرگىش كۇشتەردى دامىتۋدىڭ نەگىزگى شەبى.
”عىلىم - تەحنيكادا جاڭالىق اشۋ ارقىلى كاسىپ سالاسىندا جاڭالىق اشۋدى ىلگەرىلەتۋدە، ءسوز جوق، جاڭا بۋىن ينفورماتسيا تەحنيكاسىن جالپىلاستىرىپ جانە قولدانىپ، جاساندى زەردە ارقىلى تۇتاس كاسىپ جۇيەسىنە قۋات بەرۋ كەرەك“. شيە شاۋفىڭ بىلاي دەدى: عىلىم - تەحنيكادا جاڭالىق اشۋدىڭ ادام ءتارىزدى قۇلتەمىر، مەتا الەم، اۆتوموبيل تورابى، زات تورابى سياقتى كاسىپتەردىڭ دامۋىنا جەتەكشىلىك ەتۋ، باستاماشىلىق ەتۋ رولىن ساۋلەلەندىرۋ كەرەك.
جاڭادان گۇلدەنگەن كاسىپ سالالارىن جەتىلدىرىپ، زورايتىپ، ەل ىشىندەگى ءىرى بازارلار مەن مول قولدانىلمالى جۇيەلەردەن ويداعىداي پايدالانىپ، جاڭادان گۇلدەنگەن كاسىپ سالالارىنىڭ اقاۋسىز، ءتارتىپتى دامۋىن ىلگەرىلەتۋ؛ بولاشاق كاسىپ سالالارىن كورەگەندىكپەن ورنالاستىرىپ، جاڭا جارىس جولىن اشىپ، بولاشاق دامۋدىڭ جاڭا ابزالدىعىن قالىپتاستىرۋ كەرەك... ەكونوميكالىق جۇيە ”جاڭالىققا“ قاراي ىلگەرىلەيدى.
كاسىپورىنداردىڭ عىلىم - تەحنيكادا جاڭالىق اشۋداعى نەگىزگى تۇلعالىق ورنىن كۇشەيتۋ كەرەك. دۇنيە جۇزىندەگى بىرەگەي كاسىپورىندار مەن عىلىم - تەحنيكاداعى كوشباسى كاسىپورىنداردى جەدەل قۇرىپ، جاساۋ كاسىبىنىڭ جەكە تۇردەگى اعا جۇلدەگەر كاسىپورىندارى مەن جوعارى، جاڭا تەحنيكا كاسىپورىندارىن دامىتىپ، زورايتىپ، اناعۇرلىم كوپ ارنايىلانعان، سارالانعان، ەرەكشە، جاڭا كاسىپورىندار مەن ”دارا“ كاسىپورىنداردىڭ جارىققا شىعۋىنا دەم بەرىپ، ءىرى، ورتا، شاعىن كاسىپورىنداردىڭ توعىسپالى جاڭالىق اشۋىن جەبەۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
